གོ་ཆའི་བཀོད་པ་བསྟན་པ།

The Teaching of the Armor Array
F.139.b

Varma­vyūha­nirdeśa
F.139.b, volume 40, Degé Kangyur

གང་ཡིན་པ་དེ་དག་གིས་མ་འོངས་པའི་དུས་ན་ཆོས་འདི་ཐོས་པར་འགྱུར་རོ། །​ཆོས་འདི་ལ་གང་གིས་ནན་ཏན་དུ་སྒྲུབ་པར་བྱེད་པ་དེ་དག་ནི་དུས་གསུམ་གྱི་སངས་རྒྱས་བཅོམ་ལྡན་འདས་ཀྱིས་ཡོངས་སུ་གཟུང་བར་འགྱུར་རོ། །​བློ་གྲོས་མཐའ་ཡས་མ་འོངས་པའི་དུས་ན་འཇིགས་པ་ཆེན་པོ་འབྱུང་བའི་ཚེ་ངའི་ཆོས་ཀྱི་རྣམ་གྲངས་འདི་ཁྱོད་ལ་སོགས་པ་ལ་ཡོངས་སུ་གཏད་དོ། །​ངས་བསྐལ་པ་བྱེ་བ་ཁྲག་ཁྲིག་གྲངས་མེད་པ་ནས་བླ་ན་མེད་པའི་ཆོས་ཀྱི་གཏེར་རབ་ཏུ་བསགས་པས་ཡོན་ཏན་ཕུན་སུམ་ཚོགས་པ་དང་། དཔག་ཏུ་མེད་པའི་བདེ་བ་ཐོབ་པ་གང་ཡིན་པ་དེ་དག་ཁྱོད་ཀྱིས་ཀྱང་འཐོབ་པར་འགྱུར་གྱིས་སྡུག་བསྔལ་གྱི་ཕུང་པོ་ཐམས་ཅད་ཁྱོད་ཀྱིས་རབ་ཏུ་སྤངས་ཏེ་ཡོན་ཏན་གྱི་རྒྱ་མཚོ་དཔག་ཏུ་མེད་པས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་གཞོལ་བར་བྱའོ། །​དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མཐའ་ཡས་བྱང་ཆུབ་སེམས་དཔའ་སེམས་དཔའ་ཆེན་པོ་ལྔ་བརྒྱ་དང་བཅས་པ་དང་། ཁྱིམ་བདག་མ་སྨད་པ་དང་། ཚོང་དཔོན་བཟང་སྐྱོང་ལ་སོགས་པ་གཙོ་བོར་གྱུར་པ་རྣམས་ཀྱིས་བཅོམ་ལྡན་འདས་ཀྱི་ཞབས་ལ་ཕྱག་བྱས་ནས་འདི་སྐད་ཅེས་གསོལ་ཏོ། །​བཅོམ་ལྡན་འདས་བདག་ཅག་རྣམས་མཐུ་ཅི་མཆིས་པས་དེ་བཞིན་གཤེགས་པའི་བྱང་ཆུབ་ཆེན་པོའི་ཆོས་ཡོངས་སུ་བཟུང་ནས་སླད་མའི་དུས་ཀྱི་ཚེ་སེམས་ཅན་རྣམས་ལ་ཕན་གདགས་པར་བགྱིའོ་ཞེས་གསོལ་ཏོ། །​དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འདུག་པའི་སྟན་ལས་ལངས་ཏེ། མེ་ཏོག་རྣམ་པ་སྣ་ཚོགས་ཀྱིས་དེ་བཞིན་གཤེགས་པ་ལ་མངོན་པར་གཏོར་ནས་ལུས་ཀྱི་གོས་མཆོག་དམ་པ་ཕུད་དེ། མཆོད་པ་བྱས་ནས་འདི་སྐད་ཅེས་གསོལ་ཏོ། །​བཅོམ་ལྡན་འདས་བདག་ཅག་ནི་དགེ་བའི་རྩ་བ་འདིས་སེམས་ཅན་ཐམས་ཅད་ལ་ཡོངས་སུ་བསྔོ་སྟེ། སེམས་ཅན་རྣམས་བྱང་ཆུབ་ཀྱི་ཕྱོགས་ཀྱི་ཆོས་ཕུན་སུམ་ཚོགས་པ་འཐོབ་པར་འགྱུར་བ་དང་། དེ་བཞིན་གཤེགས་པའི་ཐམས་ཅད་མཁྱེན་པའི་ཡེ་ཤེས་མངོན་པར་བསྒྲུབ་པར་འགྱུར་བ་དང་། སླད་མའི་དུས་ཀྱི་ཚེ་སེམས་ཅན་ཐམས་ཅད་ཀྱི་དགེ་བའི་རྩ་བ་ཇི་སྙེད་པ་དེ་དག་ཡོངས་སུ་རྫོགས་པར་འགྱུར་བར་སྨོན་ལམ་འདེབས་ལགས་སོ། །​དེ་སྐད་ཅེས་གསོལ་བ་དང་། དེ་ནས་དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་

eKangyur, UT4CZ5369-I1KG9166-0000, page 278 (139b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh51/UT22084-040-002-1035#UT22084-040-002-1035