འཇམ་དཔལ་གྱི་རྩ་བའི་རྒྱུད།

The Root Manual of the Rites of Mañjuśrī
F.321.a

Mañjuśrī­mūla­kalpa
F.321.a, volume 88, Degé Kangyur

དཔྱོད་ཅིང་། །​བརྩེ་ལྡན་སྙིང་རྗེ་ལྡན་པ་དང་། །​ཆགས་བྲལ་རྫུ་འཕྲུལ་ཆེན་པོ་དེས། །​རྒྱུ་ནི་ཕྱེ་ཞིང་བསྟན་པར་བྱས། །​སྔོན་ནི་ཁྱོད་ཀྱང་རྒྱལ་པོ་སྟེ། །​མི་ཤེས་བྱིས་པ་གཡོ་བ་ཡི། །​རྒྱལ་བ་ཤཱཀྱ་སེང་གེ་ལ། །​ས་ཡི་རྡུལ་ནི་སྙིམ་གང་ཕུལ། །​ཞིང་དེ་ལ་ནི་རབ་ཕུལ་བས། །ལྷ་ཡུལ་ཕུན་སུམ་ཚོགས་པ་ཐོབ། །​ལྷ་ཡི་འཇིག་རྟེན་ཤི་འཕོས་ནས། །​ས་ཡི་འཇིག་རྟེན་འདིར་འོངས་གྱུར། །​འཛམ་གླིང་ནགས་ཚལ་ཕུན་སུམ་ཚོགས། །​རྒྱལ་པོ་ཡི་ནི་རྒྱལ་ཐབས་སྤྱོད། །​བདག་ཉིད་ཆེན་པོ་ཛམ་བྷ་ལ། །​གནོད་སྦྱིན་གྱི་ནི་སྔགས་ཀྱང་བསྒྲུབས། །​བདག་ཉིད་ཆེན་པོ་ས་ཡི་བདག །​དེ་ནས་གནོད་སྦྱིན་ཤིང་རྟ་གྲུབ། །​དེ་ལ་གནོད་སྦྱིན་འདུག་པ་ནི། །​བཀའ་དང་མཐུན་པར་ཡིད་ཀྱང་འཇུག །​ཀླུ་རྣམས་ཀྱང་ནི་འདུག་པ་སྟེ། །​བྲན་དང་བཀའ་བཞིན་བྱེད་པའི་རྒྱུ། །​དེ་ལྟར་རྫུ་འཕྲུལ་ཆེ་བདག་ཉིད། །​དེ་ཚེ་སྟོབས་ཀྱི་འཁོར་སྒྱུར་འབྱུང་། །ཅི་འདོད་དེ་ནི་འགྲོ་བ་ན། །​གང་དུའང་འགོག་པ་མེད་པར་འགྱུར། །​རྒྱལ་བའི་སྐུ་གདུང་མཆོག་ས་ལ། །​གང་ཡང་སྔོན་ནི་རབ་བཞག་པ། །​རྒྱལ་པོའི་ཁབ་ཀྱི་གྲོང་ཁྱེར་གྱི། །​དེ་ཚེ་འོད་མའི་ཚལ་དུའོ། །​སྐུ་གདུང་མཆོག་ནི་བླངས་ནས་ཀྱང་། །​དགེ་བ་ལ་དམིགས་ཡིད་ཅན་གྱིས། །ཇི་ལྟར་སྔོན་གྱི་བྱས་པ་བཞིན། །​མཆོད་རྟེན་དེ་ལ་མཆོད་པ་བྱས། །​སྐུ་གདུང་བུམ་པ་དེ་བླངས་ནས། །​དེ་ནི་དེ་བཞིན་རྣམ་བགོས་ནས། །​བློ་ལྡན་དེས་ནི་སྐད་ཅིག་གིས། །​དེ་ནས་གནོད་སྦྱིན་ལ་ཡང་སྨྲས། །​འཛམ་བུའི་གླིང་འདི་མ་ལུས་པ། །​མཆོད་རྟེན་རྒྱན་གྱིས་བརྒྱན་པ་དང་། །ས་རྣམས་སྐུ་གདུང་སྙིང་པོར་ནི། །​ཁྱོད་ཀྱིས་ཀྱང་ནི་རབ་ཏུ་བྱ། །​འབད་པ་ཡིས་ནི་མཚན་ཕྱེད་དུ། །​གནོད་སྦྱིན་གྱིས་ནི་བཀའ་ཡང་བླངས། །​མི་མ་ཡིན་པའི་བྱ་བ་བྱས། །​ས་སྟེང་རྡོ་ཡི་སྲོག་ཤིང་བསྒྲེང་། །​ཀ་བ་སྟོང་ཕྲག་དུ་མ་ནི། །​དེ་ཚེ་ཡོངས་སུ་བཙུགས་པར་གྱུར། །​མཆོད་རྟེན་རྣམས་ལ་མཆོད་དོན་དུ། །​ལུས་ཅན་རྣམས་ལ་མཚོན་པར་གྱུར། །​འཇིག་རྟེན་མགོན་པོ་སྐྱོབ་པ་ཡིས། །​མཆོད་རྟེན་སྣ་ཚོགས་བྱས་ནས་ནི། །​སྐད་ཅིག་གཅིག་གིས་གནོད་སྦྱིན་རྣམས། །​རྒྱལ་པོ་ཡི་ནི་དྲུང་དུ་ལྷགས། །​དེ་ནས་གནོད་སྦྱིན་རབ་བཏུད་ནས། །​དབེན་པར་ཚིག་ནི་

eKangyur, UT4CZ5369-I1KG9214-0000, page 641 (321a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh543/UT22084-088-038-19348#UT22084-088-038-19348