དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།

The Sovereign Ritual of Amoghapāśa
F.87.b

Amogha­pāśa­kalpa­rāja
F.87.b, volume 92, Degé Kangyur

མཆོད་ཕྱིར་ཐོགས་པ་ལག་པ་བཞི་པ། ལག་པ་གཡས་གཡོན་གཉིས་ན་རྡོ་རྗེ་དང་། དགྲ་སྟ་དང་། གཡས་པའི་གུང་མོ་ལྷ་དང་། ལོག་འདྲེན་ལ་བསྡིགས་པར་བྱའོ། །​གཡོན་དུ་འཕགས་པ་སྤྱན་རས་གཟིགས་དབང་ཕྱུག་བྲམ་ཟེའི་ཆ་ལུགས་འཆང་བ་རལ་པའི་ཐོར་ཚུགས་ཀྱིས་བཞུགས་པ། འོད་དཔག་མེད་ཀྱི་ཐོར་ཚུགས་ཀྱིས་བརྒྱན་པར་བྱའོ། །​གཡས་གཡོན་དུ་དབང་ཕྱུག་དང་། དབང་ཕྱུག་ཆེན་པོ་བྱའོ། །​དེའི་འོག་ཏུ་དཔལ་ལྷ་མོ་དང་། ལྷ་མོ་དབྱངས་ཅན་མ་དང་། མཚན་མོའི་ལྷ་མོ་དང་། སའི་ལྷ་མོ་དང་། ལོ་ཐོག་གི་ལྷ་མོ་དང་། འབྲས་བུ་དང་མེ་ཏོག་གི་ལྷ་མོ་བྱའོ། །​དེའི་འོག་ཏུ་ཁོར་ཡུག་ཏུ་གཤིན་རྗེ་དང་། ཆུ་ལྷ་དང་། རླུང་ལྷ་ལ་སོགས་པ་བྱའོ། །​རལ་པའི་ཐོར་ཚུགས་ཀྱིས་བརྒྱན་པའི་དྲང་སྲོང་གཞག་པར་བྱའོ། །​གྲྭར་རྒྱལ་པོ་ཆེན་པོ་བཞི་གོ་ཆ་བགོས་པ་གཞག་པར་བྱའོ། །​དཀྱིལ་འཁོར་གྱི་སྙིང་པོའི་དབུས་དང་བར་བར་དུ་ལྕགས་ཀྱུ་དང་། དགྲ་སྟ་དང་། རྡོ་རྗེ་དང་། དབྱུག་བ་དང་། ཞགས་པ་དང་། ལྕགས་སྒྲོག་བྱའོ། །​ཕྱི་རོལ་དུ་ཚངས་པ་དང་། དྲག་པོ་དང་། ལྷ་མོ་ཨུ་མ་དང་། ཚངས་པའི་དྲུང་དུ་ལྷ་མོ་དབྱངས་ལྡན་མ་ཁྲོས་པའི་གཟུགས་ཅན་ནོ། །​དེ་གཉིས་ཀྱི་བར་དུ་དབྱུག་པ་དང་། རིལ་བ་སྤྱི་བླུགས་བྲི་བར་བྱའོ། །​གྲྭ་གཅིག་ཏུ་དོན་ཡོད་པའི་ཞགས་པའི་སྙིང་པོའི་རྣམ་པར་གྲོལ་བའི་དཀྱིལ་འཁོར་ཀྱི་ཆོས་ཀྱི་རྣམ་གྲངས་གཞག་གོ། །​གྲྭ་གཅིག་ཏུ་ཤི་བཱ་བ་ཧ་གཞག་གོ། །​དེ་ནས་ཤར་ཕྱོགས་ཀྱི་སྒོར་ཁྲོ་བོ་རྟ་མགྲིན་འཇིགས་སུ་རུང་བའི་མིག་ཅན་གཞག་གོ། །​ལྷོ་ཕྱོགས་ཀྱི་སྒོར་རྡོ་རྗེ་ཆེན་པོ་ཀི་ལི་ཀི་ལ་ཞེས་བྱ་བ། རྡོ་རྗེ་རྣམ་པར་འདྲེན་པ། ལག་ན་རྡོ་རྗེ་དང་། དགྲ་སྟ་དང་། ཞགས་པ་ཐོགས་པར་བྱའོ། །​ནུབ་ཕྱོགས་ཀྱི་སྒོར་ཕོ་ཉ་མོ་པདྨའི་རིགས་མཛེས་མ་ལག་པ་པདྨའི་རྩེ་མོ་ནས་འཛིན་པར་བྱའོ། །​བྱང་ཕྱོགས་ཀྱི་སྒོར་རྡོ་རྗེ་ཆེན་པོ་ཟོམ་ཞེས་བྱ་བའི་ཚོགས་ལག་ན་རྡོ་རྗེ་དང་ཞགས་པ་ཐོགས་པ་བྱའོ། །​དེ་ནས་འཇུག་པའི་སྒོ་ནས་གསེར་གྱི་བུམ་པ་སྤོས་ཆུས་བཀང་སྟེ་དར་ལས་བཅིངས་ལ་རྣམ་པ་ཐམས་ཅད་དང་། མེ་ཏོག་གི་ཕྲེང་བས་བརྒྱན་ནས་བསམ་པ་ཅི་ལྟ་བ་བཞིན་དུ་དཀྱིལ་འཁོར་གྱི་དབུས་སུ་བཞག་སྟེ། སྟེང་དུ་སྣ་མའི་མེ་ཏོག་གི་

eKangyur, UT4CZ5369-I1KG9218-0000, page 174 (87b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh686/UT22084-092-001-6616#UT22084-092-001-6616