བྱམས་པའི་སེང་གེའི་སྒྲ་ཆེན་པོ།

The Great Lion’s Roar of Maitreya
F.75.b

Maitreya­mahā­siṃhanāda
F.75.b, volume 43, Degé Kangyur

ལགས་པ་དེ་དག་གི་ལོག་པར་སྨྲ་བའི་སུག་ལས་དེ་དག་ཉན་པར་ནི་མི་སྤྲོ་ལགས་སོ། །​བཅོམ་ལྡན་འདས་བདག་སེམས་ཅན་ཐམས་ཅད་ལ་ཁྲོ་བ་དང་། སྤྱོ་བ་དང་། སྨད་པ་དང་། བཤུང་བ་དང་། བསྡིགས་པ་དང་། བརྡེག་བཙོག་དག་བཟོད་པས་དང་དུ་ལེན་པར་ནི་སྤྲོ་ལགས་ཀྱི། བཅོམ་ལྡན་འདས་བདག་མི་བླུན་པོ་ཆོས་ཀྱི་རྐུན་པོ། ཆོས་ཀྱི་ཆོམ་རྐུན་པོ། །​ཆོས་ལ་མུ་ཅོར་སྨྲ་བ། ཆོས་ལྟར་བཅོས་པ་སྟོན་པ་དེ་དག་གི་ལོག་པར་སྨྲ་བའི་སུག་ལས་དེ་དག་ཉན་པར་ནི་མི་སྤྲོ་ལགས་ཏེ། བཅོམ་ལྡན་འདས་བདག་ནི་ཉི་ཚེ་བར་སྤྱོད་པ་ཉི་ཚེ་བའི་ཤེས་པ་དང་ལྡན་པ་ལགས་པས་དེ་ལྟ་བུའི་ཁུར་འདེག་པའི་རྔོ་མི་ཐོག་ལགས་ཀྱི། བཅོམ་ལྡན་འདས་བྱང་ཆུབ་སེམས་དཔས་ནི་དེ་ལྟ་བུའི་ཁུར་འདེག་པར་རྔོ་ཐོག་ལགས་སོ། །​བཅོམ་ལྡན་འདས་གཞན་ཡང་འདི་ལ་བདག་དཔེར་བརྗོད་པར་སྤོབས་ལགས་ཏེ། བཅོམ་ལྡན་འདས་འདི་ལྟ་སྟེ་དཔེར་བགྱི་ན་མི་ལ་ལ་ཞིག་རྒས་ཤིང་གཏུགས་ལ་འཁོགས་པར་གྱུར་ཅིང་དེ་ཡང་ན་ཚོད་དགུང་ལོ་བརྒྱ་ཉི་ཤུ་ཙམ་ལགས་པར་གྱུར་ལ། མི་དེ་བྲོ་ནད་ཀྱིས་ཐེབས་ཤིང་གློ་བ་མི་བདེ་ནས་མཆིས་མལ་གྱི་ཁྲི་སྟེང་དུ་མཆིས་ཉལ་བར་གྱུར་ན་མི་ཤེས་རབ་འཆལ་པའི་རང་བཞིན་ཅན་ཕྱུག་ལ་ནོར་མང་བ། ལོངས་སྤྱོད་ཆེ་བ་ལ་ལ་ཞིག་དེར་མཆིས་ནས་མི་མཆིས་མལ་གྱི་ཁྲི་སྟེང་ན་མཆིས་ཉལ་བ་དེ་ལ་ཀྱེ་སྐྱེས་བུ་ཁོ་བོའི་གཏེར་འདི་ཁྱོད་ལ་གདམས་ཀྱིས་ཁོ་བོ་གང་གི་ཚེ་ལོ་བཅུ་འམ། ཉི་ཤུ་ཙམ་ན་ཡུལ་གཞན་ནས་ཕྱིར་འོང་བ་དེའི་ཚེ་ཁྱོད་ཀྱིས་གཏེར་འདི་ཁོ་བོ་ལ་ཕྱིར་བྱིན་ཅིག་ཅེས་དེའི་སུག་པར་གཏེར་འདོམས་པར་བགྱིད་ཅིང་དེ་ལྟར་གཏམས་ནས་ཡུལ་གཞན་དུ་མཆིས་པར་གྱུར་ལ། མི་མཆིས་མལ་གྱི་ཁྲི་སྟེངས་ན་མཆིས་ཉལ་བ་དེ་ལ་ཡང་བུ་ཡང་མ་མཆིས། བུ་མོ་ཡང་མ་མཆིས། འཁོར་ཀྱང་མ་མཆིས་ལ། དེ་ནས་མི་དེ་ཡུལ་གཞན་དུ་མཆིས་ནས་རིང་པོ་མ་ལགས་པར་དེ་ཡང་འགུམ་པའི་དུས་བགྱིས་པར་གྱུར་ན་ནོར་གྱི་ཚོགས་དེ་དག་ཐམས་ཅད་ཀྱང་ཆབ་འཚལ་བར་གྱུར་པའི་སླད་ན། མི་དེ་སླར་མཆིས་ན་སུ་ལ་ཇི་སྐད་བགྱིར་ཡང་མ་མཆིས་པ་དེ་བཞིན་དུ་བཅོམ་ལྡན་འདས་གང་ཞིག་ཉན་ཐོས་ཉི་ཚེ་བར་སྤྱོད་པ།

eKangyur, UT4CZ5369-I1KG9169-0000, page 150 (75b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh67/UT22084-043-004-583#UT22084-043-004-583