The Stem Array
F.125.b
རིན་པོ་ཆེ་སྣ་ཚོགས་ཀྱི་དྲིལ་བུའི་དྲ་བའི་སྤྲིན་གྱིས་ནམ་མཁའི་དབྱིངས་བརྒྱན་པར་བྱ་བ་དང་། སྤོས་སྣ་ཚོགས་རྒྱ་མཚོས་དྲི་ཞིམ་པར་བྱས་པའི་སྤོས་ཀྱི་འོད་ཟེར་གྱི་སྤྲིན་གྱི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པར་བྱ་བ་དང་། རིན་པོ་ཆེ་ཐམས་ཅད་ཀྱི་ཁྲི་ལ་རིན་པོ་ཆེའི་གདན་འབེལ་བར་བཏིང་བའི་སྤྲིན་གྱི་རྒྱན་ནམ་མཁའི་དབྱིངས་ལ་བྱིན་ཀྱིས་བརླབ་པ་དང་། རིན་པོ་ཆེ་ཐམས་ཅད་ཀྱི་རྒྱལ་མཚན་གྱི་སྤྲིན་མངོན་པར་བསྒྲེང་བའི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པ་དང་། ཁང་པ་དང་གཞལ་མེད་ཁང་ཐམས་ཅད་ཀྱི་སྤྲིན་གྱིས་ཀུན་ནས་ཡོག་པའི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པ་དང་། མེ་ཏོག་སྣ་ཚོགས་ཀྱི་སྤྲིན་གྱིས་ཀུན་ནས་ཡོག་པའི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པ་དང་། མཆོད་པའི་རྒྱན་ཐམས་ཅད་ཀྱི་སྤྲིན་གྱི་ཆར་རབ་ཏུ་འབབ་པའི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པ་བྱེད་ཅིང་། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་རིན་པོ་ཆེའི་འོད་ཀུན་ཏུ་འཕྲོ་བའི་དཔལ་ཡོན་ཏན་དཔལ་གྱི་རྒྱལ་པོ་གང་ན་བ་དེར་སོང་སྟེ། ཕྱིན་ནས་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་རིན་པོ་ཆེའི་འོད་ཀུན་ཏུ་འཕྲོ་བའི་དཔལ་ཡོན་ཏན་དཔལ་གྱི་རྒྱལ་པོའི་ཞབས་གཉིས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔར་སྟན་ནོར་བུ་རིན་པོ་ཆེ་ཆེན་པོའི་ཕྱོགས་ཀུན་ཏུ་རྣམ་པར་སྣང་བའི་པདྨོའི་སྙིང་པོ་ཅན་ལ་འདུག་གོ །དེ་ནས་འཁོར་ལོས་སྒྱུར་བའི་བུ་མོ་ཡེ་ཤེས་རིན་པོ་ཆེའི་འོད་ཀུན་ཏུ་འཕྲོ་བའི་པདྨོ་བཟང་མོ་མིག་ཡིད་དུ་འོང་བའི་དཔལ་གྱི་ཟླ་བས་རང་གི་རྒྱན་རྣམས་ལུས་ལས་བཀྲོལ་ཏེ། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་ཀྱི་འོད་ཀུན་དུ་འཕྲོ་བའི་དཔལ་ཡོན་ཏན་དཔལ་གྱི་རྒྱལ་པོ་ལ་གཏོར་ཏོ་མངོན་པར་གཏོར་ཏོ། །དེ་ནས་རྒྱན་དེ་དག་བཅོམ་ལྡན་འདས་དེའི་དབུའི་གཙུག་གི་སྟེང་གི་བར་སྣང་ལ་ནོར་བུ་རིན་པོ་ཆེའི་རྒྱན་གྱི་གདུགས་ཆེན་པོ་ནོར་བུ་རིན་པོ་ཆེ་སྣ་ཚོགས་ཀྱི་དྲ་བས་ཡོངས་སུ་བསྐོར་བ་ཀླུའི་དབང་པོའི་ལུས་ཀྱིས་གཟུང་བ་རྒྱན་ཐམས་ཅད་ཀྱི་ལུས་ཀྱིས་དབྱིབས་ཤིན་ཏུ་ལེགས་པར་ཀུན་ནས་བསྐོར་བ། རྒྱན་གྱི་གདུགས་ཀྱི་དཀྱིལ་འཁོར་བཅུས་ཡོངས་སུ་བསྐོར་བ། ཤིན་ཏུ་དག་པ་ཁང་པ་བརྩེགས་པའི་དབྱིབས་སྣ་ཚོགས་ཀྱིས་བརྒྱན་པ།
རིན་པོ་ཆེ་སྣ་ཚོགས་ཀྱི་དྲིལ་བུའི་དྲ་བའི་སྤྲིན་གྱིས་ནམ་མཁའི་དབྱིངས་བརྒྱན་པར་བྱ་བ་དང་། སྤོས་སྣ་ཚོགས་རྒྱ་མཚོས་དྲི་ཞིམ་པར་བྱས་པའི་སྤོས་ཀྱི་འོད་ཟེར་གྱི་སྤྲིན་གྱི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པར་བྱ་བ་དང་། རིན་པོ་ཆེ་ཐམས་ཅད་ཀྱི་ཁྲི་ལ་རིན་པོ་ཆེའི་གདན་འབེལ་བར་བཏིང་བའི་སྤྲིན་གྱི་རྒྱན་ནམ་མཁའི་དབྱིངས་ལ་བྱིན་ཀྱིས་བརླབ་པ་དང་། རིན་པོ་ཆེ་ཐམས་ཅད་ཀྱི་རྒྱལ་མཚན་གྱི་སྤྲིན་མངོན་པར་བསྒྲེང་བའི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པ་དང་། ཁང་པ་དང་གཞལ་མེད་ཁང་ཐམས་ཅད་ཀྱི་སྤྲིན་གྱིས་ཀུན་ནས་ཡོག་པའི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པ་དང་། མེ་ཏོག་སྣ་ཚོགས་ཀྱི་སྤྲིན་གྱིས་ཀུན་ནས་ཡོག་པའི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པ་དང་། མཆོད་པའི་རྒྱན་ཐམས་ཅད་ཀྱི་སྤྲིན་གྱི་ཆར་རབ་ཏུ་འབབ་པའི་རྒྱན་ནམ་མཁའི་དབྱིངས་ལ་བྱིན་གྱིས་བརླབ་པ་བྱེད་ཅིང་། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་རིན་པོ་ཆེའི་འོད་ཀུན་ཏུ་འཕྲོ་བའི་དཔལ་ཡོན་ཏན་དཔལ་གྱི་རྒྱལ་པོ་གང་ན་བ་དེར་སོང་སྟེ། ཕྱིན་ནས་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་རིན་པོ་ཆེའི་འོད་ཀུན་ཏུ་འཕྲོ་བའི་དཔལ་ཡོན་ཏན་དཔལ་གྱི་རྒྱལ་པོའི་ཞབས་གཉིས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔར་སྟན་ནོར་བུ་རིན་པོ་ཆེ་ཆེན་པོའི་ཕྱོགས་ཀུན་ཏུ་རྣམ་པར་སྣང་བའི་པདྨོའི་སྙིང་པོ་ཅན་ལ་འདུག་གོ །དེ་ནས་འཁོར་ལོས་སྒྱུར་བའི་བུ་མོ་ཡེ་ཤེས་རིན་པོ་ཆེའི་འོད་ཀུན་ཏུ་འཕྲོ་བའི་པདྨོ་བཟང་མོ་མིག་ཡིད་དུ་འོང་བའི་དཔལ་གྱི་ཟླ་བས་རང་གི་རྒྱན་རྣམས་ལུས་ལས་བཀྲོལ་ཏེ། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་ཀྱི་འོད་ཀུན་དུ་འཕྲོ་བའི་དཔལ་ཡོན་ཏན་དཔལ་གྱི་རྒྱལ་པོ་ལ་གཏོར་ཏོ་མངོན་པར་གཏོར་ཏོ། །དེ་ནས་རྒྱན་དེ་དག་བཅོམ་ལྡན་འདས་དེའི་དབུའི་གཙུག་གི་སྟེང་གི་བར་སྣང་ལ་ནོར་བུ་རིན་པོ་ཆེའི་རྒྱན་གྱི་གདུགས་ཆེན་པོ་ནོར་བུ་རིན་པོ་ཆེ་སྣ་ཚོགས་ཀྱི་དྲ་བས་ཡོངས་སུ་བསྐོར་བ་ཀླུའི་དབང་པོའི་ལུས་ཀྱིས་གཟུང་བ་རྒྱན་ཐམས་ཅད་ཀྱི་ལུས་ཀྱིས་དབྱིབས་ཤིན་ཏུ་ལེགས་པར་ཀུན་ནས་བསྐོར་བ། རྒྱན་གྱི་གདུགས་ཀྱི་དཀྱིལ་འཁོར་བཅུས་ཡོངས་སུ་བསྐོར་བ། ཤིན་ཏུ་དག་པ་ཁང་པ་བརྩེགས་པའི་དབྱིབས་སྣ་ཚོགས་ཀྱིས་བརྒྱན་པ།
eKangyur, UT4CZ5369-I1KG9164-0000, page 250 (125b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh44-45/UT22084-037-007-8103#UT22084-037-007-8103