ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines
F.60.a

Śata­sāhasrikā­prajñā­pāramitā
F.60.a, volume 17, Degé Kangyur

མྱི་དམྱིགས་སོ། །​རྣམ་པར་ཤེས་པ་ནི་མ་རིག་པ་དང་། འདུ་བྱེད་ལ་མྱེད་ཅིང་མྱི་དམྱིགས་སོ། །​མ་རིག་པ་དང་འདུ་བྱེད་དང་རྣམ་པར་ཤེས་པ་ནི་མྱིད་དང་གཟུགས་ལ་མྱེད་ཅིང་མྱི་དམྱིགས་སོ། །​མྱིང་དང་གཟུགས་ནི་མྱིང་དང་གཟུགས་ལ་མྱེད་ཅིང་མྱི་དམྱིགས་སོ། །​མྱིང་དང་གཟུགས་ནི་མ་རིག་པ་དང་འདུ་བྱེད་དང་རྣམ་པར་ཤེས་པ་ལ་མྱེད་ཅིང་མྱི་དམྱིགས་སོ། །​མ་རིག་པ་དང་འདུ་བྱེད་དང་རྣམ་པར་ཤེས་པ་དང་། མྱིང་དང་གཟུགས་ནི་སྐྱེ་མཆེད་དྲུག་ལ་མྱེད་ཅིང་མྱི་དམྱིགས་སོ། །​སྐྱེ་མཆེད་དྲུག་ནི་སྐྱེ་མཆེད་དྲུག་ལ་མྱེད་ཅིང་མྱི་དམྱིགས་སོ། །​སྐྱེ་མཆེད་དྲུག་ནི་མ་རིག་པ་དང་འདུ་བྱེད་དང་རྣམ་པར་ཤེས་པ་དང་། མྱིང་དང་གཟུགས་ལ་མྱེད་ཅིང་མྱི་དམྱིགས་སོ། །​མ་རིག་པ་དང་འདུ་བྱེད་དང་། རྣམ་པར་ཤེས་པ་དང་། མྱིང་དང་གཟུགས་དང་། སྐྱེ་མཆེད་དྲུག་ནི་རེག་པ་ལ་མེད་ཅིང་མྱི་དམྱིགས་སོ། །རེག་པ་ནི་རེག་པ་ལ་མྱེད་ཅིང་མྱི་དམྱིགས་སོ། །​རེག་པ་ནི་མ་རིག་པ་དང་། འདུ་བྱེད་དང་རྣམ་པར་ཤེས་པ་དང་། མྱིང་དང་གཟུགས་དང་། སྐྱེ་མཆེད་དྲུག་ལ་མྱེད་ཅིང་མྱི་དམྱིགས་སོ། །​མ་རིག་པ་དང་འདུ་བྱེད་དང་རྣམ་པར་ཤེས་པ་དང་། མིང་དང་གཟུགས་དང་། སྐྱེ་མཆེད་དྲུག་དང་རེག་པ་ནི་ཚོར་བ་ལ་མེད་ཅིང་མྱི་དམྱིགས་སོ། །​ཚོར་བ་ནི་ཚོར་བ་ལ་མྱེད་ཅིང་མྱི་དམྱིགས་སོ། །​ཚོར་བ་ནི་མ་རིག་པ་དང་། འདུ་བྱེད་དང་རྣམ་པར་ཤེས་པ་དང་། མྱིང་དང་གཟུགས་དང་། སྐྱེ་མཆེད་དྲུག་དང་། རེག་པ་ལ་མྱེད་ཅིང་མྱི་དམྱིགས་སོ། །མ་རིག་པ་དང་། འདུ་བྱེད་དང་། རྣམ་པར་ཤེས་པ་དང་། མྱིང་དང་གཟུགས་དང་། སྐྱེ་མཆེད་དྲུག་དང་། རེག་པ་དང་ཚོར་བ་ནི་སྲེད་པ་ལ་མྱེད་ཅིང་མྱི་དམྱིགས་སོ། །​སྲེད་པ་ནི་སྲེད་པ་ལ་མེད་ཅིང་མི་དམྱིགས་སོ། །​སྲེད་པ་ནི་མ་རིག་པ་དང་། འདུ་བྱེད་དང་། རྣམ་པར་ཤེས་པ་དང་། མིང་དང་གཟུགས་དང་། སྐྱེ་མཆེད་དྲུག་དང་། རེག་པ་དང་། ཚོར་བ་ལ་མེད་ཅིང་མྱི་དམྱིགས་སོ། །​མ་རིག་པ་དང་། འདུ་བྱེད་དང་རྣམ་པར་ཤེས་པ་དང་། མྱིང་དང་གཟུགས་དང་། སྐྱེ་མཆེད་དྲུག་དང་། རེག་པ་དང་ཚོར་བ་དང་སྲེད་པ་ནི་ལེནད་

eKangyur, UT4CZ5369-I1KG9143-0000, page 119 (60a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-10346#UT22084-014-001-10346