དེ་བཞིན་གཤེགས་པའི་གསང་བ།

The Secrets of the Realized Ones
F.111.b

Tathāgataguhya
F.111.b, volume 39, Degé Kangyur

ཚིག་ཐོས་ནས། །​འདོད་ཆགས་ཞི་ཞིང་ཞེ་སྡང་རབ་ཏུ་ཞི། །​གཏི་མུག་གཡོ་དང་ང་རྒྱལ་དྲེགས་པ་ཞི། །​དོན་རྣམས་གཏན་ལ་ཕེབས་ཤིང་ཐེ་ཙོམ་མེད། །​གཟུགས་ཀྱི་ཁམས་ན་ལྷ་རྣམས་གང་གནས་པ། །​དེ་དག་ཡིད་ནི་དེ་ཡིས་ཚིམ་པར་བྱེད། །​མི་ཡི་གཙོ་བོའི་ཚིག་རྣམས་ཐོས་ནས་ནི། །འཇིག་རྟེན་སངས་རྒྱས་གྱུར་ཅེས་བྱང་ཆུབ་ཚོལ། །​ཀླུ་དབང་དྲི་ཟ་ལྟོ་འཕྱེ་ཆེ་རྣམས་ཀྱི། རོལ་མོ་སྣ་ཚོགས་སྒྲ་ཡོད་དེ་དག་པས། །​ཡོན་ཏན་རྒྱ་མཚོ་ལྡན་པའི་སྒྲ་བསྒྲགས་པ། །​ཐམས་ཅད་རབ་ཏུ་དགའ་བ་རྒྱ་ཆེན་བྱེད། །​འཛམ་གླིང་འདི་ན་ཐ་དད་ཕྱོགས་རྣམས་སུ། །​ཀུན་ན་སྒྲ་སྐད་མཐའ་ཡས་གྱུར་མོད་ཀྱི། དེ་ཡི་སྐད་ཀྱི་རྣམ་པ་བསྒྲགས་གྱུར་ན། །​དེ་ཐོས་མི་རྣམས་ཐར་པ་རྗེས་སུ་འཐོབ། །​ས་བླའི་ལྷ་དང་དེ་བཞིན་བར་སྣང་ལྷ། །​དེ་དག་སྒྲ་སྐད་འཇུག་པ་ཅི་འདྲ་བ། །​དེ་ལྟར་དེ་ལ་དེ་ཡི་སྒྲ་ཡང་འཇུག །​རྣམ་པར་ངེས་བདེན་གཏམ་ཡང་དེ་འདྲའོ། །​ངང་པ་ཁྲུང་ཁྲུང་ཀ་ལ་པིང་ཀ་དང་། །​རྨ་བྱ་ནེ་ཙོ་ཁུ་བྱུག་ཤང་ཤང་ཏེའུ། །​རི་སྐེགས་དང་ནི་ངུར་པ་ཀུན་ལ་ཀུན། །​ཇི་ལྟའི་སྐད་ཀྱིས་དེ་ནི་ཚིམ་པར་བྱེད། །​སྟག་དང་སེང་གེ་དེ་བཞིན་དོམ་དང་སྤྲེའུ། །​གཟིག་དང་བྱི་ལ་རི་དགས་གླང་ཆེན་བསེ། །​རྟ་དང་ཁྱི་དང་ཕག་དང་འུག་པ་ཀུན། །​ཇི་ལྟའི་སྐད་ཀྱིས་དེས་ནི་ཚིམ་པར་བྱེད། །​གང་དག་རྐང་བཞི་པ་དང་རྐང་གཉིས་པ། །​རྐང་མངས་དང་ནི་དེ་བཞིན་རྐང་མེད་རྣམས། །​བསྐུལ་དང་ཆད་པས་བཅད་དང་ཕན་གདགས་ཕྱིར། །​ཀུན་ལ་དེ་ཡི་སྒྲ་སྐད་ཤེས་པ་འཇུག །​སེམས་ཅན་གང་དག་སྟོང་གསུམ་འཇིག་རྟེན་ན། །​རབ་བམ་འབྲིང་ངམ་འོན་ཏེ་ཐ་མའམ། །​དམྱལ་བ་དུད་འགྲོ་གཤིན་རྗེའི་འཇིག་རྟེན་དང་། །​ལྷ་མི་རྣམས་དང་དེ་ནི་སྐད་ཀྱང་འཐུན། །​ཇི་ལྟར་རིགས་པར་བྱེད་པ་སྟོན་ཀྱང་ནི། །​མི་སེམས་འདུ་ཤེས་མེད་ཅིང་རྟོག་པ་མེད། །​མཚན་མ་མེད་ཅིང་འཛིན་མེད་འཆིང་བ་མེད། །​མཉམ་པར་བཞག་པས་སེམས་ནི་འཁྲུལ་པ་མེད། །​དག་པའི་སེམས་ཅན་གལ་ཏེ་འདོད་ན་ཡང་། །​དེ་ལ་འབད་དང་སེམས་འཛིན་མེད་པར་ནི། །​བྱེ་བའི་ཞིང་དང་དེ་ཡི་གོང་དུ་ཡང་། །​གང་གཱའི་བྱེ་སྙེད་དབྱངས་ཀྱིས་གོ་བར་བྱེད། །​སྟོང་གསུམ་འཇིག་རྟེན་བདུད་གང་ཅི་ཡོད་པ། །​དེ་དག་དེ་ཡི་འཇིགས་ཆེན་སྒྲ་ཐོས་ནས། །​ཆུང་

eKangyur, UT4CZ5369-I1KG9165-0000, page 222 (111b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh47/UT22084-039-003-1876#UT22084-039-003-1876