The Great Amulet
F.134.b
ཡི་གེ་བྲིས་པའི་བར་ཙམ་གྱིས། །འཚོ་བར་འགྱུར་ཏེ་ཐེ་ཚོམ་མེད། །ཆོ་ག་བཞིན་དུ་བསྲུང་བྱས་པའམ། །ཡང་ན་ཐོས་པ་ཙམ་གྱིས་ཀྱང་། །ཀུན་ཏུ་དགེ་བ་ཐོབ་པར་འགྱུར། །འདོད་པ་བཞིན་དུ་བདེ་བར་འཚོ། །གང་དག་སུམ་ཅུ་རྩ་གསུམ་ལྷ། །སྟོང་ཕྲག་དྲུག་ཅུ་རྩ་བརྒྱད་དང་། །བྱེ་བ་ཁྲག་ཁྲིག་ཕྲག་བརྒྱ་དང་། །བརྒྱ་བྱིན་མདུན་ནས་འགྲོ་བ་ཀུན། །སེམས་ཅན་དེ་ལ་བསྲུང་བའི་ཕྱིར། །ཕྱི་བཞིན་འབྲང་ཞིང་གནས་པར་བྱེད། །འཇིག་རྟེན་སྐྱོང་བ་བཞི་པོ་དང་། །ལག་ན་རྡོ་རྗེ་སྟོབས་ཆེན་ཡང་། །རིག་པའི་རིགས་ནི་བརྒྱ་དག་དང་། །ལྷན་ཅིག་རྟག་ཏུ་སྲུང་བར་བྱེད། །ཟླ་བ་ཡིད་བཟང་ཉི་མ་དང་། །ཚངས་པ་ཁྱབ་འཇུག་དབང་ཕྱུག་ཆེ། །ནོར་བུ་བཟང་དང་གཤིན་རྗེ་དང་། །སྟོབས་ཀྱི་ལྷ་ནི་སྟོབས་ཆེན་དང་། །གང་བ་བཟང་པོ་དཔལ་ཆེན་དང་། །འཕྲོག་མ་བུ་དང་བཅས་པ་དང་། །ལྔ་འཛིན་པ་དང་ལྔས་རྩེན་དང་། །སྨིན་དྲུག་བུ་དང་ཚོགས་དབང་དང་། །ལྷ་མོ་ཆེན་མོ་དཔལ་ཅན་དང་། །རྣམ་ཐོས་བུ་དང་དབྱངས་ཅན་དང་། །དུང་ཅན་དང་ནི་མེ་ཏོག་གོ། །དེ་བཞིན་རལ་པ་གཅིག་པ་དང་། །གནོད་སྦྱིན་ཆེན་པོ་དཔལ་ཡོན་ཅན། །རྟག་ཏུ་སྲུང་བ་བྱེད་པར་འགྱུར། །ཟ་མ་རྣམས་ཀྱི་བུ་ཡང་སྐྱེད། །མངལ་ན་གནས་པ་བདེ་བར་བྱེད། །དེ་ནི་ཇི་སྲིད་འཚོ་བའི་བར། །འདི་ནི་བསྲུང་བ་ཆེན་པོར་འགྱུར། །འཇིགས་མེད་འཐབ་མོའི་གཡུལ་འགྱེད་པར། །དཔའ་བོ་རྣམས་ལ་རྟག་རྒྱལ་སྦྱིན། །ཆོས་ལ་ངེས་པའི་ལྷ་རྣམས་ལ། །འདིས་ནི་སྣང་བ་སྦྱིན་པར་བྱེད། །སྡིག་པ་རྣམ་པར་གཞིག་པའི་ཕྱིར། །གུས་པར་བྱེད་དེ་བྲིས་ན་ནི། །དེ་བཞིན་གཤེགས་དང་དེ་བཞིན་དུ། །བྱང་ཆུབ་སེམས་དཔའ་འང་བལྟ་བར་འགྱུར། །དེ་ཡི་གྲགས་པ་རྣམ་པར་འཕེལ། །བསོད་ནམས་དང་ནི་ཚེ་ཡང་འཕེལ། །ནོར་རྣམས་དང་ནི་འབྲུ་དག་ཀྱང་། །འབྱོར་པར་འགྱུར་ཏེ་ཐེ་ཚོམ་མེད། །བདེ་བར་གཉིད་ཀྱིས་ལོག་པ་དང་། །བདེ་བར་རབ་ཏུ་སད་པར་འགྱུར། །འབྱུང་པོའི་ཚོགས་རྣམས་ཐམས་ཅད་དང་། །དགྲ་ཀུན་གྱིས་ཀྱང་མི་རྫིའོ། །གཡུལ་འགྱེད་པ་ཡི་ཚེ་ན་ཡང་། །རིག་པ་སྒྲུབ་པ་བྱས་ན་ནི། །
ཡི་གེ་བྲིས་པའི་བར་ཙམ་གྱིས། །འཚོ་བར་འགྱུར་ཏེ་ཐེ་ཚོམ་མེད། །ཆོ་ག་བཞིན་དུ་བསྲུང་བྱས་པའམ། །ཡང་ན་ཐོས་པ་ཙམ་གྱིས་ཀྱང་། །ཀུན་ཏུ་དགེ་བ་ཐོབ་པར་འགྱུར། །འདོད་པ་བཞིན་དུ་བདེ་བར་འཚོ། །གང་དག་སུམ་ཅུ་རྩ་གསུམ་ལྷ། །སྟོང་ཕྲག་དྲུག་ཅུ་རྩ་བརྒྱད་དང་། །བྱེ་བ་ཁྲག་ཁྲིག་ཕྲག་བརྒྱ་དང་། །བརྒྱ་བྱིན་མདུན་ནས་འགྲོ་བ་ཀུན། །སེམས་ཅན་དེ་ལ་བསྲུང་བའི་ཕྱིར། །ཕྱི་བཞིན་འབྲང་ཞིང་གནས་པར་བྱེད། །འཇིག་རྟེན་སྐྱོང་བ་བཞི་པོ་དང་། །ལག་ན་རྡོ་རྗེ་སྟོབས་ཆེན་ཡང་། །རིག་པའི་རིགས་ནི་བརྒྱ་དག་དང་། །ལྷན་ཅིག་རྟག་ཏུ་སྲུང་བར་བྱེད། །ཟླ་བ་ཡིད་བཟང་ཉི་མ་དང་། །ཚངས་པ་ཁྱབ་འཇུག་དབང་ཕྱུག་ཆེ། །ནོར་བུ་བཟང་དང་གཤིན་རྗེ་དང་། །སྟོབས་ཀྱི་ལྷ་ནི་སྟོབས་ཆེན་དང་། །གང་བ་བཟང་པོ་དཔལ་ཆེན་དང་། །འཕྲོག་མ་བུ་དང་བཅས་པ་དང་། །ལྔ་འཛིན་པ་དང་ལྔས་རྩེན་དང་། །སྨིན་དྲུག་བུ་དང་ཚོགས་དབང་དང་། །ལྷ་མོ་ཆེན་མོ་དཔལ་ཅན་དང་། །རྣམ་ཐོས་བུ་དང་དབྱངས་ཅན་དང་། །དུང་ཅན་དང་ནི་མེ་ཏོག་གོ། །དེ་བཞིན་རལ་པ་གཅིག་པ་དང་། །གནོད་སྦྱིན་ཆེན་པོ་དཔལ་ཡོན་ཅན། །རྟག་ཏུ་སྲུང་བ་བྱེད་པར་འགྱུར། །ཟ་མ་རྣམས་ཀྱི་བུ་ཡང་སྐྱེད། །མངལ་ན་གནས་པ་བདེ་བར་བྱེད། །དེ་ནི་ཇི་སྲིད་འཚོ་བའི་བར། །འདི་ནི་བསྲུང་བ་ཆེན་པོར་འགྱུར། །འཇིགས་མེད་འཐབ་མོའི་གཡུལ་འགྱེད་པར། །དཔའ་བོ་རྣམས་ལ་རྟག་རྒྱལ་སྦྱིན། །ཆོས་ལ་ངེས་པའི་ལྷ་རྣམས་ལ། །འདིས་ནི་སྣང་བ་སྦྱིན་པར་བྱེད། །སྡིག་པ་རྣམ་པར་གཞིག་པའི་ཕྱིར། །གུས་པར་བྱེད་དེ་བྲིས་ན་ནི། །དེ་བཞིན་གཤེགས་དང་དེ་བཞིན་དུ། །བྱང་ཆུབ་སེམས་དཔའ་འང་བལྟ་བར་འགྱུར། །དེ་ཡི་གྲགས་པ་རྣམ་པར་འཕེལ། །བསོད་ནམས་དང་ནི་ཚེ་ཡང་འཕེལ། །ནོར་རྣམས་དང་ནི་འབྲུ་དག་ཀྱང་། །འབྱོར་པར་འགྱུར་ཏེ་ཐེ་ཚོམ་མེད། །བདེ་བར་གཉིད་ཀྱིས་ལོག་པ་དང་། །བདེ་བར་རབ་ཏུ་སད་པར་འགྱུར། །འབྱུང་པོའི་ཚོགས་རྣམས་ཐམས་ཅད་དང་། །དགྲ་ཀུན་གྱིས་ཀྱང་མི་རྫིའོ། །གཡུལ་འགྱེད་པ་ཡི་ཚེ་ན་ཡང་། །རིག་པ་སྒྲུབ་པ་བྱས་ན་ནི། །
eKangyur, UT4CZ5369-I1KG9216-0000, page 266 (134b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh561/UT22084-090-005-691#UT22084-090-005-691