འཇམ་དཔལ་གྱི་རྩ་བའི་རྒྱུད།

The Root Manual of the Rites of Mañjuśrī
F.188.b

Mañjuśrī­mūla­kalpa
F.188.b, volume 88, Degé Kangyur

ཀུན། །​དེ་བཞིན་མི་ཡི་དབང་པོ་ཉིད། །​སེམས་ཅན་ཀུན་ལ་དབང་དོན་དང་། །​ཡང་ན་རྒྱལ་པོ་དབང་དུ་འགྱུར། །​དེ་བཞིན་རྟག་ཏུ་ལས་ཀུན་ལ། །​སྦྱིན་སྲེག་གིས་ནི་ཀུན་དུ་བྱ། །​ཐམས་ཅད་ཀུན་ལ་བརྩོན་བདག་ཉིད། །​ལས་ཀུན་ལས་ནི་བསྟེན་བྱས་ན། །​དེ་ནི་ངེས་པར་འགྲུབ་འགྱུར་ཏེ། །​ལས་དགེའི་དོན་ནི་དམ་པ་ཡིན། །​བར་མ་ཉིད་ཀྱང་འགྲུབ་པར་འགྱུར། །​ཐ་མའི་ལས་ཀྱང་དེ་བཞིན་ནོ། །​རྫས་རྣམས་དག་ནི་དེ་བཞིན་དུ། །​གྲུབ་དང་ལྡན་པའང་རྣམ་པ་གསུམ། །​འབྲས་དང་བཅས་པར་གྲུབ་སྣང་སྟེ། །​སྦྱིན་སྲེག་ལས་ལ་རབ་ཏུ་བསྟན། །​ཕྱག་རྒྱ་གཙུག་ཕུད་ལྔ་བཅིངས་ནས། །​སྔགས་ཀྱང་སྐྲ་ཅན་མས་བྱས་ན། །​ལས་རྣམས་ཀུན་ནི་བྱ་བ་དང་། །​སྔགས་པས་བདག་ཉིད་བསྲུང་བ་བྱ། །​སྦྱིན་སྲེག་ལས་ལ་རབ་འཇུག་པས། །​དེ་ནས་སྔགས་འདི་བརྗོད་པར་བྱ། །​བདུན་ནམ་བརྒྱད་དུ་བཟླས་པ་ཡིས། །​ལས་འདི་ལ་ནི་རྟག་ཏུ་བྱ། །​ན་མཿསརྦ་བུད་དྷཱ་བོ་དྷི་སཏྭཱ་ནཱཾ། ཨ་པྲ་ཏི་ཧ་ཏ་ག་ཏིཾ་ག་ཏཱ་ནཱཾ། ཏདྱ་ཐཱ། ཨོྃ་ཛྭ་ལ་ཏིཥྛ་ཧཱུཾ་རུ་རུ་བི་ཤྭ་སཾ་བྷ་བ་སཾ་བྷ་བེ་སྭཱ་ཧཱ། སྔགས་ཀྱི་སྦྱོར་བ་འདི་ཡིས་ནི། །​ཡང་དང་ཡང་དུ་ཤིང་ལ་བཟླ། །​གཉིས་སམ་བདུན་དུ་བཟླས་པ་ཡིས། །​སྔགས་རིག་དེས་ནི་སྦྱིན་སྲེག་བྱ། །​མེ་ཏོག་བདུག་པ་དྲི་ཡང་རུང་། །​མ་ལུས་ཐམས་ཅད་དག་དང་ནི། །​ཆུ་ལ་སྔགས་རྣམས་བཟླས་པ་ཡང་། །​འདི་ཉིད་ཀྱིས་ནི་སྦྱིན་པར་བྱ། །​ལས་རྣམས་ཀུན་གྱི་རྒྱུ་ཡི་ཕྱིར། །​དེ་ནས་ཆོ་ག་བརྩམ་པར་བྱ། །​ལས་རྣམས་དག་ནི་ཐམས་ཅད་ལ། །​སྔ་མའི་སྦྱོར་བ་ཉིད་ཀྱིས་བྱ། །​སྔ་མའི་གཙུག་པུད་ལྔ་བཅིངས་ཏེ། །​ཕྱག་རྒྱ་ཆེན་པོ་གྲགས་ལྡན་མ། །​སྔ་མའི་གཙུག་པུད་ལྔ་བཅིངས་བྱ། །​སྐྲ་ཅན་མ་ཉིད་རབ་བཟླས་པས། །​དེས་ན་སྲུང་བ་བྱེད་པར་འགྱུར། །​གྲུབ་པའི་རྒྱུ་ལ་འཇིགས་མེད་པས། །​ལས་རྣམས་ཐམས་ཅད་བརྩམ་པར་བྱ། །​གལ་ཏེ་ལ་ཉེ་བཟང་མཐོང་བའམ། །​རྟག་ཏུ་དགེ་བའི་སྒྲ་ཐོས་ན། །​དེ་ལ་སྔགས་ནི་དོན་ཡོད་དེ། །​ཇི་ལྟར་འདོད་བཞིན་མཆོག་སྩོལ་འགྱུར། །​དང་པོའི་ལས་ལ་རབ་སྦྱོར་དང་། །​སྔགས་ཀྱི་རྒྱུ་ལ་རབ་འཇུག་ན། །​ཐམས་ཅད་འབྲས་བུ་བཅས་པ་དང་། །​དེ་ལ་གྲུབ་

eKangyur, UT4CZ5369-I1KG9214-0000, page 376 (188b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh543/UT22084-088-038-19083#UT22084-088-038-19083