The Perfection of Wisdom in One Hundred Thousand Lines
F.298.a
།རྣམ་པར་ཤེས་པ་ནི་ཟུག་རྔུར་ཡིད་ལ་བྱའོ། །རྣམ་པར་ཤེས་པ་ནི་སྡིག་པར་ཡིད་ལ་བྱའོ། །རྣམ་པར་ཤེས་པ་ནི་ན་བར་ཡིད་ལ་བྱའོ། །རྣམ་པར་ཤེས་པ་ནི་དགྲར་ཡིད་ལ་བྱའོ། །རྣམ་པར་ཤེས་པ་ནི་འཇིག་པའི་ཆོས་ཅན་དུ་ཡིད་ལ་བྱའོ། །རྣམ་པར་ཤེས་པ་ནི་མི་བརྟན་པར་ཡིད་ལ་བྱའོ། །རྣམ་པར་ཤེས་པ་ནི་འཇིག་པར་ཡིད་ལ་བྱའོ། །རྣམ་པར་ཤེས་པ་ནི་འཇིགས་པར་ཡིད་ལ་བྱའོ། །རྣམ་པར་ཤེས་པ་ནི་འགོ་བའི་ནད་དུ་ཡིད་ལ་བྱའོ། །རྣམ་པར་ཤེས་པ་ནི་སྟོང་པ་ཉིད་དུ་ཡིད་ལ་བྱའོ། །རྣམ་པར་ཤེས་པ་ནི་བདག་གི་མྱེད་པར་ཡིད་ལ་བྱའོ། །རྣམ་པར་ཤེས་པ་ནི་ཡིད་བརྟན་དུ་མྱི་རུང་བར་ཡིད་ལ་བྱའོ། །རྣམ་པར་ཤེས་པ་ནི་གནོད་པར་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། མྱིང་དང་གཟུགས་ནི་མྱི་རྟག་པར་ཡིད་ལ་བྱའོ། །མྱིང་དང་གཟུགས་ནི་སྡུག་བསྔལ་བར་ཡིད་ལ་བྱའོ། །མྱིང་དང་གཟུགས་ནི་བདག་མྱེད་པར་ཡིད་ལ་བྱའོ། །མྱིང་དང་གཟུགས་ནི་ཞི་བར་ཡིད་ལ་བྱའོ། །མྱིང་དང་གཟུགས་ནི་དབེན་པར་ཡིད་ལ་བྱའོ། །མྱིང་དང་གཟུགས་ནི་ནད་དུ་ཡིད་ལ་བྱའོ། །མྱིང་དང་གཟུགས་ནི་ཤུ་བར་ཡིད་ལ་བྱའོ། །མྱིང་དང་གཟུགས་ནི་ཟུག་རྔུར་ཡིད་ལ་བྱའོ། །མྱིང་དང་གཟུགས་ནི་སྡིག་པར་ཡིད་ལ་བྱའོ། །མྱིང་དང་གཟུགས་ནི་ན་བར་ཡིད་ལ་བྱའོ། །མྱིང་དང་གཟུགས་ནི་དགྲར་ཡིད་ལ་བྱའོ། །མྱིང་དང་གཟུགས་ནི་འཇིག་པའི་ཆོས་ཅན་དུ་ཡིད་ལ་བྱའོ། །མྱིང་དང་གཟུགས་ནི་མྱི་བརྟན་པར་ཡིད་ལ་བྱའོ། །མྱིང་དང་གཟུགས་ནི་འཇིག་པར་ཡིད་ལ་བྱའོ། །མྱིང་དང་གཟུགས་ནི་འཇིགས་པར་ཡིད་ལ་བྱའོ། །མྱིང་དང་གཟུགས་ནི་འགོ་བའི་ནད་དུ་ཡིད་ལ་བྱའོ། །མྱིང་དང་གཟུགས་ནི་སྟོང་པ་ཉིད་དུ་ཡིད་ལ་བྱའོ། །མྱིང་དང་གཟུགས་ནི་བདག་གི་མྱེད་པར་ཡིད་ལ་བྱའོ། །མྱིང་དང་གཟུགས་ནི་ཡིད་བརྟན་དུ་མི་རུང་བར་ཡིད་ལ་བྱའོ། །མྱིང་དང་གཟུགས་ནི་གནོད་པར་ཡིད་ལ་བྱའོ།
eKangyur, UT4CZ5369-I1KG9143-0000, page 595 (298a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96055#UT22084-014-001-96055