དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།

The Sovereign Ritual of Amoghapāśa
F.182.b

Amogha­pāśa­kalpa­rāja
F.182.b, volume 92, Degé Kangyur

དང་། སྲིན་པོ་དང་། འབྱུང་པོ་དང་། གཟའ་དང་། བརྗེད་བྱེད་དང་། མི་བཟད་པ་དེ་རྣམས་ཐམས་ཅད་ཁྲོ་བོའི་རྒྱལ་པོ་དྲན་པ་ཙམ་གྱིས་འཇིགས་པར་འགྱུར་རོ། །​ཁྲོ་བོའི་རྒྱལ་པོའི་གསང་བ་ཐམས་ཅད་ཀྱི་རིགས་ཀྱི་དམ་ཚིག་ལ་གནས་པ་དང་། དཀྱིལ་འཁོར་དུ་ཕྱག་རྒྱ་གནས་པ་དང་། གསང་སྔགས་ཀྱི་ལྷ་གཞན་གང་ཡིན་པ་རྣམས་ཀྱིས་ཁྲོ་བོའི་རྒྱལ་པོ་དྲན་པ་ཙམ་གྱིས་དེ་རྣམས་ཐམས་ཅད་རིག་སྔགས་འཆང་ལ་སྐྱབས་སུ་འགྲོ་བར་བྱེད་དོ། །​དེ་རྣམས་ཐམས་ཅད་རྗེས་སུ་འབྲང་བར་འགྱུར་ཞིང་གནས་པར་བྱེད་དོ། །​འགའ་ཞིག་གང་དུ་འགྲོ་བའམ་འདུག་པ་དེ་ལ་དབང་པོ་དང་། སྐབས་གསུམ་པའི་ལྷ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། གཤིན་རྗེ་དང་། ཆུ་ལྷ་དང་། ཀླུའི་རྒྱལ་པོ་རྒྱ་མཚོ་དང་། དགའ་བོ་དང་། ཉེ་དགའ་བོ་དང་། གཞོན་ནུ་དང་། སྡེ་དཔོན་དང་། དེ་བཞིན་དུ་རྒྱལ་པོ་ཆེན་པོ་བཞི་དུས་རྟག་ཏུ་རིག་སྔགས་འཆང་གི་རྗེས་སུ་འབྲང་བར་བྱེད་དོ། །​ཐེ་ཚོམ་མེད་དོ། །​ཁྲོས་པའི་ལས་རྣམས་སམ། དེ་བཞིན་དུ་དྲག་པོའི་ལས་རྣམས་ཐམས་ཅད་ཀྱང་ཧཱུཾ་ཡིག་ཙམ་གྱིས་དེ་ལ་དངོས་གྲུབ་མཐོང་ངོ་། །​ཕྱིར་རྒོལ་བ་དང་། དགྲ་དང་། སེམས་ཅན་མ་རུངས་པ་ཤིན་ཏུ་མི་བཟད་པ་རྣམས་དང་། ཕ་རོལ་གྱི་དམག་ཚོགས་དང་འཇིགས་པ་དང་། རྣམ་པར་འགྲས་པའི་སྐྱེ་བོ་དང་། སྡིག་པ་དེ་རྣམས་ཐམས་ཅད་ཧཱུཾ་ཡིག་གིས་མཆོག་ཏུ་གཟིར་བ་ཙམ་གྱིས་ཐལ་བར་འཇིག་པར་འགྱུར་རོ། །​སྡང་བ་དང་། ངན་སེམས་པའི་སེམས་ཅན་དང་། བྱས་པ་མི་གཟོ་བ་དང་། བྱས་པ་ལ་འཁོན་པ་ཐམས་ཅད་དྲག་པོའི་ཧཱུཾ་ཡིག་བཟླས་པ་ཙམ་གྱིས་སྐད་ཅིག་ལ་བསྲེག་སྟེ། དཔེར་ན་མེ་ཡིས་ཕྱེ་མ་ལེབ་བཞིན་ནོ། །​ལས་གཞན་སྟོང་ཕྲག་རྣམས་དང་། ལས་བརྒྱ་སྟོང་ཕྲག་ཉིད་བཟླས་པ་ཙམ་གྱིས་འགྲུབ་སྟེ། དྲན་པ་ཙམ་གྱི་མོད་ལ། ལས་ཐམས་ཅད་འགྲུབ་བོ། །​དེ་ནས་དོན་ཡོད་པ་པདྨའི་གཙུག་ཏོར་དྲན་པ་ཙམ་གྱིས། བྱ་བ་ཐམས་ཅད་ནི་གཉིས་སུ་འགྱུར་ཏེ། ཇི་ལྟར་གང་ཅུང་ཟད་ཡིད་ལ་བྱེད་པས་ལས་བྱེད་དོ། །​དཀྱིལ་འཁོར་རམ། གནས་རྣམ་པ་གཞན་ཐམས་ཅད་དུ། ཇི་ལྟར་ཡིད་ལ་བྱེད་པའི་བྱ་བ་ཐམས་ཅད་དུ་བྱེད་དོ།​། །​།

eKangyur, UT4CZ5369-I1KG9218-0000, page 364 (182b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh686/UT22084-092-001-6806#UT22084-092-001-6806