འཇམ་དཔལ་གྱི་རྩ་བའི་རྒྱུད།

The Root Manual of the Rites of Mañjuśrī
F.158.a

Mañjuśrī­mūla­kalpa
F.158.a, volume 88, Degé Kangyur

ཆུང་བས་ཤིན་ཏུ་རྒྱ་ཆེ་བའི་རས་རིས་ཀྱི་ཆོ་གའི་སྒྲུབ་པ་ལ་སོགས་པ་རྩོམ་པར་མི་ནུས་ཏེ། དེ་དག་གི་ཕྱིར་ཤིན་ཏུ་མདོར་བསྟན་པར་བྱའོ། །​དང་པོར་རེ་ཤིག་དཔའ་བོའི་ཚོང་གིས་དོག་པ་སྲང་གཅིག་གམ་སྲང་ཕྱེད་ཀྱིས་ཉོས་ལ་ཆུར་ཁྲུ་གང་། ཞེང་དུ་ཁྲུ་ཕྱེད་ཙམ་གྱི་རས་ཁ་ཚར་དང་བཅས་པ་ཐག་པ་ལ་འཐག་ཏུ་གཞུག་གོ། །​ཡང་ན་སྐྲ་མེད་པའི་རས་ཀྱི་དུམ་བུ་སར་པ་གཞན་སྟེང་དང་འོག་ཏུ་ཅི་ལྟར་འདོད་པ་ཁྲུ་གཉིས་དང་བཞི་དང་དྲུག་དང་ལྔ་དང་བཅུ་དང་བརྒྱད་པའི་རས་བླངས་ཏེ། ཅི་ལྟར་འདོད་པའི་རི་མོ་བས་རི་མོ་བྲི་བར་བྱའོ། །​ཚོན་མ་འདྲེས་པ་དང་ཙནྡན་དང་ག་པུར་དང་། གུར་གུམ་གྱིས་བསྒོས་ཏེ། རས་ཀྱང་ཙནྡན་དང་ག་པུར་དང་། གུར་གུམ་གཅིག་ཏུ་བྱས་པ་སྲོག་ཆགས་མེད་པའི་ཆུ་རྡུལ་མེད་པ་དང་བསྲེས་ཏེ། སྣོད་སར་པའི་ནང་དུ་བཀྲུས་ལ་ཞག་གསུམ་གྱི་བར་དུ་ལེགས་པར་བཀབ་སྟེ། བཞག་ནས་གཙང་བའི་ཕྱོགས་སུ་སྲུང་བ་བྱས་ཤིང་བདག་ཉིད་ཀྱང་གཙང་བར་བྱས་ཏེ། ཟླ་བ་ཡར་ངོའི་ཚེས་བཅྭ་ལྔ་ལ་རས་སྣོད་ཀྱི་མདུན་དུ་ཤར་དུ་མངོན་པར་ཕྱོགས་ཏེ། ཀུ་ཤའི་ཁྲེས་ལ་འདུག་ནས། སྔགས་ཀྱི་ཚིག་ལན་བརྒྱ་རྩ་བརྒྱད་བརྗོད་པར་བྱ་བ་ལ་འདི་ལྟ་སྟེ། ཨོཾ་ཧེ་ཧེ་བྷ་ག་བཱན་བ་ཧུ་རཱུ་བ་དྷཱ་ར་དི་བྱ་ཙཀྵུ་ཥེ། ཨ་བ་ལོ་ཀ་ཡ། ཨ་བ་ལོ་ཀ་ཡ། མཱཾ་ས་མ་ཡ་མ་ནུ་སྨ་ར་ཀུ་མཱ་ར་རཱུ་པ་དྷཱ་རི་ཎེ། མ་ཧཱ་བོ་དྷི་ས་ཏྭ་ཀིཉྩི་རཱ་ཡ་སི་ཧཱུཾ་སྥ་ཊེ་སྥ་ཊེ་སྭཱ་ཧཱ། སྔགས་འདི་བཟླས་པ་བྱས་ལ་དེ་ཉིད་དུ་ཉལ་བར་བྱའོ། །​གཉིད་ལོག་པའི་རྨི་ལམ་དུ་འགྲུབ་པ་འམ་མི་འགྲུབ་པ་སྟོན་པར་འགྱུར་རོ། །དེ་ནས་ལངས་ནས་རྨི་ལམ་དུ་གྲུབ་པའི་མཚན་མ་མཐོང་ན་རིང་པོ་མི་ཐོགས་པར་རས་རིས་བྲི་བར་བྱའོ། །​གལ་ཏེ་གྲུབ་པའི་མཚན་མ་རྨི་ལམ་དུ་མ་མཐོང་ན། རས་དེ་སྣོད་དེ་ལས་ཕྱུང་ལ་ཉི་མ་ལ་བསྐམས་ནས་ཡང་སྣོད་སར་པ་གཞན་དུ་བཅུག་ལ། ཤིན་ཏུ་དབེན་པར་ལེགས་པར་བསྲུང་བ་བྱས་ལ་བཞག་གོ། །​དེ་ནས་ཡང་སྙིང་པོའི་མཆོག་དེ་དག་ལས་གང་ཡང་རུང་བའི་སྔགས་བླངས་ལ། གང་འདོད་པའི་ཡི་གེ་དྲུག་པ་ཡང་ཡི་གེ་འབུམ་བཟླ་བར་བྱའོ། །​དེས་ན་རས་མི་དགེ་བ་ཡང་འགྲུབ་པར་འགྱུར་རོ། །​དང་པོར་རེ་ཞིག་རས་དེ་བླངས་ལ་ཆོ་

eKangyur, UT4CZ5369-I1KG9214-0000, page 315 (158a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh543/UT22084-088-038-19022#UT22084-088-038-19022