དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།

The Sovereign Ritual of Amoghapāśa
F.302.b

Amogha­pāśa­kalpa­rāja
F.302.b, volume 92, Degé Kangyur

རྟེན་གསུམ་གྱི་བདག་པོ་ཐམས་ཅད་ཀུན་དུ་འཁྲུགས་སོ། །​རྒྱ་མཚོར་གནས་པའི་ཀླུ་དང་། རྒྱ་མཚོའི་ཀླུ་ཆེན་པོ་དགའ་བོ་དང་། བསྙེན་དགའ་བོ་དག་ཀྱང་ཀུན་དུ་འཁྲུགས་ཤིང་ཤིན་ཏུ་སྐྲག་སྟེ་སྙིང་འདར་རོ། །​གཞན་ཡང་སའི་སྟེང་ན་ཀླུ་སྟོང་ཕྲག་བརྒྱ་གནས་པ་དང་། རྒྱ་མཚོའི་ཆུའི་ནང་གི་ཀླུ་གང་དག་དང་། རིལ་གནས་པ་གང་ཡིན་པ་དེ་དག་ཐམས་ཅད་ཀུན་དུ་འཁྲུགས་སྐྲག་ཅིང་གཅིག་ཏུ་འབར་བར་གྱུར་ཅིང་གདུངས་སོ། །​རྒྱལ་པོ་ཆེན་པོ་བཞི་རྣམས་གནས་ན་འདུག་ན་ཡང་སྐྲག་གོ། །​ནག་པོ་ཆེན་པོ་དང་། ཚོགས་ཆེན་པོའི་གཙོ་བོ་དང་། མ་མོའི་ཚོགས་ཀྱིས་བསྐོར་བ་དེ་དག་ཐམས་ཅད་སྐྲག་ཅིང་སྙིང་འདར་རོ། །​གནས་ལ་བརྟེན་པའི་བདུད་ཀྱི་གནས་རྣམས་འདར་རོ། །​འབར་ཀུན་དུ་འབར་ཏེ་གནས་དང་བཅས་པར་སྲེག་གོ། །​དེ་ནས་འཁོར་དེའི་ནང་གི་ལྷ་དང་། ཀླུ་རྣམས་བཅོམ་ལྡན་འདས་ཀྱི་སྟེང་རོལ་ནས་བཅོམ་ལྡན་འདས་ལ་མཆོད་པ་བྱ་བའི་ཕྱིར་མེ་ཏོག་སྣ་ཚོགས་འཐོར་རོ། །​ལྷ་རྫས་ཀྱི་རྒྱན་སྤུད་པ་སྣ་ཚོགས་དང་། ཆོས་གོས་ཀྱི་ཆར་བ་འབེབས་སོ། །​མཆོད་པའི་ལས་བྱེད་ཅིང་ཙནྡན་གྱི་ཆུའི་ཆར་པས་ས་ལ་ཆག་ཆག་འདེབས་སོ། །​ལྷ་རྫས་ཀྱི་གསེར་དང་། དངུལ་གྱི་མེ་ཏོག་དང་། རིན་པོ་ཆེ་སྣ་བདུན་རྣམ་པ་སྣ་ཚོགས་ཀྱི་ཆར་པས་བཅོམ་ལྡན་འདས་ལ་མཆོད་པ་བྱེད་དོ། །​དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་ལུས་འབར་ཞིང་རྡོ་རྗེ་གསོར་ཏེ། ཤིན་ཏུ་འགྱིང་བག་ཏུ་སེང་གེའི་འགྲོས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ག་ལ་བ་དེ་ལོགས་སུ་སོང་སྟེ་ཉེ་བར་ཕྱིན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཅོམ་ལྡན་འདས་སྤྱན་རས་གཟིགས་དབང་ཕྱུག་གི་ཞབས་ལ་མགོ་བོས་ཕྱག་འཚལ་ནས། ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་གི་རིན་པོ་ཆེ་སྣ་ཚོགས་ཀྱིས་སྤྲས་པའི་ཕྲེང་བ་བཅོམ་ལྡན་འདས་ཕྱག་ན་པདྨ་ལ་

eKangyur, UT4CZ5369-I1KG9218-0000, page 604 (302b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh686/UT22084-092-001-7184#UT22084-092-001-7184