དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།

The Sovereign Ritual of Amoghapāśa
F.228.b

Amogha­pāśa­kalpa­rāja
F.228.b, volume 92, Degé Kangyur

སྙིང་པོ་ཡི་གེ་གཅིག་པས་སྤྱི་བོར་བཟླས་བརྗོད་ལན་བདུན་དུ་བཟླས་བརྗོད་སྦྱིན་པར་བྱའོ། །​སྤྲ་ཚིལ་ལས་བྱུང་བའི་ཀླུ་མགོ་བོ་དགུ་པ་སོར་བཞི་པའི་ཚད་དུ་བྱ་སྟེ་གསེར་གྱིས་གཡོག་པར་བྱ་ཞིང་དྲིའི་དཀྱིལ་འཁོར་བྱ་སྟེ། དཀྱིལ་འཁོར་གྱི་སྟེང་དུ་གཞག་པར་བྱའོ། །​དོན་ཡོད་པའི་རྒྱལ་པོས་ལན་བརྒྱ་རྩ་བརྒྱད་དུ་བཟླས་སོ། །​བདུག་པ་འདིས་བདུགས་པས་ཀླུ་ལྡང་བར་བྱེད་དོ། །​རིག་སྔགས་འཆང་གིས་འཇིགས་པ་མེད་པར་བྱ་སྟེ། ཁྲོ་བོའི་རྒྱལ་པོ་ཡུངས་ཀར་ལ་བཟླས་ཏེ། སྤྱི་བོའི་གཙུག་ཏུ་བརྡེགས་ན། ལྡིང་བར་བྱེད་དོ། །​གང་དུ་འདོད་པ་དེར་གནས་ནས། ཀླུ་ཆེན་པོའི་མཚོ་དང་། གནས་དང་། གཞལ་མེད་ཁང་རབ་ཏུ་འབྱུང་ངོ་། །​ཆུ་གང་ཡིན་པ་དེ་རྣམས་ཀྱང་འཐུང་བར་བྱེད་པ་དང་། ཁྲུས་བྱེད་པའི་བུད་མེད་དང་། སྐྱེས་པ་དང་། ཁྱེའུ་དང་། བུ་མོའམ། ཐ་ན་དུད་འགྲོའི་སྐྱེ་གནས་སུ་སོང་བས་འཐུང་བ་དང་ཁྲུས་བྱེད་པ་དེ་རྣམས་ཐམས་ཅད་ཀྱང་ནད་རྣམས་དང་བྲལ་བར་འགྱུར་རོ། །​སྡིག་པ་དང་། སྒྲིབ་པ་དང་བྲལ་བ་དང་། འཇིགས་པ་ཐམས་ཅད་དང་བྲལ་བར་ཡང་འགྱུར་རོ། །​ཀླུ་རྣམས་ཀྱང་དུས་དུས་སུ་ཆར་གྱི་རྒྱུན་ཆེན་པོ་འབྱིན་པར་བྱེད་ཅིང་། ཆར་འབེབས་པར་བྱེད་དོ། །​དུས་དུས་སུ་མེ་ཏོག་དང་། འབྲས་བུ་དང་། ལོ་ཐོག་རྣམས་རྫོགས་པར་བྱེད་དེ། རོ་ཞིམ་པོའི་རོ་མྱོང་བར་འགྱུར་རོ། །​ཕྱིར་ཞིང་ལོག་པར་ལྟུང་བར་འགྲོ་བར་མི་འགྱུར་རོ། །​ཕུག་དང་ཁུང་བུའི་སྒོ་རུ་འཁྲུལ་འཁོར་གྱི་སྒོ་གླེགས་ལ་བདུགས་ན་བྱེ་ཞིང་གཅོག་པར་འགྱུར་རོ། །​འཁྲུག་པའི་དུས་སུ་བདུགས་ན་འཕམ་པར་འགྱུར་རོ། །​ལག་མཐིལ་ལ་བདུགས་ན། གང་དང་གང་ལ་རེག་པ་ཐམས་ཅད་དུ་དབང་དུ་བྱེད་དོ། །​བདུག་པའི་དཀྱིལ་འཁོར་གྱི་ཆོ་གའོ།​། །​།དེ་ནས་སྨན་གྱི་དཀྱིལ་འཁོར་གྱི་ཆོ་ག་བཤད་པར་བྱ་སྟེ། དོན་ཡོད་པར་ཐམས་ཅད་དུ་གཞན་གྱིས་མི་ཐུབ་པ་ནད་ཐམས་ཅད་སེལ་བར་གྲུབ་པ། ཐམས་ཅད་དུ་དུག་འཇོམས་པར་བྱེད་པ། ན་བ་ཐམས་ཅད་སེལ་བར་གྲུབ་པ། སྡང་བ་ཐམས་ཅད་ལྡོག་པར་བྱེད་པ། འབྱུང་པོ་ཐམས་ཅད་ལ་མི་འཇིགས་པ། མཚོན་དང་། མེ་དང་། ཆུ་དང་། དུག་རབ་ཏུ་འཇོམས་པ། རྟག་ཏུ་སྲུང་བ་

eKangyur, UT4CZ5369-I1KG9218-0000, page 456 (228b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh686/UT22084-092-001-6898#UT22084-092-001-6898