དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།

The Sovereign Ritual of Amoghapāśa
F.53.a

Amogha­pāśa­kalpa­rāja
F.53.a, volume 92, Degé Kangyur

དེ་ནས་ཀླུའི་རྒྱལ་པོ་བཙུན་མོའི་འཁོར་དང་བཅས་པ་མཆིས་ནས་རིག་སྔགས་འཆང་ལ་མངོན་སུམ་དུ་སྨྲ་བས་རིག་སྔགས་འཆང་ཞུགས་ཤིག་ཅེས་སྨྲ་བར་འགྱུར་རོ། །​དེ་ནས་རིག་སྔགས་འཆང་གིས་སྦྲུལ་གྱི་ཞགས་པ་བཟུང་སྟེ་བསྐོར་ནས་འཇུག་པར་བགྱིའོ། །​དེ་ནས་རིགས་སྔགས་འཆང་གིས་ཀླུའི་སྐྱོན་དེ་མི་མཐོང་ཞིང་ནུབ་པར་འགྱུར་རོ། །​འཁྲུལ་འཁོར་དང་། སྒོ་གླེགས་དང་། གཏན་པ་ཐམས་ཅད་གཏུབས་ཤིང་བཅད་པར་འགྱུར་རོ། །​ཞུགས་པ་ཙམ་གྱི་མོད་ལ་ཀླུའི་བུ་མོ་གཟུགས་བཟང་མོ་མཛེས་མ་རྒྱན་ཐམས་ཅད་ཀྱིས་བརྒྱན་ཅིང་བཀླུབས་མ་མཛེས་མ་མཆིས་ནས། རིན་པོ་ཆེའི་ཕྲེང་བ་ཐོགས་ཏེ། རིགས་སྔགས་འཆང་ལ་དབུལ་བར་བགྱིད་དོ། །​རིགས་སྔགས་འཆང་གིས་བླངས་ནས་སྤྱི་བོ་ལ་བཞག་སྟེ། བཞག་པ་ཙམ་གྱི་མོད་ལ་ཀླུའི་བུ་མོ་ནམ་མཁའ་ལ་འཕུར་ནས་ནུ་མ་གཉིས་ནས་འོ་མ་ཟགས་པ་དང་། རིག་སྔགས་འཆང་གིས་བཟེད་ནས་བཏུང་བར་བགྱི་སྟེ། ཚེ་ཉི་ཁྲི་ཐུབ་པར་འགྱུར་རོ། །​སྐྲ་ཅུང་ཟད་འཁྱིལ་བར་ཡང་འགྱུར་རོ། །​ཀླུའི་རྒྱལ་པོ་ཞེས་བགྱི་བ་ཐམས་ཅད་ཀྱི་བདག་པོ་འཁོར་ལོས་སྒྱུར་བར་འགྱུར་རོ། །​མཐུ་དང་བརྩོན་འགྲུས་ཆེན་པོས་ཕ་རོལ་གནོན་པར་འགྱུར་རོ། །​དེ་ནས་རིག་སྔགས་འཆང་གིས་སྦྲུལ་གྱི་ཞགས་པ་བཞག་ལ། དོན་ཡོད་རྒྱལ་པོའི་སྙིང་པོ་ཤིང་ཀ་ར་བཱི་རའི་ལྕུག་མ་ལ་བཟླས་ནས་བྱ་བ་པར་བགྱི་སྟེ། གང་དང་གང་གི་མིང་ནས་དྲངས་ཤིང་ཡིད་ལ་བསམས་པས་མོད་ལ་ཐམས་ཅད་འགྲུབ་པར་འགྱུར་རོ། །​ཆར་མི་འབབ་པའི་དུས་སུ་སྦྲུལ་གྱི་ཞགས་པ་གནས་མཐོན་པོར་བསྐོར་བར་བགྱི་སྟེ། ལན་ཅིག་བསྐོར་བ་ཙམ་གྱིས་ཆར་གྱི་རྒྱུན་ཆེན་པོ་འབབ་པར་འགྱུར་རོ། །​ཧ་ཅང་ཆར་ཆེས་པའི་དུས་སུ་སྦྲུལ་གྱི་ཞགས་པ་གནས་མཐོན་པོར་བཞག་ན་ཆར་ཧ་ཅང་ཆེ་བ་ལས་འཆད་པར་འགྱུར་རོ། །​གྲང་བའམ། རླུང་ངམ། སེར་བ་འབབ་པའི་དུས་སུ་ནང་པར་སྔར་ཀླུའི་ཞགས་པ་ཕྱོགས་བཞིར་བསྐོར་ན། དཔག་ཚད་བརྒྱ་ཁོར་ཁོར་ཡུག་ཏུ་སེར་བ་འབབ་པར་མི་འགྱུར་རོ། །​གྲང་བའི་རླུང་དང་སེར་བ་ཐམས་ཅད་བཅིངས་པར་འགྱུར་རོ། །​ལོ་ཁྱུད་འཁོར་ཚང་བར་མཚམས་ཆེན་པོ་བཅིངས་པར་འགྱུར་རོ། །​ཉིན་གཅིག་བཞིན་དོན་ཡོད་རྒྱལ་པོའི་སྙིང་

eKangyur, UT4CZ5369-I1KG9218-0000, page 105 (53a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh686/UT22084-092-001-6548#UT22084-092-001-6548