ཡུལ་འཁོར་སྐྱོང་གིས་ཞུས་པ།

The Questions of Rāṣṭrapāla (1)
F.251.a

Rāṣṭrapāla­paripṛcchā
F.251.a, volume 42, Degé Kangyur

པར་རྫོགས་པའི་སངས་རྒྱས་དོན་གྲུབ་བློས་ཕྱག་གཡས་པ་བརྐྱང་སྟེ་འོད་ཕྱུང་ནས། འོད་དེས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་ལ་རེག་གོ །​འོད་དེ་ལས་ཀྱང་པད་མ་འདབ་མ་བརྒྱ་སྟོང་ཡོད་པ་ཤིང་རྟའི་འཕང་ལོ་ཙམ་བྱུང་བར་གྱུར་ཏོ། །​པད་མ་དེ་ལས་ཀྱང་འོད་ཟེར་བརྒྱ་སྟོང་བྱུང་སྟེ་སྣང་བ་ཆེན་པོར་གྱུར་ནས། སྣང་བ་དེས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་ཁྱབ་པར་གྱུར་ཏོ། །​ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་པད་མ་དེ་ལ་འདུག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་གྲུབ་བློ་དེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། སངས་རྒྱས་ལ་ཕྱག་འཚལ་ལོ་ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །​ཡུལ་འཁོར་སྐྱོང་དེ་ནས་དེ་བཞིན་གཤེགས་པ་དོན་གྲུབ་བློ་དེས་འོད་དེ་བརྟུལ་བ་དང་གཞོན་ནུ་དེ་སྡོང་པོ་བཅད་པ་འགྱེལ་བ་བཞིན་དུ་དེ་བཞིན་གཤེགས་པའི་ཞབས་ཀྱི་དྲུང་དུ་བབས་ཏེ། དེ་བཞིན་གཤེགས་པ་དེ་ལ་ལན་བརྒྱ་སྟོང་དུ་ཕྱག་འཚལ་ཏོ། །​ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་གྱིས་བཅོམ་ལྡན་འདས་དེ་བཞིན་གཤེགས་པ་དོན་གྲུབ་བློ་ལ་ཚིགས་སུ་བཅད་དེ་གསོལ་པ། བདག་ནི་རིང་ནས་ན་སྟེ་རིང་ནས་ལྡོངས། །​ཚེགས་ཆེས་སྨན་པའི་རྒྱལ་པོ་ཁྱོད་རྙེད་དོ། །​ཇི་ལྟར་བདེ་གཤེགས་བསྟན་ལ་གནས་ནས་ནི། །​བདག་གིས་འཐོབ་འགྱུར་མགོན་པོ་བསྟན་དུ་གསོལ། །​འདྲེན་པ་བདག་གིས་བག་མཆིས་ཐོས་པ་ནི། །​མཚན་མོ་བར་སྣང་ལྷ་ལས་ཐོས་ལགས་ཏེ། །​ཐོས་ནས་སྐྱོ་སྟེ་བདག་ནི་འདིར་མཆིས་ན། །​མི་རྣམས་བག་མཆིས་འགྱུར་བ་ཇི་ལྟ་བུ། །​ལམ་ཉམས་པ་ལ་དེ་རིང་སྟོན་གྱུར་ཅིག །​ལྡོངས་པར་གྱུར་པའི་མིག་ཏུ་དེང་གྱུར་ཅིག །​དད་པའི་འབྱུང་གནས་གསོ་མཛད་ཐུགས་རྗེ་ལྡན། །​གཡང་ས་ཆེན་པོ་འདི་ལས་བདག་ཕྱུང་ཤིང་། །​དབུལ་པོར་གྱུར་པ་བདག་ནི་བསྡུ་བར་མཛོད། །​མགོན་པོ་བཅིངས་པ་བདག་ནི་དེང་དགྲོལ་མཛོད། །​སོམ་ཉིར་བཅས་པའི་ཡིད་གཉིས་གཅད་དུ་གསོལ། །​བྱང་ཆུབ་ལམ་ལ་སྤྱོད་པ་བདག་ལུང་

eKangyur, UT4CZ5369-I1KG9168-0000, page 501 (251a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh62/UT22084-042-003-321904#UT22084-042-003-321904