བྱམས་པའི་སེང་གེའི་སྒྲ་ཆེན་པོ།

The Great Lion’s Roar of Maitreya
F.85.b

Maitreya­mahā­siṃhanāda
F.85.b, volume 43, Degé Kangyur

བར་མི་ནུས་སོ། །​ཉི་ཤུ་གང་ཞེ་ན། སེར་སྣའི་སེམས་ཚར་གཅད་པར་བྱ་བ་དང་། གཏོང་བ་ཆེན་པོ་སྤེལ་བར་བྱ་བ་དང་། འཆལ་བའི་ཚུལ་ཁྲིམས་ཡོངས་སུ་སྤང་བར་བྱ་བ་དང་། ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པར་བྱ་བ་དང་། གནོད་སེམས་དང་ཐ་བའི་སྐྱོན་རྣམ་པར་སྤང་བར་བྱ་བ་དང་། བཟོད་པའི་སྟོབས་ལ་གནས་པར་བྱ་བ་དང་། ལེ་ལོའི་སེམས་རྣམ་པར་གནོན་པར་བྱ་བ་དང་། བརྩོན་འགྲུས་ཆེན་པོ་བརྩམ་པར་བྱ་བ་དང་། བརྗེད་ངས་པའི་སེམས་ཡོངས་སུ་སྤང་བར་བྱ་བ་དང་། དྲན་པ་དང་བློ་གྲོས་ཀྱིས་བསམ་གཏན་རྣམས་ལ་མི་རྟེན་པར་བསམ་གཏན་དུ་བྱ་བ་དང་། ཟབ་མོ་ལ་བཟོད་པ་བསྒོམ་པར་བྱ་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་རབ་ཏུ་རྟོགས་པར་བྱ་བ་དང་། རྣམ་པར་རྟོག་པ་ཐམས་ཅད་སྤང་བར་བྱ་བ་དང་། མཚན་མ་མེད་པས་གནས་པར་བྱ་བ་དང་། སྨོན་པ་དང་བྲལ་བར་བྱ་བ་དང་། སྨོན་པ་མེད་པའི་ཡུལ་ཡོངས་སུ་རྫོགས་པར་བྱ་བ་དང་། སེམས་ཅན་ཐམས་ཅད་ཡོངས་སུ་མི་གཏང་བར་བྱ་བ་དང་། སྙིང་རྗེ་ཆེན་པོས་གནས་པར་བྱ་བ་དང་། ཉན་ཐོས་དང་རང་སངས་རྒྱས་ཀྱི་ཐེག་པ་ལ་དགའ་བའི་སེམས་ཡིད་ལ་མི་བྱ་བ་དང་། སངས་རྒྱས་ཀྱི་ཡེ་ཤེས་ལ་མོས་ཤིང་ནེམ་ནུར་མེད་པ་དང་ཡིད་ཆེས་པར་བྱ་བ་སྟེ། བྱམས་པ་ཉི་ཤུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལས་ཡིན་ཏེ། ལས་དེ་དག་ཡོངས་སུ་མ་རྫོགས་ན་བྱང་ཆུབ་སེམས་དཔའ་བྱང་ཆུབ་ཀྱི་སྙིང་པོར་འགྲོ་བར་མི་ནུས་སོ། །​བྱམས་པ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཡང་དག་པའི་དམ་བཅའ་བ་ཡིན་ཏེ། བཞི་གང་ཞེ་ན། བདག་ཉིད་ཀྱི་བདེ་བ་སྤོང་བ་དང་། ཆོས་ཀྱིས་ངོམས་མི་ཤེས་པ་དང་། ཆོས་ཡོངས་སུ་ཚོལ་བས་བདག་སངས་རྒྱས་སུ་འགྱུར་བར་བྱའོ། །​ཆོས་ཀྱི་འཁོར་ལོ་བསྐོར་བར་བྱའོ། །​སེམས་ཅན་རྣམས་འཁོར་བ་ཐོག་མ་དང་། ཐ་མ་མེད་པ་ལས་ཐར་བར་བྱའོ། །​སེམས་ཅན་གྱི་ཁམས་ཚད་མེད་པ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་གཞུག་པར་བྱའོ། །​ཞེས་ཡང་དག་པར་དམ་བཅའ་བ་སྟེ། བྱམས་པ་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཡང་དག་པར་དམ་བཅའ་བ་ཡིན་ནོ། །​བྱམས་པ་འདི་ལྟ་སྟེ།

eKangyur, UT4CZ5369-I1KG9169-0000, page 170 (85b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh67/UT22084-043-004-603#UT22084-043-004-603