དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།

The Sovereign Ritual of Amoghapāśa
F.35.b

Amogha­pāśa­kalpa­rāja
F.35.b, volume 92, Degé Kangyur

རྗེས་སུ་འབྲང་བར་འགྱུར་རོ། །​དེ་ནས་རིག་སྔགས་འཆང་གནས་སུ་འཇུག་པར་འཚལ་ཞིང་སླར་ཡང་ལྡོག་པར་འཚལ་ན་སྨན་གྱི་བུད་མེད་དེ་དང་གཏམ་མི་བགྱི། རེག་པར་མི་བགྱི་བར་ལག་པའི་ཕྱག་རྒྱས་གནས་མཆོག་ཏུ་འཇུག་པར་བགྱིའོ། །​དེ་ནས་གནས་ཐམས་ཅད་ན་གནས་པའི་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་ཐམས་ཅད་ཕྱིར་བྱུང་ནས་མདུན་ན་སྡོད་པར་འགྱུར་ཏེ། ཁ་ཅིག་གི་ལག་ན་ནི་བུམ་པ་གང་བའོ། །​ཁ་ཅིག་གི་ལག་ན་ནི་གདུགས་སོ། །​ཁ་ཅིག་གི་ལག་ན་ནི་ལྷའི་གོས་ཐོགས་སོ། །​ཁ་ཅིག་ནི་ལྷའི་ནོར་བུ་རིན་པོ་ཆེ་ཐོགས་པའོ། །ཁ་ཅིག་ནི་དྲི་དག་གོ། །​ཁ་ཅིག་ནི་མེ་ཏོག་དག་གོ། །​ཁ་ཅིག་ནི་ཕྲེང་བ་དག་གོ། །​ཁ་ཅིག་ནི་རྒྱན་དང་ལྷབ་ལྷུབ་སྣ་ཚོགས་ཐོགས་སོ། །​ཁ་ཅིག་ནི་བྱུག་པ་དག་གོ། །​ཁ་ཅིག་ནི་དྲིའི་ཕྱེ་མ་དག་གོ། །​ཁ་ཅིག་ནི་སྤོས་ཆུས་རིན་པོ་ཆེ་སྣ་བདུན་གྱི་སྣོད་བཀང་བ་དག་གོ། །​ཁ་ཅིག་ནི་ལྷའི་འབྲས་བུ་སྣ་ཚོགས་པ་དག་གོ། །​ཁ་ཅིག་ནི་ལྷའི་མེ་ཏོག་སྣ་ཚོགས་ཐོགས་ཏེ། པདྨ་དང་། ཀུ་མུ་ད་དང་། པདྨ་དཀར་པོ་དང་། མན་དཱ་ར་བ་ཆེན་པོ་དང་། མཉྫུ་ཥ་ཀ་དང་། མཉྫུ་ཥ་ཀ་ཆེན་པོ་དང་། མདོག་མཛེས་དང་། མདོག་མཛེས་ཆེན་པོ་དང་། ཨ་ཏི་མུག་ཏ་ཀཱ་དང་། ཙམ་པ་ཀ་དང་། བར་ཤི་ཀ་དང་། མཐོན་ཀ་དང་། མཐོན་ཀ་ཆེན་པོ་དང་། ཀཱ་དམ་པ་དང་། སྣ་མ་དང་། ཡུ་ཏི་ཀ་དང་། ཀླུའི་མེ་ཏོག་དང་། ཀོན་ཏ་དང་། གྷན་དྷ་བར་ཤི་ཀའི་མེ་ཏོག་དག་ཐོགས་སོ། །​ཁ་ཅིག་ནི་ལྷའི་ཙན་དན་གོ་ཤིརྵ་དང་། སྦྲུལ་གྱི་སྙིང་པོའི་བདུག་པ་དང་། ཨ་ག་རུ་དང་། དུ་རུ་སྐ་དང་། ཏམ་ལའི་ལོ་མའི་བདུག་པ་ཐོགས་པའོ། །​ཁ་ཅིག་གི་ལག་པ་ན་ནི་རྨ་བྱའི་བསིལ་ཡབ་ཐོགས་སོ། །​ཁ་ཅིག་གི་ལག་པ་ན་ནི་རལ་གྲིའོ། །​ཁ་ཅིག་གི་ལག་པ་ན་ནི་མདུང་ཐུང་ངོ་། །​ཁ་ཅིག་གི་ལག་པ་ན་ནི་རྡོ་རྗེ་དང་། དགྲ་སྟ་དང་། མདའ་བོ་ཆེ་དང་། མདུང་དང་། གཏུན་ཤིང་དང་། མདུང་རྩེ་གསུམ་པ་དང་། གཟོང་ཁ་གཉིས་པ་དག་གོ། །​ཁ་ཅིག་ནི་གོ་ཆ་དང་། ཡ་ལད་བགོས་ནས་བསྲུང་བའི་ཕྱིར་ཀུན་ནས་འདུ་ཞིང་མཆི་བར་འགྱུར་རོ། །​ཁ་ཅིག་ནི་རིན་པོ་ཆེ་སྣ་ཚོགས་པའི་སྣོད་དང་།

eKangyur, UT4CZ5369-I1KG9218-0000, page 70 (35b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh686/UT22084-092-001-6513#UT22084-092-001-6513