འཇམ་དཔལ་གྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ།

The Array of Virtues of Mañjuśrī’s Buddha Realm
F.279.a

Mañjuśrī­buddha­kṣetra­guṇa­vyūha
F.279.a, volume 41, Degé Kangyur

སྐྱེས་པར་གྱུར། །​བདག་གིས་བསོད་ནམས་ཆེ་བས་གསན། །​ཇི་ལྟར་ཡོངས་སུ་དེ་བསྔོ་སྙམ། །​ཚངས་པར་བསྔོ་འམ་བརྒྱ་བྱིན་ནམ། །​གླིང་བཞིའི་དབང་ཕྱུག་ཐོབ་པར་རམ། །​འོན་ཏེ་ཉན་ཐོས་དངོས་པོར་རམ། །​རང་རྒྱལ་འཐོབ་པའི་ཕྱིར་བསྔོ་སྙམ། །​དེ་ལྟར་སེམས་བསྐྱེད་དེ་མ་ཐག །​ལྷ་རྣམས་སྒྲ་འབྱིན་བརྗོད་པ་ནི། །​དམན་པའི་སེམས་ཀྱིས་བསོད་ནམས་འདི། །​རྣམ་པར་ཆུད་གཟོན་མ་བྱེད་ཅིག །​སེམས་ཅན་ཀུན་ལ་ཕན་པའི་ཕྱིར། །​སྨོན་ལམ་རླབས་ཆེན་གདབ་པར་གྱིས། །​བྱང་ཆུབ་སེམས་རབ་བསྐྱེད་བྱས་ཤིང་། །​འཇིག་རྟེན་རྣམས་ཀྱི་དོན་ཀྱང་གྱིས། །​དེ་བས་ཆོས་ཀྱི་དབང་ཕྱུག་གཙོ། །​རྫོགས་སངས་རྒྱས་ལ་བདག་ཞུ་སྟེ། །​ཐུབ་པ་ཇི་ལྟར་སེམས་བསྐྱེད་ན། །​རྫོགས་པའི་བྱང་ཆུབ་སྐྱེ་བར་འགྱུར། །​ཡེ་ཤེས་དེ་ནི་གང་གིས་འཐོབ། །​དེ་དོན་བདག་ལ་བསྟན་དུ་གསོལ། །​བྱང་ཆུབ་སེམས་ནི་བསྐྱེད་བགྱིས་ཤིང་། །​ཐུབ་པ་ཁྱོད་འདྲར་བདག་ཀྱང་སྨོན། །​དེ་ཡི་ཚིག་དེ་གསན་གྱུར་ནས། །​དེ་བཞིན་གཤེགས་པས་བཀའ་སྩལ་པ། །​རྒྱལ་པོ་ཆེན་པོ་ཤེས་པར་གྱིས། །​རིམ་གྱིས་ཁྱོད་ལ་བསྟན་པར་བྱ། །​ཆོས་རྣམས་ཐམས་ཅད་རྐྱེན་བཞིན་ཏེ། །​འདུན་པའི་རྩ་ལ་རབ་ཏུ་གནས། །གང་གིས་སྨོན་ལམ་ཅི་བཏབ་པ། །​དེ་འདྲའི་འབྲས་བུ་ཐོབ་པར་འགྱུར། །​རྒྱལ་པོ་ངས་ཀྱང་སྔོན་ཆད་ནི། །​རྫོགས་པའི་བྱང་ཆུབ་སེམས་བསྐྱེད་གྱུར། །​སེམས་ཅན་ཀུན་ལ་ཕན་དོན་དུ། །​ངས་ནི་སྨོན་ལམ་དམ་པ་བཏབ། །​སྨོན་ལམ་ཇི་ལྟར་བཏབ་ཚུལ་དུ། །​ངས་ནི་འབྲས་བུ་ཐོབ་པར་གྱུར། །​བྱང་ཆུབ་དམ་པ་ངས་ཐོབ་པས། །​ང་ཡི་བསམ་པ་རྫོགས་པར་གྱུར། །​རྒྱལ་པོ་ཆེན་པོ་བརྟན་གྱིས་ལ། །​མི་འགྱུར་སེམས་ནི་བསྐྱེད་པར་གྱིས། །​གལ་ཏེ་སྤྱོད་པ་སྤྱད་བྱས་ན། །​ཁྱོད་ཀྱང་ཡང་དག་སངས་རྒྱས་འགྱུར། །​ཐུབ་པའི་གསུང་དེ་ཐོས་གྱུར་ནས། །རྒྱལ་པོ་དེ་ནི་དགའ་བར་གྱུར། །​འཇིག་རྟེན་ཀུན་གྱི་མངོན་སུམ་དུ། །​སེང་གེའི་ང་རོར་ཚིག་འདི་བརྗོད། །​འཁོར་བའི་ཐ་མ་མེད་པ་ཡི། །​སྔོན་གྱི་ཐ་མ་ཇི་སྲིད་པ། །​དེ་སྲིད་སེམས་ཅན་ཕན་དོན་དུ། །​སྤྱོད་པ་དཔག་ཡས་སྤྱད་པར་བྱ། །​འཇིག་རྟེན་མགོན་པོའི་སྤྱན་སྔ་འདིར། །​བྱང་ཆུབ་

eKangyur, UT4CZ5369-I1KG9167-0000, page 559 (279a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh59/UT22084-041-004-538#UT22084-041-004-538