དེ་བཞིན་གཤེགས་པའི་གསང་བ།

The Secrets of the Realized Ones
F.184.b

Tathāgataguhya
F.184.b, volume 39, Degé Kangyur

གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། དེའི་ཚེ་གསང་སྔགས་ཀྱི་ཚིག་འདི་དག་སྨྲས་སོ། །​ཏདྱ་ཐཱ། ཧུ་ལུ་ཧུ་ལུ། ཧུ་ལེ་དྷི་རེ། ཧ་རི་ཏི། ཨ་ཀུ་ཤ་ལ་ཀྵ་ཡེ། ཙ་ལེ། ཙ་ལ་བ་ཏི། སཱ་རེ། ཀྵུ་རེ་ཀྵཱན་ཏི་བ་ལེ། ཀྵེ་མེ། ཤཱན་ཏི་ཀ་རེ། ཀྵ་མེ། ཤ་མེ། ཧུ་ལུ། ཨི་ལི་ཁི། ཁི་རེ། ཁ་རེ། ཨ་བེ་ཤ་ནི། ས་ར་ཎེ། ཛ་ཡེ། ཛ་ཡ་བ་ཏི། སྠི་རེ། ཨཱ་བརྟེ། བི་བརྟེ། ཨཱ་བརྟ་ནི། མཻ་ཏྲེ། བྷུ་ཏ་ནཱན། སད་གྲ་ཧེ། ད་མེ། ད་མ་སམ་པན་ནེ། ཏཱ་ར་ཎེ། ཏཱ་ར་ཡ་སེ་སྭ་ཡན། སྭ་སྟི་དེ་བེ་བྷྱོ། ནཱ་གེ་བྷྱོ། ཡཀྵེ་བྷྱོ། གན་དྷརྦེ་བྷྱོ། རཱཀྵ་སེ་བྷྱོ། མ་ནུ་ཥེ་བྷྱོ། ཨ་མ་ནུ་ཥེ་བྷྱོ། སྭ་སྟིར་བྷ་བ་ཏུ་ས་དཱ་མུ་ཁ་མ། གསང་སྔགས་འདི་དག་རབ་བརྗོད་པས། །​རི་ཡི་རྒྱལ་པོ་རྣམས་ཀྱང་གཡོས། །​ས་ཡང་རབ་ཏུ་གཡོས་པར་གྱུར། །​ཆུ་ཡི་རྒྱལ་པོ་རྣམས་ཀྱང་འཁྲུགས། །གསང་སྔགས་འདི་དག་རབ་བརྗོད་པས། །​ཕས་ཀྱི་རྒོལ་རྣམས་ཚར་ཡང་གཅོད། །​ཆོས་སྨྲ་བ་ན་ཡང་དག་བསྡུས། །​ཆོས་ཀྱི་མཛོད་ནི་ཀུན་ཏུ་བསྲུངས། །​གསང་སྔགས་གཞི་འདི་ཐོས་ནས་ནི། །​ལྷ་ཚོགས་ཀུན་ཏུ་དགའ་གྱུར་ནས། །​དམ་ཆོས་རིང་དུ་གནས་འགྱུར་ཞེས། །​ཕན་ཚུན་དུ་ནི་སྨྲ་བར་བྱེད། །​སྟོང་གསུམ་པོ་ཡང་རབ་ཏུ་གཡོས། །​འཁོར་ཡང་རབ་ཏུ་འདར་གྱུར་ནས། །​མི་ཡི་དབང་པོའི་ཞབས་གཉིས་ལ། །​གཏུག་པ་བྱས་ཏེ་སྐྱབས་སུ་དོང་། །​དེ་དག་མི་འཇིགས་དེར་བྱིན་ནས། །​སྟོན་པས་འདི་སྐད་བཀའ་སྩལ་ཏེ། །​མདོ་འདི་བྱིན་གྱིས་བརླབས་པས་ན། །དམ་ཆོས་རིང་དུ་གནས་པར་འགྱུར། །​དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེའི་གནས་སུ་ཞག་བདུན་འདས་འདས་སུ་སེམས་ཅན་ཚད་མེད་པ་དག་གི་དོན་མཛད་ནས་ཞག་བདུན་འདས་ཏེ། ལྕང་ལོ་ཅན་གྱི་ཕོ་བྲང་འཁོར་དུ་སེམས་ཅན་གྱི་དོན་མཛད་པ་ཇི་སྙེད་པ། དེ་དག་ཐམས་ཅད་རྒྱས་པར་མཛད་ནས་གསང་བ་པའི་བདག་པོ་ལག་ན་རྡོ་རྗེའི་གནས་ནས་གཤེགས་ཏེ། ནམ་མཁའི་དཀྱིལ་གྱི་ལམ་དེ་ཉིད་ནས་བྱང་ཆུབ་སེམས་དཔའི་ཚོགས་ཀྱིས་ནི་བསྐོར། ཉན་ཐོས་ཀྱི་ཚོགས་ཀྱིས་ནི་མདུན་དུ་བདར། ལྷའི་ཚོགས་ཀྱིས་ནི་ཕྱག་བྱས། ལྷའི་བུ་མོའི་ཚོགས་

eKangyur, UT4CZ5369-I1KG9165-0000, page 368 (184b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh47/UT22084-039-003-2021#UT22084-039-003-2021