ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines
F.42.a

Śata­sāhasrikā­prajñā­pāramitā
F.42.a, volume 16, Degé Kangyur

དམྱིགས་པ་ལ་གནས་མེད་དོ། །​རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའི་ཚིག་གི་དོན་མྱེད་དོ། །​གསོལ་པ། བཅོམ་ལྡན་འདས་གང་གི་སྐྱེ་བ་མ་མཆིས་པ་ལ་གནས་མ་མ་མཆིས། གང་གི་འགག་པ་མ་མཆིས་པ་ལ་གནས་མ་མཆིས། གང་གི་ཀུན་ནས་ཉོན་མོངས་པ་མ་མཆིས་པ་དང་། རྣམ་པར་བྱང་བ་མ་མཆིས་པ་ལ་གནས་མ་མཆིས། གང་གི་མངོན་པར་འདུ་བགྱི་བ་མ་མཆིས་པ་ལ་གནས་མ་མཆིས། གང་གི་འབྱུང་བ་མ་མཆིས་པ་ལ་གནས་མ་མཆིས། གང་གི་མྱི་དམྱིགས་པ་ལ་གནས་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་གཟུགས་སྐྱེ་བ་མེད་པ་ལ་གནས་མེད་དོ། །​གཟུགས་འགག་པ་མེད་པ་ལ་གནས་མེད་དོ། །​གཟུགས་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མྱེད་པ་ལ་གནས་མྱེད་དོ། །​གཟུགས་མངོན་པར་འདུ་བྱ་བ་མེད་པ་ལ་གནས་མེད་དོ། །​གཟུགས་འབྱུང་བ་མེད་པ་ལ་གནས་མེད་དོ། །​གཟུགས་མྱི་དམྱིགས་པ་ལ་གནས་མེད་དོ། །​རབ་འབྱོར་ཚོར་བ་སྐྱེ་བ་མྱེད་པ་ལ་གནས་མེད་དོ། །​ཚོར་བ་འགག་པ་མེད་པ་ལ་གནས་མེད་དོ། །​ཚོར་བ་ཀུན་ནས་ཉོན་མོངས་པ་མྱེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​ཚོར་བ་མངོན་པར་འདུ་བྱ་བ་མེད་པ་ལ་གནས་མེད་དོ། །​ཚོར་བ་འབྱུང་བ་མེད་པ་ལ་གནས་མེད་དོ། །ཚོར་བ་མི་དམིགས་པ་ལ་གནས་མེད་དོ། །​རབ་འབྱོར་འདུ་ཤེས་སྐྱེ་བ་མེད་པ་ལ་གནས་མེད་དོ། །​འདུ་ཤེས་འགག་པ་མེད་པ་ལ་གནས་མེད་དོ། །​འདུ་ཤེས་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​འདུ་ཤེས་མངོན་པར་འདུ་བྱ་བ་མེད་པ་ལ་གནས་མེད་དོ། །​འདུ་ཤེས་འབྱུང་བ་མེད་པ་ལ་གནས་མེད་དོ། །​འདུ་ཤེས་མི་དམིགས་པ་ལ་གནས་མེད་དོ། །​རབ་འབྱོར་འདུ་བྱེད་སྐྱེ་བ་མེད་པ་ལ་གནས་མེད་དོ། །​འདུ་བྱེད་འགག་པ་མེད་པ་ལ་གནས་མེད་དོ། །​འདུ་

eKangyur, UT4CZ5369-I1KG9142-0000, page 83 (42a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-7532#UT22084-014-001-7532