The Stem Array
F.299.b
།ཁམས་གསུམ་ཐམས་ཅད་རྣམ་སྦྱོང་པས། །སྲིད་པའི་འཇིགས་པ་རྣམ་པར་གཅོད། །བྱང་ཆུབ་སེམས་དཔའ་བསྒྲུབ་པ་མཛད། །བྱང་ཆུབ་འབྱུང་གནས་དེ་བཞིན་ནོ། །ཁ་དོག་མཐའ་ཡས་སྟོན་མཛད་ཀྱང་། །ཁ་དོག་ཀུན་ལ་གནས་པ་མེད། །སེམས་ཅན་ཀུན་གྱིས་བསམ་ཡས་པའི། །ཁ་དོག་ཚད་མེད་ཡོངས་སུ་སྟོན། །སྐད་ཅིག་གཅིག་ལ་སངས་རྒྱས་ཀྱི། །བྱང་ཆུབ་བསམ་ཡས་སྦྱངས་པས་ན། །དེ་ཡི་ཡེ་ཤེས་མཐར་ཕྱིན་པར། །རྟག་པར་སུས་ཀྱང་མི་ནུས་སོ། །ཡེ་ཤེས་བསྟན་པ་ཟད་མྱི་ཤེས། །རང་བཞིན་རྣམ་པར་འགྱུར་བ་མེད། །དེ་ལ་དུས་གསུམ་རྒྱལ་བ་ཀུན། །སྐད་ཅིག་གཅིག་གིས་རབ་ཏུ་བརྗོད། །རྟག་པར་ལས་གཞན་ཡོངས་བཏང་སྟེ། །ཤེས་ལྡན་བྱང་ཆུབ་དོན་གཉེར་བས། །སེམས་ལ་སེམས་ཤེས་བྱ་བ་ཡང་། དེ་ལ་སེམས་སྐྱེ་མེད་པར་བསམ། །གང་གི་སངས་རྒྱས་བསྐྱེད་པ་ཡི། །སངས་རྒྱས་ཆོས་རྣམས་བསམ་མི་ཁྱབ། །དེ་དག་བརྗོད་པའི་ཡུལ་མ་ཡིན། །ཤིན་ཏུ་ཟབ་པས་ཚིག་ལམ་སྤངས། །དེ་ནས་བྱང་ཆུབ་སེམས་དཔའ་རྣམ་པར་སྣང་མཛད་ཀྱི་སྨོན་ལམ་དཔལ་གྱི་རྒྱལ་མཚན་གྱིས། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དྲན་པ་རྨོངས་མེད་དག་པ་རྣམས། །ཆོས་འཛིན་ཤིན་ཏུ་ངེས་རྟོགས་ཤིང་། །བློ་གྲོས་བསམ་གྱིས་མི་ཁྱབ་ལ། །བྱང་ཆུབ་རྒྱ་མཚོ་མྱི་ཟད་པ། །དེ་དག་ཡིད་ནི་འདི་ལ་དེས། །དེ་དག་སྤྱོད་པའི་སྤྱོད་ཡུལ་ཡིན། །དེ་དག་ཤེས་པ་འདིར་མྱི་གཡོ། །དེ་དག་འདི་ལ་ཐེ་ཙོམ་འཆད། །དེ་དག་སྐྱོ་བར་མྱི་འགྱུར་ཏེ། །དེ་དག་ཡིད་ཀྱང་ཞུམ་མི་འགྱུར། །སངས་རྒྱས་ཆོས་ལ་རབ་གཞོལ་བར། །དེ་དག་སེམས་ཀྱང་རབ་ཏུ་འབྱུང་། དེ་དག་དད་པ་རྟིང་ཚུགས་ཤིང་། །ཡང་དག་འཕགས་པ་རབ་ཏུ་བསྐྱེད། །དམིགས་མེད་གནས་པ་མེད་པ་ཡི། །ཡེ་ཤེས་འདི་ལ་དེ་དག་དགའ། །བསྐལ་པ་བྱེ་བར་བསྩགས་པ་ཡི། །ཡོངས་སུ་རྫོགས་པའི་དགེ་བའི་ཆོས། །ཡེ་ཤེས་འདི་འདོད་མཚུངས་པ་མེད།
།ཁམས་གསུམ་ཐམས་ཅད་རྣམ་སྦྱོང་པས། །སྲིད་པའི་འཇིགས་པ་རྣམ་པར་གཅོད། །བྱང་ཆུབ་སེམས་དཔའ་བསྒྲུབ་པ་མཛད། །བྱང་ཆུབ་འབྱུང་གནས་དེ་བཞིན་ནོ། །ཁ་དོག་མཐའ་ཡས་སྟོན་མཛད་ཀྱང་། །ཁ་དོག་ཀུན་ལ་གནས་པ་མེད། །སེམས་ཅན་ཀུན་གྱིས་བསམ་ཡས་པའི། །ཁ་དོག་ཚད་མེད་ཡོངས་སུ་སྟོན། །སྐད་ཅིག་གཅིག་ལ་སངས་རྒྱས་ཀྱི། །བྱང་ཆུབ་བསམ་ཡས་སྦྱངས་པས་ན། །དེ་ཡི་ཡེ་ཤེས་མཐར་ཕྱིན་པར། །རྟག་པར་སུས་ཀྱང་མི་ནུས་སོ། །ཡེ་ཤེས་བསྟན་པ་ཟད་མྱི་ཤེས། །རང་བཞིན་རྣམ་པར་འགྱུར་བ་མེད། །དེ་ལ་དུས་གསུམ་རྒྱལ་བ་ཀུན། །སྐད་ཅིག་གཅིག་གིས་རབ་ཏུ་བརྗོད། །རྟག་པར་ལས་གཞན་ཡོངས་བཏང་སྟེ། །ཤེས་ལྡན་བྱང་ཆུབ་དོན་གཉེར་བས། །སེམས་ལ་སེམས་ཤེས་བྱ་བ་ཡང་། དེ་ལ་སེམས་སྐྱེ་མེད་པར་བསམ། །གང་གི་སངས་རྒྱས་བསྐྱེད་པ་ཡི། །སངས་རྒྱས་ཆོས་རྣམས་བསམ་མི་ཁྱབ། །དེ་དག་བརྗོད་པའི་ཡུལ་མ་ཡིན། །ཤིན་ཏུ་ཟབ་པས་ཚིག་ལམ་སྤངས། །དེ་ནས་བྱང་ཆུབ་སེམས་དཔའ་རྣམ་པར་སྣང་མཛད་ཀྱི་སྨོན་ལམ་དཔལ་གྱི་རྒྱལ་མཚན་གྱིས། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དྲན་པ་རྨོངས་མེད་དག་པ་རྣམས། །ཆོས་འཛིན་ཤིན་ཏུ་ངེས་རྟོགས་ཤིང་། །བློ་གྲོས་བསམ་གྱིས་མི་ཁྱབ་ལ། །བྱང་ཆུབ་རྒྱ་མཚོ་མྱི་ཟད་པ། །དེ་དག་ཡིད་ནི་འདི་ལ་དེས། །དེ་དག་སྤྱོད་པའི་སྤྱོད་ཡུལ་ཡིན། །དེ་དག་ཤེས་པ་འདིར་མྱི་གཡོ། །དེ་དག་འདི་ལ་ཐེ་ཙོམ་འཆད། །དེ་དག་སྐྱོ་བར་མྱི་འགྱུར་ཏེ། །དེ་དག་ཡིད་ཀྱང་ཞུམ་མི་འགྱུར། །སངས་རྒྱས་ཆོས་ལ་རབ་གཞོལ་བར། །དེ་དག་སེམས་ཀྱང་རབ་ཏུ་འབྱུང་། དེ་དག་དད་པ་རྟིང་ཚུགས་ཤིང་། །ཡང་དག་འཕགས་པ་རབ་ཏུ་བསྐྱེད། །དམིགས་མེད་གནས་པ་མེད་པ་ཡི། །ཡེ་ཤེས་འདི་ལ་དེ་དག་དགའ། །བསྐལ་པ་བྱེ་བར་བསྩགས་པ་ཡི། །ཡོངས་སུ་རྫོགས་པའི་དགེ་བའི་ཆོས། །ཡེ་ཤེས་འདི་འདོད་མཚུངས་པ་མེད།
eKangyur, UT4CZ5369-I1KG9163-0000, page 598 (299b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh44-45/UT22084-037-007-7661#UT22084-037-007-7661