ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines
F.162.a

Śata­sāhasrikā­prajñā­pāramitā
F.162.a, volume 17, Degé Kangyur

ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་རྣམ་པར་ཤེས་པའི་འགྲི། བ་པ་གང་ལགས་པ་དེ་རྣམ་པར་ཤེས་པ་མ་ལགས་སོ། །​བཅོམ་ལྡན་འདས་མྱིང་དང་གཟུགས་ཀྱི་འགྲིབ་པ་གང་ལགས་པ་དེ་ནི་མྱིང་དང་གཟུགས་མ་ལགས་ཏེ། དེ་ལྟར་ན་མྱིང་དང་གཟུགས་དང་འགྲིབ་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ། །​དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་མྱིང་དང་གཟུགས་ཀྱི་འགྲིབ་པ་གང་ལགས་པ་དེ་མྱིང་དང་གཟུགས་མ་ལགས་སོ། །​བཅོམ་ལྡན་འདས་སྐྱེ་མཆེད་དྲུག་གི་འགྲིབ་པ་གང་ལགས་པ་དེ་ནི་སྐྱེ་མཆེད་དྲུག་མ་ལགས་ཏེ། དེ་ལྟར་ན་སྐྱེ་མཆེད་དྲུག་དང་འགྲིབ་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ། །​དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་སྐྱེ་མཆེད་དྲུག་གི་འགྲིབ་པ་གང་ལགས་པ་དེ་སྐྱེ་མཆེད་དྲུག་མ་ལགས་སོ། །​བཅོམ་ལྡན་འདས་རེག་པའི་འགྲིབ་པ་གང་ལགས་པ་དེ་ནི་རེག་པ་མ་ལགས་ཏེ། དེ་ལྟར་ན་རེག་པ་དང་འགྲིབ་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ། །​དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་རེག་པའི་འགྲིབ་པ་གང་ལགས་པ་དེ་རེག་པ་མ་ལགས་སོ། །​བཅོམ་ལྡན་འདས་ཚོར་བའི་འགྲིབ་པ་གང་ལགས་པ་དེ་ནི་ཚོར་བ་མ་ལགས་ཏེ། དེ་ལྟར་ན་ཚོར་བ་དང་འགྲིབ་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ། །​དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་ཚོར་བའི་འགྲིབ་པ་གང་ལགས་པ་དེ་

eKangyur, UT4CZ5369-I1KG9143-0000, page 323 (162a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-10547#UT22084-014-001-10547