དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།

The Sovereign Ritual of Amoghapāśa
F.35.b

Amogha­pāśa­kalpa­rāja
F.35.b, volume 93, Degé Kangyur

སར་ཁྱོད་ཞུགས་ཤིག །​དེ་རྣམས་འདི་སྐད་ཅེས་རིག་སྔགས་འཆང་རང་གི་ཁྱིམ་གྱིས་མཆོག་གོ། །​རིག་སྔགས་འཆང་གིས་སྨྲ་བར་བྱ་སྟེ། གལ་ཏེ་དགེ་བ་བཅུའི་ལས་ཀྱི་ལམ་འཁོར་དང་བཅས་པ། ཡང་དག་པར་ལེན་པར་བྱེད་ན། དེའི་ཚེ་ང་ཁྱོད་ཀྱི་གནས་མཆོག་ཏུ་འཇུག་པར་བྱའོ། གལ་ཏེ་མི་བྱེད་ན་འཇུག་པར་མི་བྱའོ་ཞེས་སོ། །​དེ་ནས་ཁྱེའུ་དེ། གལ་ཏེ་བྱེད་ན། དགེ་བ་སྟོན་པ་མཐོང་བ་དེའི་ཚེ་རང་གི་གཟུགས་ཀྱིས་གནས་པར་བྱེད་དེ། ལྷ་རྫས་ཀྱི་རྣ་རྒྱན་དྲི་མ་མེད་པ་གཡོ་བ་སྐྲའི་ཅོད་པན་འཆང་བ་རྒྱན་ཐམས་ཅད་ཀྱིས་རྣམ་པར་བརྒྱན་པའོ། །​གལ་ཏེ་མི་བྱེད་ན་ཁྱེའུ་དེའི་གཟུགས་མི་སྣང་བར་འགྱུར་ཏེ། སླར་ཡང་མི་མཐོང་ངོ་། །​ཡང་ན་རྫུ་འཕྲུལ་ཆེན་པོ་ཅན་གྱི་ཀླུའི་རྒྱལ་པོ་མཐོང་བར་འདོད་པའི་རིག་སྔགས་འཆང་དེས། ཟངས་ཀྱི་འདབ་མ་ལ་དོན་ཡོད་པའི་མཆོད་པའི་ནོར་བུའི་སྙིང་པོའི་གཟུངས་དེའི་སྟེང་དུ་བྲི་བར་བྱ་སྟེ་སྦྲང་རྩིས་བྱུག་པར་བྱའོ། །ཡུངས་ཀར་ལ་ལན་བརྒྱ་རྩ་བརྒྱད་དུ་ཡོངས་སུ་བཟླས་ཏེ་གཏོར་བར་བྱ་སྟེ། གནས་པའི་མཚོ་དེར་འཕང་བར་བྱའོ། །​གུ་གུལ་ཞོ་གཅིག་ཚད་ཀྱིས་མཆོད་ནས་བདུག་པ་སྦྱིན་པར་བྱའོ། །​ཇི་སྲིད་དུ་གུ་གུལ་ཕྱེད་ཀྱི་ཆ་ཤས་ཀྱི་ལྷག་མ་ལས་ཀྱི་བར་དུ་བསྲེག་པར་བྱའོ། །​སྐད་ཅིག་ཡུད་ཙམ་ཐང་ཅིག་དེ་ལ་ཀླུའི་རྒྱལ་པོ་རྒྱ་མཚོ་བྲམ་ཟེའི་གཟུགས་ཀྱིས་ཀླུའི་མཚོར་ཉེ་བར་འདུག་སྟེ། རིག་སྔགས་འཆང་ལ་ཤིས་པ་རྗོད་པར་བྱེད་དོ། །​རིག་སྔགས་འཆང་གིས་ཀྱང་། ནད་མེད་པར་གྱུར་ཅིག་ཅེས་བརྗོད་པར་བྱའོ། །​ཀྱེ་ཆོས་ཀྱི་དོན་གྱི་ཚིག་ཉོན་ཅིག །​ཆོས་དང་འཇིག་རྟེན་མང་པོ་ཡང་སྐྱོངས་ཤིག་ཅེས་སོ། །​བྲམ་ཟེ་དེ་ཡང་དགའ་སྟེ། རིག་སྔགས་འཆང་ཅི་འདོད་པའི་དོན་གང་ཡིན་པའི་དོན་དེ་སྨྲོས་ཤིག་དང་། ཐམས་ཅད་སྨྲ་བར་འགྱུར་རོ། །​ཞེས་རྗོད་པར་བྱེད་དོ། །​དེ་ནས་དེ་བཞིན་གཤེགས་པ་ཆེན་པོ་བདུན་དང་། བྱང་ཆུབ་སེམས་དཔའ་ཆེན་པོ་བདུན་དང་། ཉན་ཐོས་ཆེན་པོ་བཞིའི་མཚན་ནས་སྨོས་པར་བྱའོ། །​དེ་ནས་བྲམ་ཟེ་དེ་རྣམ་པ་དེ་ལྟ་བུའི་ཚིག་གི་སྒྲ་ཐོས་ནས། ཡིད་རབ་ཏུ་དགའ་སྟེ། སྙིང་མགུ་བ་ཆེན་པོར་གྱུར་ནས་རིག་སྔགས་འཆང་ལ་ལེགས་སོ་ཞེས་བྱ་བའི་སྒྲ་རྗོད་པར་བྱེད་དེ། ལེགས་སོ་ལེགས་སོ་ཞེས་སྒྲ་འབྱིན་པར་བྱེད་དོ། །

eKangyur, UT4CZ5369-I1KG9219-0000, page 70 (35b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh686/UT22084-092-001-7032#UT22084-092-001-7032