ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines
F.161.a

Śata­sāhasrikā­prajñā­pāramitā
F.161.a, volume 17, Degé Kangyur

རེག་པའི་རྐྱེན་ཀྱིས་ཚོར་བ་མ་ལགས་སོ། །​བཅོམ་ལྡན་འདས་སའི་ཁམས་ཀྱི་འགྲིབ་པ་གང་ལགས་པ་དེ་ནི་སའི་ཁམས་མ་ལགས་ཏེ། དེ་ལྟར་ན་སའི་ཁམས་དང་འགྲིབ་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ། །​དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་སའི་ཁམས་ཀྱི་འགྲིབ་པ་གང་ལགས་པ་དེ་ནི་སའི་ཁམས་མ་ལགས་སོ། །​བཅོམ་ལྡན་འདས་ཆུའི་ཁམས་ཀྱི་གྲིབ་པ་གང་ལགས་པ་དེ་ནི་ཆུའི་ཁམས་མ་ལགས་ཏེ། དེ་ལྟར་ན་ཆུའི་ཁམས་དང་འགྲིབ་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ། །​དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་ཆུའི་ཁམས་ཀྱི་འགྲིབ་པ་གང་ལགས་པ་དེ་ཆུའི་ཁམས་མ་ལགས་སོ། །​བཅོམ་ལྡན་འདས་མྱེའི་ཁམས་ཀྱི་འགྲིབ་པ་གང་ལགས་པ་དེ་ནི། མེའི་ཁམས་མ་ལགས་ཏེ། དེ་ལྟར་ན་མྱེའི་ཁམས་དང་འགྲིབ་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ། །​དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་མེའི་ཁམས་ཀྱི་འགྲིབ་པ་གང་ལགས་པ་དེ་མེའི་ཁམས་མ་ལགས་སོ། །​བཅོམ་ལྡན་འདས་རླུང་གི་ཁམས་ཀྱི་འགྲིབ་པ་གང་ལགས་པ་དེ་ནི་རླུང་གི་ཁམས་མ་ལགས་ཏེ། དེ་ལྟར་ན་རླུང་གི་ཁམས་དང་འགྲིབ་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ། །​དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ནི་འདི་ལྟར་འགྲིབ་པ་ནི་གཅིག་མ་ལགས་གཉིས་མ་ལགས་མང་བ་མ་ལགས་ཐ་དད་པ་མ་ལགས་ཏེ། དེའི་སླད་དུ་རླུང་གི་ཁམས་ཀྱི་འགྲིབ་པ་གང་ལགས་པ་དེ་རླུང་གི་ཁམས་མ་ལགས་སོ། །​བཅོམ་ལྡན་འདས་ནམ་མཁའི་ཁམས་

eKangyur, UT4CZ5369-I1KG9143-0000, page 321 (161a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-10545#UT22084-014-001-10545