གོ་ཆའི་བཀོད་པ་བསྟན་པ།

The Teaching of the Armor Array
F.90.b

Varma­vyūha­nirdeśa
F.90.b, volume 40, Degé Kangyur

ཤིན་ཏུ་བདེ་བའི་ལམ་འདི་ནི། །​ཡང་དག་ཡིན་པས་འཇིགས་པ་མེད། །​ལམ་འདི་ལ་ནི་གང་ཞུགས་པ། །​མཐར་ནི་མྱ་ངན་འདའ་བར་འགྱུར། །​མཆོག་ཏུ་རྣམ་དག་ལམ་འདི་ནི། །​ནམ་མཁའ་སྟོང་པ་འདྲ་བས་ན། །​ཐམས་ཅད་དུ་ནི་ཐོགས་པ་མེད། །​རྟག་ཏུ་མྱ་ངན་འདས་ལ་གཞོལ། །​གལ་ཏེ་མྱ་ངན་འདས་ཕྱིན་ན། །​ཕྱིར་མི་ལྡོག་པར་མི་འགྱུར་བས། །​མྱ་ངན་འདས་པ་ཆེན་པོ་འདི། །​བླ་མེད་མཆོག་ཏུ་བདེ་བ་ཡིན། །​མྱ་ངན་འདས་ཆེན་གཞལ་མེད་ཁང་། །​སྟོང་དབེན་ཚད་ནི་གཞལ་དུ་མེད། །​དེ་ཕྱིར་མྱ་ངན་འདས་ཆེན་ཡིན། །​གཞལ་མེད་ཁང་ཆེན་ཞེས་ཀྱང་བྱ། །​མྱ་ངན་འདས་པ་ཆེན་པོ་འདིར། །​དུག་གསུམ་ཉོན་མོངས་རབ་ཏུ་ཞི། །​གལ་ཏེ་དེར་ནི་ཕྱིན་གྱུར་ན། །​ལྡོག་པ་མེད་ཅིང་སྐྱེ་ལེན་མེད། །​མྱ་ངན་འདས་ཆེན་སྟོང་དབེན་འདི། །​དཔེར་ན་ནམ་མཁའ་ཇི་ལྟ་བཞིན། །​སྟོང་དབེན་རྒྱ་ནི་ཆེ་བའི་ཕྱིར། །​དེ་ན་ཐོགས་པ་ཅི་ཡང་མེད། །​མྱ་ངན་འདས་ཆེན་གཞལ་མེད་ཁང་། །​སྡུག་བསྔལ་མྱ་ངན་གནས་སྤངས་ཤིང་། །​སྤྱོད་ཡུལ་གནས་ནི་དཔག་མེད་པས། །​མྱ་ངན་འདས་པ་ཞེས་བརྗོད་དོ། །​མྱ་ངན་འདས་ལ་གྲངས་མེད་པས། །​གྲངས་ཀྱི་ཚད་ནི་དམིགས་སུ་མེད། །​རབ་ཞི་བསིལ་བའི་རང་བཞིན་ལ། །​མྱ་ངན་འདས་པ་ཞེས་བརྗོད་དོ། །​མྱ་ངན་འདས་ལ་བྱ་མེད་པས། །​ལམ་ཞུགས་པ་ཡང་བླ་ན་མེད། །​ཚད་མེད་རྣམ་རྟོག་མེད་པས་ན། །​རྣམ་པར་རྟོག་པ་དམིགས་སུ་མེད། །​ངས་ནི་བྱང་ཆུབ་སེམས་དཔའི་ཕྱིར། །​ལམ་འདི་རབ་ཏུ་བསྟན་པའི་ཕྱིར། །​ལམ་འདི་ལ་ནི་གང་གནས་པ། །​དེ་ནི་མྱ་ངན་འདས་དང་ཉེ། །​ལམ་འདི་ལ་ནི་གང་གནས་པ། །​འཇིག་རྟེན་པ་ཡི་བདེ་བའི་མཆོག །​ཐམས་ཅད་རབ་ཏུ་འཐོབ་འགྱུར་བས། །​འཇིགས་པ་མེད་པ་ཞེས་བྱའོ། །​ལམ་འདི་ལ་ནི་རབ་གནས་ན། །​སེམས་ནི་ཉོན་མོངས་མེད་པར་འགྱུར། །​དེས་ན་ལམ་ནི་རྣམ་དག་པས། །​འཇིགས་པ་མེད་པ་ཞེས་བྱའོ། །​མཉམ་ཉིད་ཡང་དག་ལམ་མཐོང་པས། །​ཐམས་ཅད་རྗེས་སུ་རྟོགས་པར་འགྱུར། །​འཚོ་བའི་ཡོ་བྱད་ཐམས་ཅད་ལ། །​ཐམས་ཅད་དུ་ནི་ཆགས་མི་འགྱུར། །​བྱང་ཆུབ་སེམས་དཔའི་གནས་མེད་པ། །​ཡང་དག་ཁྱད་པར་འཕགས་པའི་ལམ། །​སེམས་ཅན་རྣམས་ལ་ཕན་

eKangyur, UT4CZ5369-I1KG9166-0000, page 180 (90b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh51/UT22084-040-002-937#UT22084-040-002-937