The Perfection of Wisdom in One Hundred Thousand Lines
F.289.b
།རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམིགས་པའི་ཚུལ་གྱིས། སྣའི་རྣམ་པར་ཤེས་པ་ནི་མི་རྟག་པར་ཡིད་ལ་བྱའོ། །སྣའི་རྣམ་པར་ཤེས་པ་ནི་སྡུག་བསྔལ་བར་ཡིད་ལ་བྱའོ། །སྣའི་རྣམ་པར་ཤེས་པ་ནི་བདག་མེད་པར་ཡིད་ལ་བྱའོ། །སྣའི་རྣམ་པར་ཤེས་པ་ནི་ཞི་བར་ཡིད་ལ་བྱའོ། །སྣའི་རྣམ་པར་ཤེས་པ་ནི་དབེན་པར་ཡིད་ལ་བྱའོ། །སྣའི་རྣམ་པར་ཤེས་པ་ནི་ནད་དུ་ཡིད་ལ་བྱའོ། །སྣའི་རྣམ་པར་ཤེས་པ་ནི་ཤུ་བར་ཡིད་ལ་བྱའོ། །སྣའི་རྣམ་པར་ཤེས་པ་ནི་ཟུག་རྔུར་ཡིད་ལ་བྱའོ། །སྣའི་རྣམ་པར་ཤེས་པ་ནི་སྡིག་པར་ཡིད་ལ་བྱའོ། །སྣའི་རྣམ་པར་ཤེས་པ་ནི་ན་བར་ཡིད་ལ་བྱའོ། །སྣའི་རྣམ་པར་ཤེས་པ་ནི་དགྲར་ཡིད་ལ་བྱའོ། །སྣའི་རྣམ་པར་ཤེས་པ་ནི་འཇིག་པའི་ཆོས་ཅན་དུ་ཡིད་ལ་བྱའོ། །སྣའི་རྣམ་པར་ཤེས་པ་ནི་མི་བརྟན་པར་ཡིད་ལ་བྱའོ། །སྣའི་རྣམ་པར་ཤེས་པ་ནི་འཇིག་པར་ཡིད་ལ་བྱའོ། །སྣའི་རྣམ་པར་ཤེས་པ་ནི་འཇིགས་པར་ཡིད་ལ་བྱའོ། །སྣའི་རྣམ་པར་ཤེས་པ་ནི་འགོ་བའི་ནད་དུ་ཡིད་ལ་བྱའོ། །སྣའི་རྣམ་པར་ཤེས་པ་ནི་སྟོང་པ་ཉིད་དུ་ཡིད་ལ་བྱའོ། །སྣའི་རྣམ་པར་ཤེས་པ་ནི་བདག་གི་མེད་པར་ཡིད་ལ་བྱའོ། །སྣའི་རྣམ་པར་ཤེས་པ་ནི་ཡིད་བརྟན་དུ་མི་རུང་བར་ཡིད་ལ་བྱའོ། །སྣའི་རྣམ་པར་ཤེས་པ་ནི་གནོད་པར་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། ལྕེའི་རྣམ་པར་ཤེས་པ་ནི་མི་རྟག་པར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་སྡུག་བསྔལ་བར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་བདག་མེད་པར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་ཞི་བར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་དབེན་པར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་ནད་དུ་ཡིད་ལ་བྱའོ། །ལྕེའི་རྣམ་པར་ཤེས་པ་ནི་ཤུ་བར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་ཟུག་རྔུར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་སྡིག་པར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་ན་བར་ཡིད་ལ་བྱའོ། །ལྕེའི་རྣམ་པར་ཤེས་པ་ནི་དགྲར་ཡིད་ལ་བྱའོ།
eKangyur, UT4CZ5369-I1KG9143-0000, page 578 (289b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96039#UT22084-014-001-96039