ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines
F.67.a

Śata­sāhasrikā­prajñā­pāramitā
F.67.a, volume 17, Degé Kangyur

པའི་སྟོབས་དང་། མྱི་འཇིགས་པ་དང་། སོ་སོ་ཡང་དག་པར་རིག་པ་དང་། བྱམས་པ་ཆེན་པོ་ལ་མྱེད་ཅིང་མྱི་དམྱིགས་སོ། །​དེ་བཞིན་གཤེགས་པའི་སྟོབས་དང་། མྱི་འཇིགས་པ་དང་། སོ་སོ་ཡང་དག་པར་རིག་པ་དང་བྱམས་པ་ཆེན་པོ་དང་། སྙིང་རྗེ་ཆེན་པོ་ནི་སངས་རྒྱས་ཀྱི་ཆོས་མ་འདྲེས་པ་རྣམས་ལ་མེད་ཅིང་མྱི་དམྱིགས་སོ། །​སངས་རྒྱས་ཀྱི་ཆོས་མ་འདྲེས་པ་རྣམས་ནི། སངས་རྒྱས་ཀྱི་ཆོས་མ་འདྲེས་པ་རྣམས་ལ་མྱེད་ཅིང་མྱི་དམྱིགས་སོ། །​སངས་རྒྱས་ཀྱི་ཆོས་མ་འདྲེས་པ་རྣམས་ནི། དེ་བཞིན་གཤེགས་པའི་སྟོབས་དང་། མི་འཇིགས་པ་དང་། སོ་སོ་ཡང་དག་པར་རིག་པ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་རྣམས་ལ་མྱེད་ཅིང་མྱི་དམྱིགས་སོ། །​རིགས་ཀྱི་སའི་ཆོས་རྣམས་ནི། རིགས་ཀྱི་སའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​རིགས་ཀྱི་སའི་ཆོས་ནི་བརྒྱད་པའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​བརྒྱད་པའི་ཆོས་རྣམས་ནི་བརྒྱད་པའི་ཆོས་རྣམས་ལ་མྱེད་ཅིང་མྱི་དམིགས་སོ། །བརྒྱད་པའི་ཆོས་རྣམས་ནི། རིགས་ཀྱི་སའི་ཆོས་ལ་མྱེད་ཅིང་མྱི་དམྱིགས་སོ། །​རིགས་ཀྱི་སའི་ཆོས་དང་བརྒྱད་པའི་ཆོས་རྣམས་ནི། རྒྱུན་ཏུ་ཞུགས་པའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​རྒྱུན་ཏུ་ཞུགས་པའི་ཆོས་རྣམས་ནི། རྒྱུན་ཏུ་ཞུགས་པའི་ཆོས་རྣམས་ལ་མེད་ཅིང་མྱི་དམྱིགས་སོ། །རྒྱུན་ཏུ་ཞུགས་པའི་ཆོས་རྣམས་ནི། རིགས་ཀྱི་སའི་ཆོས་དང་། བརྒྱད་པའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​རིགས་ཀྱི་སའི་ཆོས་དང་བརྒྱད་པའི་ཆོས་དང་། རྒྱུན་ཏུ་ཞུགས་པའི་ཆོས་རྣམས་ནི། ལན་ཅིག་ཕྱིར་འོང་བའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​ལན་ཅིག་ཕྱིར་འོང་བའི་ཆོས་རྣམས་ནི། ལན་ཅིག་ཕྱིར་འོང་བའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​ལན་ཅིག་ཕྱིར་འོང་བའི་ཆོས་རྣམས་ནི། རིགས་ཀྱི་སའི་ཆོས་དར། བརྒྱད་པའི་ཆོས་དང་། རྒྱུན་ཏུ་ཞུགས་པའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​རིགས་ཀྱི་སའི་ཆོས་དང་། བརྒྱད་པའི་ཆོས་དང་། རྒྱུན་ཏུ་ཞུགས་པའི་ཆོས་དང་། ལན་ཅིག་ཕྱིར་འོང་བའི་ཆོས་རྣམས་ནི། ཕྱིར་མྱི་འོང་བའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​ཕྱིར་མྱི་འོང་བའི་ཆོས་རྣམས་ནི། ཕྱིར་མྱི་འོང་བའི་ཆོས་རྣམས་ལ་མྱེད་ཅིང་མྱི་དམྱིགས་སོ། །​ཕྱིར་མི་འོང་བའི་ཆོས་རྣམས་ནི། རིགས་

eKangyur, UT4CZ5369-I1KG9143-0000, page 133 (67a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-10360#UT22084-014-001-10360