ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines
F.65.b

Śata­sāhasrikā­prajñā­pāramitā
F.65.b, volume 17, Degé Kangyur

དམྱིགས་སོ། །​བསམ་གཏན་རྣམས་ནི་བསམ་གཏན་རྣམས་ལ་མེད་ཅིང་མྱི་དམྱིགས་སོ། །​བསམ་གཏན་རྣམས་ནི་འཕགས་པའི་བདེན་པ་རྣམས་ལ་མེད་ཅིང་མྱི་དམྱིགས་སོ། །​འཕགས་པའི་བདེན་པ་དང་། བསམ་གཏན་རྣམས་ནི་ཚད་མྱེད་པ་རྣམས་ལ་མེད་ཅིང་མྱི་དམྱིགས་སོ། །ཚད་མེད་པ་རྣམས་ནི་ཚད་མེད་པ་རྣམས་ལ་མེད་ཅིང་མྱི་དམྱིགས་སོ། །​ཚད་མྱེད་པ་རྣམས་ནི་འཕགས་པའི་བདེན་པ་དང་། བསམ་གཏན་རྣམས་ལ་མྱེད་ཅིང་མྱི་དམྱིགས་སོ། །​འཕགས་པའི་བདེན་པ་དང་། བསམ་གཏན་དང་། ཚད་མེད་པ་རྣམས་ནི་གཟུགས་མེད་པའི་སྙོམས་པར་འཇུག་པ་རྣམས་ལ་མྱེད་ཅིང་མྱི་དམྱིགས་སོ། །​གཟུགས་མེད་པའི་སྙོམས་པར་འཇུག་པ་རྣམས་ནི། གཟུགས་མེད་པའི་སྙོམས་པར་འཇུག་པ་རྣམས་ལ་མེད་ཅིང་མྱི་དམིགས་སོ། །​གཟུགས་མྱེད་པའི་སྙོམས་པར་འཇུག་པ་རྣམས་ནི། འཕགས་པའི་བདེན་པ་དང་། བསམ་གཏན་དང་། ཚད་མེད་པ་རྣམས་ལ་མེད་ཅིང་མྱི་དམྱིགས་སོ། །​འཕགས་པའི་བདེན་པ་དང་། བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་རྣམས་ནི་རྣམ་པར་ཐར་པ་རྣམས་ལ་མྱེད་ཅིང་མྱི་དམྱིགས་སོ། །​རྣམ་པར་ཐར་པ་རྣམས་ནི། རྣམ་པར་ཐར་པ་རྣམས་ལ་མྱེད་ཅིང་མྱི་དམིགས་སོ། །​རྣམ་པར་ཐར་པ་རྣམས་ནི་འཕགས་པའི་བདེན་པ་དང་། བསམ་གཏན་དང་། ཚད་མེད་པ་དང་། གཟུགས་མྱེད་པའི་སྙོམས་པར་འཇུག་པ་རྣམས་ལ་མྱེད་ཅིང་མྱི་དམྱིགས་སོ། །​འཕགས་པའི་བདེན་པ་དང་། བསམ་གཏན་དང་། ཚད་མྱེད་པ་དང་། གཟུགས་མེད་པའི་སྙོམས་པར་འཇུག་པ་དང་། རྣམ་པར་ཐར་པ་རྣམས་ནི། མཐར་ཀྱིས་གནས་པའི་སྙོམས་པར་འཇུག་པ་རྣམས་ལ་མེད་ཅིང་མྱི་དམྱིགས་སོ། །​མཐར་ཀྱིས་གནས་པའི་སྙོམས་པར་འཇུག་པ་རྣམས་ནི། མཐར་ཀྱིས་གནས་པའི་སྙོམས་པར་འཇུག་པ་རྣམས་ལ་མེད་ཅིང་མྱི་དམྱིགས་སོ། །​མཐར་ཀྱིས་གནས་པའི་སྙོམས་པར་འཇུག་པ་རྣམས་ནི། འཕགས་པའི་བདེན་པ་དང་། བསམ་གཏན་དང་། ཚད་མྱེད་པ་དང་། གཟུགས་མེད་པའི་སྙོམས་པར་འཇུག་པ་དང་། རྣམ་པར་ཐར་པ་རྣམས་ལ་མྱེད་ཅིང་མྱི་

eKangyur, UT4CZ5369-I1KG9143-0000, page 130 (65b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-10357#UT22084-014-001-10357