ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines
F.243.a

Śata­sāhasrikā­prajñā­pāramitā
F.243.a, volume 16, Degé Kangyur

པ་ནི། དམྱིགས་པ་ཡང་མ་ཡིན་མྱི་དམྱིགས་པ་ཡང་མ་ཡིན་ནོ། །​ས་དྲུག་པ་མྱི་དམྱིགས་པས། ས་དྲུག་པ་དམྱིགས་སུ་མེད་དོ། །​དེ་ཅིའི་ཕྱིར་ཞེ་ན། རབ་འབྱོར་ས་དྲུག་པ་དམྱིགས་སུ་མྱེད་པ་ནི། དམྱིགས་པ་ཡང་མ་ཡིན་མྱི་དམྱིགས་པ་ཡང་མ་ཡིན་ནོ། །​ས་བདུན་པ་མྱི་དམྱིགས་པས། །​ས་བདུན་པ་དམྱིགས་སུ་མྱེད་དོ། །​དེ་ཅིའི་ཕྱིར་ཞེ་ན། རབ་འབྱོར་ས་བདུན་པ་དམྱིགས་སུ་མྱེད་པ་ནི། དམྱིགས་པ་ཡང་མ་ཡིན་མྱི་དམྱིགས་པ་ཡང་མ་ཡིན་ནོ། །​ས་བརྒྱད་པ་མྱི་དམྱིགས་པས། ས་བརྒྱད་པ་དམྱིགས་སུ་མྱེད་དོ། །​དེ་ཅིའི་ཕྱིར་ཞེ་ན། རབ་འབྱོར་ས་བརྒྱད་པ་དམྱིགས་སུ་མྱེད་པ་ནི། དམྱིགས་པ་ཡང་མ་ཡིན་མྱི་དམྱིགས་པ་ཡང་མ་ཡིན་ནོ། །​ས་དགུ་པ་མྱི་དམྱིགས་པས། ས་དགུ་པ་དམྱིགས་སུ་མྱེད་དོ། །​དེ་ཅིའི་ཕྱིར་ཞེ་ན། རབ་འབྱོར་ས་དགུ་པ་དམྱིགས་སུ་མྱེད་པ་ནི། དམྱིགས་པ་ཡང་མ་ཡིན་མྱི་དམྱིགས་པ་ཡང་མ་ཡིན་ནོ། །​ས་བཅུ་པ་མྱི་དམྱིགས་པས། ས་བཅུ་པ་དམྱིགས་སུ་མྱེད་དོ། །​དེ་ཅིའི་ཕྱིར་ཞེ་ན། རབ་འབྱོར་ས་བཅུ་པ་དམྱིགས་སུ་མྱེད་པ་ནི། དམྱིགས་པ་ཡང་མ་ཡིན་མྱི་དམྱིགས་པ་ཡང་མ་ཡིན་ནོ། །​ས་དང་པོ་ནི་གང་། ས་གཉིས་པ་ནི་གང་། ས་གསུམ་པ་ནི་གང་། ས་བཞི་པ་ནི་གང་། ས་ལྔ་པ་ནི་གང་། ས་དྲུག་པ་ནི་གང་། ས་བདུན་པ་ནི་གང་། ས་བརྒྱད་པ་ནི་གང་། ས་དགུ་པ་ནི་གང་། ས་བཅུ་པ་ནི་གང་ཞེ་ན། འདི་ལྟ་སྟེ། དཀར་པོ་རྣམ་པར་མཐོང་བའི་ས་དང་། རིགས་ཀྱི་ས་དང་། བརྒྱད་པའི་ས་དང་། མཐོང་བའི་ས་དང་། བསྲབས་པའི་ས་དང་། འདོད་ཆགས་དང་བྲལ་བའི་ས་དང་། བྱས་པ་རྟོགས་པའི་ས་དང་། རང་སངས་རྒྱས་ཀྱིས་དང་། བྱང་ཆུབ་སེམས་དཔའི་ས་དང་། སངས་རྒྱས་ཀྱིས་ཏེ། ནང་སྟོང་པ་ཉིད་ཀྱི་ཕྱིར་ས་དང་པོ་དམྱིགས་སུ་མྱེད་དོ། །​ཕྱི་སྟོང་པ་ཉིད་ཀྱི་ཕྱིར་ས་དང་པོ་དམྱིགས་སུ་མེད་དོ། །​ཕྱི་ནང་སྟོང་པ་ཉིད་ཀྱི་ཕྱིར་ས་དང་པོ་དམྱིགས་སུ་

eKangyur, UT4CZ5369-I1KG9142-0000, page 485 (243a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-9935#UT22084-014-001-9935