སྡོང་པོས་བརྒྱན་པ།

The Stem Array
F.325.b

Gaṇḍa­vyūha
F.325.b, volume 37, Degé Kangyur

དང་། བྱང་ཆུབ་སེམས་དཔས་འཁོར་བ་དང་། མྱ་ངན་ལས་འདས་པའི་སྒོ་ཡོངས་སུ་བསྟན་པ་དང་། བྱང་ཆུབ་སེམས་དཔའ་རྣམས་ཀྱི་འདུས་བྱས་དང་། འདུས་མ་བྱས་ཀྱི་སྐྱོན་དང་། འཇིགས་པས་མི་གོས་པའི་རྒྱུད་ཡོངས་སུ་བཙལ་བ་འདི་ནི་དཀའོ། །ཤིན་ཏུ་དཀའོ། །​རིགས་ཀྱི་བུ་ཁོ་བོ་ནི་མོས་པའི་སྟོབས་ཀྱི་དབང་གིས་མིག་གི་བློ་གྲོས་དང་། དད་པའི་མིག་རྣམ་པར་དག་པས་ཀུན་ཏུ་མངོན་པར་ལྟ་བའི་ཡེ་ཤེས་ཀྱི་འོད་སྣང་བ། ཕྱིན་ཕྱོགས་མེད་པ་དང་། ཡུལ་ཀུན་ལ་ཐོགས་པ་མེད་ཅིང་སྒྲིབ་པ་ཐམས་ཅད་དང་བྲལ་བའི་ལྷག་མཐོང་ལ་མཁས་པ་དང་། མིག་གི་ཡུལ་ཀུན་ནས་ཡོངས་སུ་དག་པའི་ལུས་རྣམ་པར་དག་པ་དང་། ཕྱོགས་ཀྱི་རྒྱུད་འབྱམ་ཀླས་པ་ཐམས་ཅད་དུ་མངོན་པར་འདུད་པའི་ལུས་ཀྱིས་འདུད་པ་ལ་མཁས་པ་དང་། སངས་རྒྱས་ཐམས་ཅད་ཀྱི་ཆོས་ཀྱི་སྤྲིན་ཡོངས་སུ་འཛིན་པའི་གཟུངས་ཀྱི་སྟོབས་ཀྱིས་ཕྱོགས་ཀྱི་རྒྱུད་ཐམས་ཅད་ནས་མངོན་དུ་གཟིགས་པའི་དེ་བཞིན་གཤེགས་པ་རྣམས་མཐོང་སྟེ། འདི་ལྟར་ཤར་ཕྱོགས་ཀྱི་དེ་བཞིན་གཤེགས་པ་གཅིག་ཀྱང་མཐོང་ངོ་། །​སངས་རྒྱས་གཉིས་དང་བཅུ་དང་། སངས་རྒྱས་བརྒྱ་དང་། སངས་རྒྱས་སྟོང་དང་། སངས་རྒྱས་བརྒྱ་ཕྲག་སྟོང་དང་། སངས་རྒྱས་བྱེ་བ་དང་། སངས་རྒྱས་བྱེ་བ་བརྒྱ་དང་། སངས་རྒྱས་བྱེ་བ་སྟོང་དང་། སངས་རྒྱས་བྱེ་བ་བརྒྱ་ཕྲག་སྟོང་དང་། སངས་རྒྱས་བྱེ་བ་ཁྲག་ཁྲིག་བརྒྱ་ཕྲག་སྟོང་ནས་དེ་བཞིན་གཤེགས་པ་ཚད་མེད་པ། དཔག་ཏུ་མེད་པ། གྲངས་མེད་པ། བསམ་གྱིས་མི་ཁྱབ་པ་མཚུངས་པ་མེད་པ། ཀུན་ཏུ་མཐའ་ཡས་པས་མཚམས་མེད་པ། གཞལ་དུ་མེད་པ། བརྗོད་དུ་མེད་པའི་ཡང་བརྗོད་དུ་མེད་པ་དག་ཀྱང་མཐོང་ངོ་། །​དེ་བཞིན་གཤེགས་པ་འཛམ་བུའི་གླིང་གི་རྡུལ་ཤིན་ཏུ་ཕྲ་བ་སྙེད་ཀྱང་མཐོང་ངོ་། །​དེ་བཞིན་གཤེགས་པ་གླིང་བཞི་པའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་བསྙེད་དང་། སྟོང་དང་། སྟོང་གཉིས་པ་དང་། སྟོང་གསུམ་གྱི་སྟོང་ཆེན་པོའི་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱང་མཐོང་ངོ་། དེ་བཞིན་གཤེགས་

eKangyur, UT4CZ5369-I1KG9163-0000, page 650 (325b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh44-45/UT22084-037-007-7713#UT22084-037-007-7713