སྡོང་པོས་བརྒྱན་པ།

The Stem Array
F.296.b

Gaṇḍa­vyūha
F.296.b, volume 38, Degé Kangyur

སྤྱོད་པ། །​བདེ་གཤེགས་སྲས་པོ་དགོངས་ལྡན་དེ་དག་འདིར་འདོང་ངོ་། །​འདི་ན་གནས་པ་རྒྱལ་སྲས་རྣམ་པ་སྣ་ཚོགས་ཏེ། །​ཚིག་དང་དོན་ལྡན་གཙུག་ལག་མང་པོ་མངོན་པར་སྒྲུབ། །​འགྲོ་ལ་བདེར་འགྱུར་བཟོ་ཡི་གནས་སུ་བྱ་བ་དག །​རྗེས་སུ་སེམས་ཤིང་དམ་པའི་གནས་ན་རྣམ་པར་སྤྱོད། །​འདི་ན་གནས་པ་མངོན་ཤེས་ཐབས་དང་ཡེ་ཤེས་ཀྱིས། །​ཕྱོགས་བཅུའི་སེམས་ཅན་འགྲོ་རྒྱུད་སྣ་ཚོགས་ཇི་སྙེད་པ། །​ཀུན་ཏུ་སྐྱེ་ཞིང་འཆི་བའི་ཁྱད་པར་རྣམ་པར་སྟོན། །​རྣམ་ཐར་སྒྱུ་མའི་ཚུལ་གནས་ཆགས་མེད་སྤྱོད་དང་ལྡན། །འདི་ན་གནས་པ་ཐོག་མར་སེམས་བསྐྱེད་ཉེར་བཟུང་ཞིང་། །​ཆོས་བཟང་མཐར་ཐུག་ཆོས་ཀྱི་སྤྱོད་པ་ཡོངས་སུ་སྟོན། །​སྤྲུལ་པའི་སྤྲིན་གྱིས་ཆོས་དབྱིངས་ཡོངས་སུ་རྒྱས་བཀང་ཞིང་། །​དེ་བཞིན་རྣམ་འཕྲུལ་བརྒྱ་མང་ཀུན་ཀྱང་ཉེ་བར་སྟོན། །​གང་རྣམས་སེམས་ཀྱི་ཆ་གཅིག་བྱང་ཆུབ་རྣམ་སངས་རྒྱས། །​ཡེ་ཤེས་བློ་གྲོས་མཐའ་དང་དབུས་མེད་ལས་འཇུག་པ། །​ཐོས་ཏེ་རྣམ་པར་བསམས་ན་འཇིག་རྟེན་རྨོངས་སུ་རུང་། །​ཐུབ་པར་དཀའ་བ་དེ་དག་གནས་ནི་འདི་འདྲའོ། །​འདི་ནི་ཆགས་མེད་བློ་གྲོས་རྣམས། །​ཆོས་དབྱིངས་བསྒྲིབས་པ་མེད་པའི་རྣམ་པར་སྤྱོད་བྱེད་པ། །​དམྱིགས་པ་མེད་པའི་སྤྱོད་ཡུལ་ཅན། །​དྲི་མེད་བསམ་པའི་བློ་གྲོས་གནས་ཡིན་ནོ། གང་རྣམས་ཆགས་པ་མེད་སྤྱོད་ཅིང་། །​ཞིང་རྣམས་ཀུན་ཏུ་གནས་པ་མེད་པར་རྣམ་སྤྱོད་པ། །​མི་གཉིས་ཤེས་ལ་སྤྱོད་པ་ཡི། །​མཉམ་པ་མེད་པ་དེ་དག་གནས་འདི་ཡིན། །​གང་རྣམས་ནམ་མཁའི་རང་བཞིན་དང་། །​མཉམ་པའི་ཆོས་རྣམས་གནས་མེད་ཞི་བ་རྟོགས་གྱུར་ཏེ། །​གང་རྣམས་མཁའ་ཡུལ་རྣམ་སྤྱོད་པ། །​རྡུལ་དང་བྲལ་བ་དེ་དག་གནས་འདི་ཡིན། །​འདི་ན་སྙིང་རྗེའི་སེམས་ལྡན་པ། །​གནས་ཤིང་འགྲོ་བ་སྡུག་བསྔལ་གཟིར་བ་མཐོང་གྱུར་ནས། །​འཇིག་རྟེན་ཕན་པར་བསམ་བརྩོན་ཏེ། །​སྙིང་རྗེ་ཆེན་པོ་བརྙེས་པ་རྣམ་པར་སྤྱོད། །​འདི་ནས་མི་སྣང་མེད་གསལ་བར། །​སེམས་ཅན་ཀུན་གྱི་གནས་སུ་ཐོགས་པ་མེད་པར་སྣང་། །​ཉི་མ་ཟླ་བའི་དཀྱིལ་

eKangyur, UT4CZ5369-I1KG9164-0000, page 592 (296b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh44-45/UT22084-037-007-8445#UT22084-037-007-8445