དཔའ་བོ་གཅིག་པུ་གྲུབ་པའི་རྒྱུད།

The Tantra of Siddhaikavīra
F.6.a

Siddhaika­vīra­tantram
F.6.a, volume 89, Degé Kangyur

མངོན་པར་བསྔགས་པས་སྒོའི་ཡ་ཐེམ་ལ་གཏོར་ན་འབྱེར་རོ། །​རལ་གྲི་ལ་མངོན་པར་བསྔགས་ལ་གཡུལ་དུ་འཇུག་ན་རྒྱལ་བ་སྒྲུབ་པར་བྱེད་དོ། །​བྱ་བ་གང་ལ་འཇུག་པ་ན་གཏོར་མ་ཉེ་བར་བསྟབས་ན་དེ་དང་དེ་འགྲུབ་པར་འགྱུར་རོ། །​སྔགས་པ་དགེ་བའམ་མི་དགེ་བའི་ལས་གང་འདོད་པ་བཟླས་པ་ཙམ་གྱིས་བྱེད་དོ། །​ཨོཾ་ཀ་སྱེ་སྤནྡ་སྤནྡ་ཏྭཾ། སཱུ་ནྱ་བེ་ཤྨ་ནི་མ་མ་ཏྭ་ཐཱ་སྤནྡ་ཡ་སྠ། སྤནྡ་སི་བ་ཛ་ཎི་སྭཱ་ཧཱ། ཨོཾ་ཀཱ་ཤི་སྤནྡ་ཀ་ཤེ་སྤནྡ་ཏྭཾ་ནྱེ་ཤཱུ་ནྱ་བེ་ཤྨ་ནི་ཨ་སྨ་ཀརྞྞ་ཏ་ཐཱ་སྤནྡ་ཡ་ཐཱ་སྤནྡ་སི་བ་ཛ་ཎ་སྭཱ་ཧཱ། མིག་འགུལ་བར་གྱུར་ན་བྱབས་པས་ཞི་བར་བྱེད་དོ། །​ཨོཾ་ཛཾ་བྷེ་མོ་ཧི་ཧྲི་ད་ཡ་མཱ་བརྟཱ་ནི་ཧཱུཾ་ཕཊ་སྭཱ་ཧཱ། །​སྔགས་ཀྱི་རྒྱལ་པོ་འདི་ཐོ་རངས་བྱ་རོག་སྒྲ་མི་གྲག་པའི་དུས་སུ། ལན་བདུན་མངོན་པར་བསྔགས་པའི་ཆུས་གདོང་བཀྲུས་ན་སྐྱེ་བོ་ཐམས་ཅད་དགའ་བར་འགྱུར་རོ། །​རྒྱལ་ལ་བ་མར་དང་པདྨ་དཀར་པོའི་སྐུད་པའི་སྡོང་པོས་དུ་བ་བླངས་ལ། བརྒྱ་རྩ་བརྒྱད་མངོན་པར་བསྔགས་པ་བྱས་པ་དེས་མིག་ལ་བསྐུས་པས་བུད་མེད་ཐམས་ཅད་ཡིད་འཕྲོག་པར་བྱེད་དོ། །​རྒྱལ་ལ་ཁ་ཐུར་དུ་བལྟས་པའི་མེ་ཏོག་གི་རྩ་བ་དང་ཤི་རི་ཁཎྜ་དག་སྦྱར་ལ། བརྒྱ་རྩ་བརྒྱད་མངོན་པར་བསྔགས་པ་དེས་ཐིག་ལེར་བྱས་ན་རྗེ་བོ་ཁྲོས་པ་དེ་རབ་ཏུ་སད་པར་བྱེད་དོ། །​ཀུ་ཅོ་དང་འཐབ་པ་དང་རྩོད་པ་དག་ལས་རྒྱལ་བར་འགྱུར་རོ། །​ཆོ་ག་བཞིན་རྟག་ཏུ་བཟླས་པས་གྲོང་ཁྱེར་བསྐྱོད་པ་སྐྱེད་པར་བྱེད་དོ། །​ཨོཾ་སྟཾ་བྷ་ནི། སྟཾ་བྷ་ཡ། ཛཾ་བྷ་ནི། ཛཾ་བྷ་ཡ། མོ་ཧ་ནི། མོ་ཧ་ཡ། རཀྵ་ནི་ཎི། རཀྵ་ཡ་མཱཾ། བར་དི་སིདྡྷ་ལོ་ཙ་ནི་སྭཱ་ཧཱ། སངས་རྒྱས་སྤྱན་གྱི་སྙིང་པོ་འདིས་འཇིགས་པ་ཐམས་ཅད་སེལ་བར་བྱེད་དོ། །​དཔའ་བོ་གཅིག་པུ་གྲུབ་པ་རྒྱུད་ཀྱི་རྒྱལ་པོ་ཆེན་པོ་ལས་ལེའུ་དང་པོ་རྫོགས་སོ།​། །​།རབ་སད་ལེགས་པར་སངས་རྒྱས་པའི། །​སློབ་མ་ཡོན་ཏན་གཞི་ཡིན་པ། །བླ་མ་ལ་གུས་མཁས་པ་ལ། །​རྒྱུད་ཀྱི་རྒྱལ་པོ་བཤད་པར་བྱ། །​ཨོཾ་ན་མོ་བི་མ་ལ་ཙནྡྲཱ་ཡ། དེ་བ་པུ་ཏྲཱ་ཡ། ས་ཏྱེ་ན་དྷྲི་ཡ་ཏི་ལོ་ཀཿས་ཏྱེ་ན་པ་རི་གྲྀ་ཧྱ་ཏེ་ས་ཏྱེ་ན་དྷརྨཿསྠི་ཏོ་ལོ་ཀཿས་ཏྱེ་བྲཧྨ་ས་ཏཱན་ནཾ། ས་ཏྱཾ་བུདྡྷཤྩ་དྷརྨ་ཤྩ་སཾ་གྷཤྩ་གུ་ཎ་སཱ་ག་རཿཨ་ནེ་ནས་ཏྱཾ་བཱ་ཀྱེ་ན་ཀྵི་པྲ་མཱ་བི་ཤ་དརྦ་ཎེ།

eKangyur, UT4CZ5369-I1KG9215-0000, page 11 (6a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh544/UT22084-089-001-433#UT22084-089-001-433