འཕགས་མ་འོད་ཟེར་ཅན་གྱི་དཀྱིལ་འཁོར་གྱི་ཆོ་ག

The Maṇḍala Rites of Noble Mārīcī
F.169.a

Ārya­mārīcī­maṇḍalavidhi
F.169.a, volume 90, Degé Kangyur

པའི་ཤིང་རྟ་ལ་གསེར་གྱི་མདོག་ཤིན་ཏུ་མང་ཞིང་ལེགས་པའོ། །​ནུབ་མོའི་དུས་སུ་ཟླ་བ་ལ་ཉིན་མོའི་དུས་སུ་ཉི་མ་ལ་གནས་པ་འགྲུབ་བཞིན་བལྟ་བ་བསམ་པར་བྱའོ། །​ཨོཾ་པྃ་ཡྃ་རྃ་བྃ་མྃ། མ་མེ་པཱ་ཤཱྃཏུ་སྟ་སྭཱ་ཧཱ། ཨནྟརྡྷཱ་ན་མ་སི་སྭཱ་ཧཱ། སྔགས་བཟླས་ཞིང་འགྲོ་ན་དེ་ལྟར་མེད། གཟུང་དུ་མེད། བཅིང་དུ་མེད། དགག་ཏུ་མེད། བརྒལ་དུ་མེད། རྨོངས་པར་བྱར་མེད། ཆད་པས་གཅད་དུ་མེད། མགོ་བྲེག་ཏུ་མེད། གཞུར་མེད། ཚིག་པར་བྱར་མེད། དགྲའི་དབང་དུ་མི་འགྲོའོ། །​ལྡོང་རོས་དང་། གིའུ་ཝང་དང་། མིག་སྨན་དང་བཅས་པས་ཏ་ཀ་རའི་བྱང་ཕྱོགས་ཀྱི་རྩ་བ་གཅེར་བུ་སྐྲ་གྲོལ་བར་གྱུར་པས་ཟླ་བ་འམ་ཉི་མ་གཟས་བཟུང་བའི་དུས་སུ་ཕྱུང་སྟེ། གོང་མ་དེ་དང་གཅིག་ཏུ་བྱས་ཏེ་རིལ་བུ་བྱས་ལ་ཉི་མ་དང་ཟླ་བ་དང་། མེའི་དབུས་སུ་བཅུག་སྟེ་ཁ་རུ་བཅུག་ནས་སྦས་ཏེ་ཉིན་མོ་དང་མཚན་མོ་མི་མཐོང་བར་བྱེད་པའི་གཙོ་བོའི་རིལ་བུའོ། །​ཨོཾ་ཡང་ནི་སྙིང་པོ་མཆོག་གོ། །​སྙིང་པོའི་ལས་སྙིང་པོ་གསང་བ་ལས་ཤིན་ཏུ་གསང་བ། འདོད་པ་བཞི་སྦྱིན་པ་བསྐྱེད་པ་འདི་ལས་སངས་རྒྱས་ཉིད་ཐོབ་པར་འགྱུར་རོ། །​ཞེས་བྱའོ། །​དེ་ནས་གཞན་ཡང་སྦྱོར་བ་ནི་ཟླ་བའི་དབུས་སུ་བཅོམ་ལྡན་འདས་མ་འོད་ཟེར་ཅན་ཟླ་བའི་གདན་ལ་བཞུགས་ཤིང་འཛམ་བུ་ནཱ་དའི་ཆུ་བོའི་གསེར་ལྟ་བུའི་འོད་དང་། འོད་ཟེར་ཅན་ཡིད་དུ་འོང་མ། ཞལ་རྔམ་སྤྱན་གསུམ་ཕྱག་དྲུག་མ། གོས་སྔོན་པོ་འཆང་ཞིང་སྔོན་པོའི་ཤང་འགག་དང་། སྟོད་གཡོགས་ཅན་དང་། སྣ་ཚོགས་རྒྱན་ཐམས་ཅད་ཀྱིས་བརྒྱན་པ་དབུ་ལ་མཆོད་རྟེན་བཀོད་པ། ཞལ་དང་པོ་སེར་པོ་བཞད་པའི་ཞལ། གཡོན་པ་ཕག་ཞལ་ནག་པོ་མཆེ་བ་གཙིགས་ཤིང་འཇིགས་པར་བྱེད་པ། ལྕེ་འདྲིལ་ཞིང་དགྲ་བོ་ལ་ཁྲོ་གཉེར་བྱེད་ཅིང་འཇིགས་པར་བྱེད་ཅིང་གཡས་པའི་ཞལ་ནི་དཀར་པོ། སྟོན་ཀའི་ཟླ་བའི་འོད་དྲི་མ་མེད་པ་ཅན་ནོ། །​གཡོན་པའི་ཕྱག་ཏུ་གཞུ་དང་སྐུད་པ་དང་། ཤིང་མྱ་ངན་མེད་པའི་ཡལ་ག་དང་ལྡན་པའོ། །​གཡས་པ་ན་མདའ་དང་། ཁབ་དང་རྡོ་རྗེ་གསོར་བ་ལ་དགྱེས་པ་དེ་ལྟ་བུའི་རྣམ་པར་བསྒོམ་མོ། །​འདོད་པ་ཐམས་ཅད་སྟེར་བ་དོན་ཡོད་པ། དངོས་

eKangyur, UT4CZ5369-I1KG9216-0000, page 335 (169a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh566/UT22084-090-010-609#UT22084-090-010-609