The Perfection of Wisdom in One Hundred Thousand Lines
F.62.a
ཅིའི་ཕྱིར་ན་དྲན་པ་ཉེ་བར་གཞག་པ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་ཡང་དག་པར་སྤོང་བ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་རྫུ་འཕྲུལ་གྱི་རྐང་པ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་དབང་པོ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་སྟོབས་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་བྱང་ཆུབ་ཀྱི་ཡན་ལག་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་འཕགས་པའི་ལམ་ཡན་ལག་བརྒྱད་པ་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་འཕགས་པའི་བདེན་པ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་བསམ་གཏན་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་ཚད་མྱེད་པ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་གཟུགས་མྱེད་པའི་སྙོམས་པར་འཇུག་པ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་རྣམ་པར་ཐར་པ་བརྒྱད་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་མཐར་ཀྱིས་གནས་པའི་སྙོམས་པར་འཇུག་པ་དགུ་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་སྨོན་པ་མྱེད་པ་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་མངོན་པར་ཤེས་པ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་ཏིང་ངེ་འཛིན་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་གཟུངས་ཀྱི་སྒོ་རྣམས་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་དེ་བཞིན་གཤེགས་པའི་སྟོབས་བཅུ་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་མྱི་འཇིགས་པ་བཞི་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་སོ་སོ་ཡང་དག་པར་རིག་པ་བཞི་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་བྱམས་པ་ཆེན་པོ་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་སྙིང་རྗེ་ཆེན་པོ་ཡང་དག་པར་རྗེས་སུ་མྱི་མཐོང་། ཅིའི་ཕྱིར་ན་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཡང་དག་པར་རྗེས་སུ་མྱི་མཐོང་།
eKangyur, UT4CZ5369-I1KG9144-0000, page 123 (62a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96342#UT22084-014-001-96342