གོ་ཆའི་བཀོད་པ་བསྟན་པ།

The Teaching of the Armor Array
F.106.b

Varma­vyūha­nirdeśa
F.106.b, volume 40, Degé Kangyur

ཆགས་དང་། ཞེ་སྡང་དང་། གཏི་མུག་བསྲབས་པས་གདུལ་སླ་བ་དང་། ཅུང་ཟད་ཙམ་ཞིག་བཤད་ཅིང་བསྟན་པས་ཀྱང་ཆོས་རྣམས་ཀྱི་རང་བཞིན་གྱི་མཚན་ཉིད་ཡོངས་སུ་ཤེས་པར་གྱུར་ཏོ། །​བློ་གྲོས་མཐའ་ཡས་གཞན་ཡང་དེའི་ཚེ་འཁོར་ལོས་སྒྱུར་བའི་རྒྱལ་པོ་དོན་ཐམས་ཅད་གྲུབ་པ་ཞེས་བྱ་བ་རིན་པོ་ཆེ་སྣ་བདུན་དང་ལྡན་པ། གླིང་བཞི་པ་རྣམས་སྐྱབས་སུ་དོང་བ་ཞིག་བྱུང་སྟེ། འཛམ་བུའི་གླིང་དེ་ན་གྲོང་ཁྱེར་ཆེན་པོ་ཆུ་ཞེང་དུ་དཔག་ཚད་བཞི་བཅུས་འཁོར་བ་ཞིག་ཡོད་དེ། མིས་རབ་ཏུ་གང་བ། བདེ་ཞིང་འབྱོར་པ་དང་ལྡན་པ། གྲོང་ཁྱེར་གྱི་ནང་དུ་དཔག་ཚད་ལྔ་ཚུན་ཆད་རིན་པོ་ཆེ་སྣ་བདུན་གྱིས་གཅལ་དུ་བཀྲམ་པ། ཤིང་ཏ་ལ་མཆོག་རྣམས་ཀྱང་དྲིལ་བུ་གཡེར་ཀ་སྤྱངས་ཤིང་གསེར་ཡང་དག་པའི་དྲ་བས་གཡོགས་པ་དག་གིས་ཀུན་ཏུ་གང་བར་གྱུར་ཏོ། །​རྒྱལ་པོ་དེའི་ཕོ་བྲང་ནི་བཻཌཱུ་རྱ་འབའ་ཞིག་ལས་བྱས་ཤིང་ཞེང་དུ་དཔག་ཚད་གཅིག་ཡོད་དེ། ངོས་བཞི་ན་ཀ་བ་སྟོང་སྟོང་ཡོད་དོ། །​ཕོ་བྲང་གཞལ་མེད་ཁང་དེའི་སྟེང་ན་ཡང་ཁང་པ་བརྩེག་མ་ཤིན་ཏུ་མཐོ་ཞིང་རིན་པོ་ཆེ་སྣ་ཚོགས་ཀྱིས་རབ་ཏུ་བརྒྱན་པ་སྟོང་ཡོད་དོ། །​ཕོ་བྲང་གཞལ་མེད་ཁང་དེའི་མདུན་ན་སྤོས་ཀྱི་རྫིང་ཆེན་པོ་ཤིན་ཏུ་དང་བ་ཞིག་ཡོད་དེ། དེའི་ཉེ་འཁོར་ན་གཞན་ཡང་སྤོས་ཀྱི་འོད་དང་ལྡན་པའི་རྫིང་བུ་ཕྲ་མོ་རིན་པོ་ཆེ་སྣ་བདུན་ལས་མངོན་པར་གྲུབ་པ་བཅུ་དྲུག་ཡོད་དེ། དེ་དག་གིས་མཐའ་མ་འཁོར་བར་བསྐོར་ཏོ། །​རྫིང་བུ་རེ་རེ་ལས་ཀྱང་འབབ་ཆུ་དག་རབ་ཏུ་འབབ་པས་དེ་ལས་དཔེར་ན་རོལ་མོ་མང་པོ་བྱས་པ་ལྟ་བུའི་སྒྲ་སྙན་པ་དག་བྱུང་བར་གྱུར་ཏོ། །​རྫིང་བུ་ཕྲ་མོ་རེ་རེ་ལ་ཡང་ལམ་སྟེགས་བརྒྱད་བརྒྱད་ཡོད་དོ། །​སྤོས་ཀྱི་འོད་ཀྱི་རྫིང་ཆེན་པོ་ལ་ནི་ལམ་སྟེགས་སུམ་ཅུ་རྩ་གཉིས་ཡོད་དེ། ལམ་སྟེགས་ཐམས་ཅད་ཀྱང་གསེར་འབའ་ཞིག་ལས་མངོན་པར་གྲུབ་པ། རིན་པོ་ཆེའི་ཤིང་ལྗོན་པ་ཕྲེང་དུ་དཀྲིགས་པ། རིན་པོ་ཆེའི་དྲ་བས་གཡོགས་པ། སྤོས་མཆོག་དམ་པའི་དྲིས་གྲོང་ཁྱེར་ཀུན་ཏུ་གང་བར་བྱེད་པའི་ཕྱིར་རྫིང་དེ་དག་སྤོས་ཀྱི་འོད་ལྡན་ཞེས་བྱའོ། །​བློ་གྲོས་མཐའ་ཡས་འཁོར་ལོས་སྒྱུར་བའི་རྒྱལ་པོ་དེ་

eKangyur, UT4CZ5369-I1KG9166-0000, page 212 (106b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh51/UT22084-040-002-969#UT22084-040-002-969