དེ་བཞིན་གཤེགས་པ་ཐམས་ཅད་ཀྱི་ཡུམ་སྒྲོལ་མ་ལས་སྣ་ཚོགས་འབྱུང་བ་ཞེས་བྱ་བའི་རྒྱུད།

The Tantra on the Origin of All Rites of Tārā, Mother of All the Tathāgatas
F.214.b

Sarvatathāgata­mātṛtārāviśvakarma­bhava­tantranāma
F.214.b, volume 94, Degé Kangyur

བྱའོ། །​ལིང་ཚེ་བརྒྱད་པ་ཕྱི་མ་ལ་ནི། ཨོཾ་ཏཱ་རེ་ཏུ་རེ་ཏུཏྟཱ་རེ་ཞེས་བྱ་བའི་ཡིག་འབྲུ་རྣམས་ཨུ་དང་ཨུའི་བར་དུ་བཅུག་པ་བཀོད་ལ་གྲོ་ག་འམ་ཤིང་ཤུན་ལ་གུར་གུམ་གྱིས་བྲིས་ཏེ་སྤྱི་བོའམ་མཆན་ཁུང་དུ་མིས་མི་མཐོང་བར་བཏགས་ན་གནོད་པ་ཐམས་ཅད་ལས་ཐར་རོ། །​སྔགས་ནི་ཅི་མང་དུ་གྲངས་དང་ལྡན་པར་བཟླས་སོ། །​ཤིན་ཏུ་རྒྱས་པའི་བསྲུང་བའི་འཁོར་ལོའི་ལེའུ་སྟེ་ཉི་ཤུ་རྩ་གཅིག་པའོ།​། །​།དེ་ནས་ཕྲིན་ལས་ཐམས་ཅད་བསྒྲུབ་པའི་འཁོར་ལོ་ནི་གྲོག་འམ་རས་ལ་ལིང་ཚེ་དགུ་པའི་འཁོར་ལོ་ཙནྡན་དཀར་པོའི་ཆུས་བྲིས་ཏེ་སྔགས་དགོད་བ་ནི། ཨ་ཨཱ་ཨི་ཨཱི་ཨུ་ཨཱུ་ཨེ་ཨཻ་ཨོ་ཨོཾ་རྀ་རཱྀ་ལྀ་ལཱྀ་ཨཾ་ཨཿཞེས་བྱ་བ་ཕྱིའི་མུ་ཁྱུད་ལའོ། །​ནང་གི་མུ་ཁྱུད་ལ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨོཾ་དང་ཧཱའི་བར་དུ་རཀྵཿ ཤཱིནྟཾ་ཀུ་རུ་སྭཱ་ཧཱ་ཞེས་པ་ནི་སྟེང་གི་འཁོར་ལོའོ། །​འོག་གི་འཁོར་ལོ་ནི་སྔགས་བཟློག་པས་སོ། །​ཕྱིའི་དབྱངས་ཡིག་ཀྱང་བཟློག་པར་ཤེས་པར་བྱའོ། །​དབུས་སུ་ནི་ཨོཾ་དང་ཧཱའི་བར་དུ་རཀྵཿཤཱནྟིཾ་ཀུ་རུ་བྲི་བར་བྱའོ། །​ཞི་བ་ཆེན་པོའི་འཁྲུལ་འཁོར་གྱི་བསྲུང་བ་སྟེ་ལེའུ་ཉི་ཤུ་རྩ་གཉིས་པའོ།​། །​།དེ་ནས་ཕྲིན་ལས་བཞིའི་ལས་སོ་སོའི་འཁོར་ལོ་ནི་ཞི་བ་ནི་ཁམ་པ་ལ་གའུ་ཁ་སྦྱོར་བྱ་སྟེ་མེར་བསྲེགས་ལ་ཁ་དོག་དཀར་པོས་བྱུག་པར་བྱའོ། །​དེའི་ནང་དུ་འཁོར་ལོ་ལིང་ཚེ་དགུ་པ་བྲིས་ཏེ་སྔགས་དགོད་པ་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་ཞེས་བྱ་བ་རེའུ་མིག་བརྒྱད་ལའོ། །​རུ་རུ་ཨོཾ་རུ་རུ། རུ་རུ་ཏཱ་རུ་རུ། རུ་རུ་རེ་རུ་རུ། རུ་རུ་ཏུ་ཏ་རུ་རུ། རུ་རུ་ཏཱ་རུ་རུ། རུ་རུ་རེ་རུ་རུ། རུ་རུ་ཏུ་རུ་རུ། རུ་རུ་རེ་རུ་རུ། ཞེས་བྲིའོ། །​དབུས་སུ་ནི་ཀུ་རུ་ཤཱནྟིཾ་ཀུ་རུ་སྭཱ་ཧཱ་ཞེས་བྲིས་ཏེ་ག་འུར་སྦྱར་ཏེ་དབུས་སུ་སྲད་པུ་དཀར་པོ་དང་ལྡན་པའི་གའུ་མཎྜལ་ཐོག་ཏུ་བཞག་ལ། མེ་ཏོག་དཀར་པོས་མཆོད་ཅིང་མཆོད་པ་རྣམ་པ་ལྔ་ཡང་དབུལ་ཏེ་དུས་གསུམ་དུ་མཆོད་ན་ཞི་བར་འགྱུར་རོ། །ཞི་བའི་འཁོར་ལོའི་ལེའུ་སྟེ་ཉི་ཤུ་རྩ་གསུམ་པའོ།​། །​།དེ་ནས་ཞི་བ་ཆེན་པོའི་ལས་བྱ་བ་ནི་ཁམ་པ་ལ་གའུ་ཁ་སྦྱོར་བྱ་སྟེ་ཙནྡན་དཀར་པོས་སྣག་ཚ་བྱས་ལ་འཁོར་ལོ་ཕྱི་ནང་དང་ལྡན་པའི་ལིང་ཚེ་དགུ་པ་བྲི་བར་བྱའོ། །​སྔགས་དགོད་པ་ནི་སྭཱ་ཤཱནྟིཾ་ཀུ་རུ་ཧཱ་ཞེས་བྱ་བ་དབུས་སུ་བྲིའོ། །

eKangyur, UT4CZ5369-I1KG9220-0000, page 428 (214b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh726/UT22084-094-003-595#UT22084-094-003-595