བྱམས་པའི་སེང་གེའི་སྒྲ་ཆེན་པོ།

The Great Lion’s Roar of Maitreya
F.96.b

Maitreya­mahā­siṃhanāda
F.96.b, volume 43, Degé Kangyur

ཡོངས་སུ་རྫོགས་པར་ཡང་བགྱིད་ལགས། འོད་སྲུང་དེ་སྐད་ཅེས་གསོལ་པ་དང་། དེ་བཞིན་གཤེགས་པ་མེ་ཏོག་སྣ་ཚོགས་དེས་ཁྱེའུ་ཆོས་དང་། ཆོས་བཟང་གཉིས་ལ་འདི་སྐད་ཅེས་བཀའ་སྩལ་ཏོ། །​རིགས་ཀྱི་བུ་དག་བྱང་ཆུབ་སེམས་དཔའ་ཆོས་བཞི་དང་ལྡན་ན་སྦྱིན་པ་ལ་དགའ་བར་ཡང་མི་བྱེད་ལ་སེར་སྣ་ཅན་དུ་ཡང་མི་འགྱུར་བ་དང་། ཀུན་འཛིན་པའི་སེམས་མེད་པ་དང་། གཞན་འཇིག་རྟེན་གྱི་ཟང་ཟིང་སྦྱིན་པར་བྱེད་པ་དེ་མཐོང་ན་ཡང་དེ་ལ་དགའ་བ་སྐྱེད་པར་མི་བྱེད་པ་དང་། གོང་དུ་ཡང་འདི་ལྟ་སྟེ། སངས་རྒྱས་ཀྱི་གནས་པ་བླ་ན་མེད་པས་གནས་པ་འཐོབ་པར་འགྱུར་བ་དང་། ཟབ་མོ་ལ་བཟོད་པ་དང་ལྡན་པར་འགྱུར་བ་དང་། བླ་ན་མེད་པའི་ཡེ་ཤེས་ཀྱང་ཡོངས་སུ་རྫོགས་པར་བྱེད་དེ། བཞི་གང་ཞེ་ན། སྟོང་པ་ཉིད་ལ་མོས་པ་དང་། དབེན་པར་གནས་པ་དང་། ཟབ་མོ་ལ་བཟོད་པ་དང་། ཚུལ་བཞིན་ཡིད་ལ་བྱེད་པ་སྟེ། རིགས་ཀྱི་བུ་དག་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སྦྱིན་པ་ལ་ཡང་དགའ་བར་མི་བྱེད་ལ་སེར་སྣ་ཅན་དུ་ཡང་མི་འགྱུར་བ་དང་། ཀུན་འཛིན་པའི་སེམས་མེད་པ་དང་། གཞན་འཇིག་རྟེན་གྱི་ཟང་ཟིང་སྦྱིན་པར་བྱེད་པ་དེ་མཐོང་ན་ཡང་དེ་ལ་དགའ་བ་སྐྱེད་པར་མི་བྱེད་པ་དང་། གོང་དུ་ཡང་འདི་ལྟ་སྟེ། སངས་རྒྱས་ཀྱི་གནས་པ་བླ་ན་མེད་པས་གནས་པ་འཐོབ་པར་འགྱུར་བ་དང་། ཟབ་མོ་ལ་བཟོད་པ་དང་ལྡན་པར་འགྱུར་བ་དང་། བླ་ན་མེད་པའི་ཡེ་ཤེས་ཀྱང་ཡོངས་སུ་རྫོགས་པར་བྱེད་པར་འགྱུར་རོ། །​རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཆོས་བཞི་དང་ལྡན་ན་སྦྱིན་པ་ལ་དགའ་བར་ཡང་མི་བྱེད་ལ་སེར་སྣ་ཅན་དུ་ཡང་མི་འགྱུར་བ་དང་། ཀུན་འཛིན་པའི་སེམས་མེད་པ་དང་། གཞན་འཇིག་རྟེན་གྱི་ཟང་ཟིང་སྦྱིན་པར་བྱེད་པ་དེ་མཐོང་ན་ཡང་དེ་ལ་དགའ་བ་སྐྱེད་པར་མི་བྱེད་པ་དང་། གོང་དུ་ཡང་འདི་ལྟ་སྟེ། སངས་རྒྱས་ཀྱི་གནས་པ་བླ་ན་མེད་པས་གནས་པ་འཐོབ་པར་འགྱུར་བ་དང་། ཟབ་མོ་ལ་བཟོད་པ་དང་ལྡན་པར་འགྱུར་བ་དང་། བླ་ན་མེད་པའི་ཡེ་ཤེས་ཀྱང་ཡོངས་སུ་རྫོགས་པར་བྱེད་པར་འགྱུར་ཏེ། བཞི་གང་ཞེ་ན། རིགས་ཀྱི་བུ་དག་འདི་ལ་བྱང་ཆུབ་སེམས་

eKangyur, UT4CZ5369-I1KG9169-0000, page 192 (96b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh67/UT22084-043-004-625#UT22084-043-004-625