སངས་རྒྱས་བདུན་པ།

The Seven Buddhas
F.41.b

Saptabuddhaka
F.41.b, volume 88, Degé Kangyur

རོ། །​ཇི་སྟེ་སྐོམ་ཞུ་བར་འདོད་ན་བཟའ་ཐམས་ཅད་ལ་ལན་སྟོང་རྩ་བརྒྱད་ཀྱིས་བཀྲུ་བར་བྱའོ། །​ལྷོག་རྒལ་བཅད་ན་ཟངས་ཁབ་ཀྱིས་བྱའོ། །​འཐབ་པ་དང་། རྩོད་པ་དང་། བཅིངས་པ་ཐམས་ཅད་ལས་ཐར་བར་བྱ་ན་ལན་བདུན་བཟླས་བརྗོད་བྱེད་ན་རྟག་ཏུ་ནོར་ཡང་འཕེལ་བར་འགྱུར། བགེགས་དང་ལོག་འདྲེན་ཐམས་ཅད་ལས་ཀྱང་ཐར་བར་འགྱུར་རོ། །​ཅི་སྟེ་དེ་བཞིན་གཤེགས་པ་མཐོང་བར་འདོད་ན་དེས་ཕྱོགས་གཙང་མར་འཇིག་རྟེན་གྱི་འཁོར་སར་དཀྱིལ་འཁོར་བསྐུས་ལ་ཨ་ག་རུས་བདུགས་ཏེ། ལན་སྟོང་རྩ་བརྒྱད་བཟླས་བརྗོད་བྱས་ལ། དེའི་དྲུང་དུ་སྔས་ཤར་ཕྱོགས་སུ་བསྟན་ཏེ་ཉལ་ན་དེ་བཞིན་གཤེགས་པ་མཐོང་བར་འགྱུར་རོ། །​ཡིད་ལ་ཅི་སྣོས་པ་དེ་ཐམས་ཅད་སྟོན་ཏོ། །​ཚེའམ་སྟོབས་སམ། ཕམ་རྒྱལ་ཐམས་ཅད་ཀྱང་སྟོན་ཏོ། །​དེ་ནས་དེ་བཞིན་གཤེགས་པ་གསེར་ཐུབ་སྟེང་གི་ནམ་མཁའ་ལ་བཞུགས་ཏེ། སེམས་ཅན་ཐམས་ཅད་ལ་ཕན་པའི་དོན་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། འབྱུང་པོ་ཐམས་ཅད་བཟློག་པའི་ཕྱིར། གསང་སྔགས་ཀྱི་གཞི་འདི་དག་བཀའ་སྩལ་ཏོ། །​ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷཱ་ཡ། ན་མཿཀ་ན་ཀ་མུ་ན་ཡེ། ཏ་ཐཱ་ག་ཏཱ་ཡ། ཨ་ར་ཧ་ཏེ་སཾ་མྱཀྶཾ་བུདྡྷཱ་ཡ། ཏདྱ་ཐཱ། ཨོཾ་ས་ར་ས་ར། ས་ར་ས་ར། སི་རི་སི་རི། སི་རི་སི་རི། སི་རཱ་ཡ། དྷ་མ་དྷ་མ། དྷ་མ་དྷ་མ། དྷུ་མ་དྷུ་མ། དྷུ་མ་དྷུ་མཱ་ཡ་ན་མོ་ན་མཿཀ་ན་ཀ་མུ་ན་ཡེ། ཏ་ཐཱ་ག་ཏཱ་ཡ། ཨ་ར་ཧ་ཏེ་སཾ་མྱཀྶཾ་བུདྡྷ་ཡ་སྭཱ་ཧཱ། དེ་ནས་དེ་བཞིན་གཤེགས་པ་གསེར་ཐུབ་ཀྱིས་བྱང་ཆུབ་སེམས་དཔའ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །​ནམ་མཁའི་སྙིང་པོ་གང་ལ་ལ་ཞིག་སྙིང་པོ་འདི་འཛིན་ཅིང་རྟག་ཏུ་བཟླས་བརྗོད་བྱེད་པ་དེ་ལ་མཚོན་གྱིས་འཇིགས་པ་མི་འབྱུང་། མེ་དང་། ཆུ་དང་། ལྕེ་འབབ་པས་འཆི་བའི་དུས་བྱེད་པར་མི་འགྱུར། དུག་ཐམས་ཅད་ཀྱང་ཟས་དང་འདྲ་བར་ཐུབ་པར་འགྱུར། དུས་མ་ཡིན་པར་འཆི་བས་འཆི་བའི་དུས་བྱེད་པར་མི་འགྱུར། གཤིས་ངན་དུ་འཆི་བར་མི་འགྱུར། ཚེ་རིང་བར་འགྱུར། ལོངས་སྤྱོད་ཆེ་བར་འགྱུར། རྟག་ཏུ་དེ་བཞིན་གཤེགས་པ་དང་ཕྲད་པར་འགྱུར། དེ་བཞིན་གཤེགས་པས་བྱིན་

eKangyur, UT4CZ5369-I1KG9214-0000, page 82 (41b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh512/UT22084-068-004-248#UT22084-068-004-248