དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།

The Sovereign Ritual of Amoghapāśa
F.156.b

Amogha­pāśa­kalpa­rāja
F.156.b, volume 92, Degé Kangyur

སེམས་ཅན་གང་གིས་སྒྲ་དེ་ཐོས་ནས་སྒྲ་དབྱངས་དེ་དང་མིང་ཐོས་པ་རྣ་བའི་བུ་གར་སོང་བར་གྱུར་པ་དེ་དག་ཐམས་ཅད་སྒྲིབ་པ་དང་། སྡིག་པ་མི་ཟད་པ་ལས་བྲལ་བར་འགྱུར་རོ། །​སྔོན་གྱི་སྒྲིབ་པ་དང་། སྡིག་པ་ལས་རྣམ་པར་གྲོལ་བར་འགྱུར་རོ། །​ཕྱིར་མི་ལྡོག་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྲས་སུ་རིག་པར་བྱའོ། །​འཕགས་པ་སྤྱན་རས་གཟིགས་དབང་ཕྱུག་གི་སྲས་ཀྱི་ཐུ་བོ་ཡིན་ནོ། །​རྟག་པར་འཕགས་པ་སྤྱན་རས་གཟིགས་ཀྱི་དབང་ཕྱུག་གྲོགས་མཛད་ཅིང་རྗེས་སུ་འབྲང་བར་འགྱུར་རོ། །​རྟག་ཏུ་དབུགས་འབྱིན་པ་མཛད་པར་འགྱུར་རོ། །​མཐར་བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་རྟག་ཏུ་རྗེས་སུ་སྲུང་བར་མཛད་དོ། །​སེམས་ཅན་གང་ཞིག་དཀྱིལ་འཁོར་དེའི་ས་ཕྱོགས་སུ་སོང་སྟེ། ས་གཞི་སྣང་བ་ཙམ་མཐོང་བ་དེ་དག་ཐམས་ཅད་ཀྱང་ཕྱིར་མི་ལྡོག་པར་འགྱུར་རོ། །​ཉོན་མོངས་པ་ཐམས་ཅད་བསྲེགས་ཤིང་སྒྲིབ་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །​དེའི་ས་རྡུལ་རླུང་གིས་བདས་ཏེ་ལུས་ལ་ཕོག་པ་གང་ཡིན་པ་དེ་དང་། ཐ་ན་སེམས་ཅན་ངན་པ་ཡང་རུང་སྟེ། དེ་དག་ཐམས་ཅད་ཕྱིར་མི་ལྡོག་པར་འགྱུར་བའི་གནས་ལ་རབ་ཏུ་གནས་པར་འགྱུར་རོ། །​སྡིག་པ་ཐམས་ཅད་ལས་ཡོངས་སུ་གྲོལ་བ་དང་། འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཐོང་བ་དང་ལྡན་པར་འགྱུར་རོ། །​དེ་བཞིན་གཤེགས་པ་ཐམས་ཅད་དགོངས་པར་འགྱུར་རོ། །​བྱང་ཆུབ་སེམས་དཔའ་ཐམས་ཅད་ཀྱིས་དབུགས་ཕྱུང་བར་འགྱུར་རོ། །​ལྷ་ཐམས་ཅད་ཀྱིས་བསྲུང་བར་འགྱུར་རོ། །​བསོད་ནམས་ཀྱི་ཕུང་པོ་ཆེན་པོ་ཡོངས་སུ་གཟུང་བར་འགྱུར་རོ། །​དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །​དེ་ལྟར་ན་སྒྲ་ཐོས་པ་ཙམ་དང་། མིང་འཛིན་པ་ཙམ་གྱིས་འབྲས་བུ་ཆེན་པོ་ཐོབ་པར་འགྱུར་རོ། །​དེ་ནས་རྣམ་པར་གྲོལ་བའི་དཀྱིལ་འཁོར་གྱི་སྦྱིན་སྲེག་གི་ཆོ་ག་བཤད་པར་བྱ་སྟེ། སྡིག་པ་དང་། སྒྲིབ་པ་ཐམས་ཅད་སྲེག་ཅིང་སྡུག་བསྔལ་དྲག་པོ་ལས་རྣམ་པར་གྲོལ་བར་འགྱུར་བ་དང་། ཉོན་མོངས་པ་དྲག་པོའི་རྒྱ་མཚོ་དང་། འཁོར་བ་ལས་སྒྲོལ་བ་འགྲུབ་པ་ཕྱིར་མི་ལྡོག་པའི་གནས་བླ་ན་

eKangyur, UT4CZ5369-I1KG9218-0000, page 312 (156b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh686/UT22084-092-001-6754#UT22084-092-001-6754