The Tantra of Caṇḍamahāroṣaṇa
F.333.b
དཱུར་བའི་རྩ་བ་འཁར་བའི་ནང་དུ་མཉེས་ནས་མིག་སྨན་བྱས་ན་ཟུག་རྔུ་སེལ་བར་བྱེད་དོ། །བུ་རམ་དང་། མར་ཟ་བར་བྱེད་ན། རླུང་དང་། མཁྲིས་པ་དང་། བད་ཀན་དང་། མཛེ་ལ་སོགས་པ་རྣམ་པར་སེལ་བར་བྱེད་དོ། །འབྲས་བུ་གསུམ་གྱི་ཕྱེ་མ། མར་དང་། སྦྲང་དང་བཟའ་བར་བྱས་ན་ནད་ཐམས་ཅད་སེལ་བར་བྱེད་དོ། །ཨ་རུ་རའི་ཕྱེ་མ་དང་། མར་དང་། སྦྲང་དང་། ཕྱི་དྲོའི་དུས་སུ་ལྡགས་ན། རླུང་དང་། བད་ཀན་སེལ་བར་བྱེད་དོ། །བཱ་ཤ་ཀའི་ཡན་ལག་ལྔ་དང་། ཆུ་དག་དང་། ཚངས་མ་དང་། པི་པི་ལིང་རྣམས་སྐམས་ནས་ཕྱེ་མར་བྱས་ཏེ། རྒྱམ་ཚ་དང་། སྦྲང་དང་། རིལ་བུ་བྱས་ཏེ། དེ་ནས་དགོངས་མོ་ཟོས་ན་བད་ཀན་རྣམས་སེལ་ཞིང་ཤིན་ཏུ་དབྱངས་སྙན་པར་བྱེད་དོ། །ཚངས་མ་དང་། ཆུ་དག་དང་། བཅའ་སྒ་དང་། པི་པི་ལིང་དང་། ཨ་རུ་ར་དང་། བ་ཤ་ཀ་དང་། སེང་ལྡེང་རྣམས་སྦྲང་ལ་རིལ་བུ་བྱས་ནས་བཟའ་བར་བྱས་ན་དེ་ལྟ་བུའི་འབྲས་བུ་ཉིད་དོ། །ལ་ཕུག་དང་། བཅའ་སྒ་དང་། ཨ་རུ་ར་དང་། རྒྱམ་ཚ་དང་ཆ་མཉམ་པོར་བཟའ་བར་བྱས་ན། མ་ཞུ་བ་ཐམས་ཅད་སེལ་བར་བྱེད་དོ། །སླེ་ཏྲེས་ཀྱི་ཁུ་བ་དང་། སྦྲང་འཐུང་བར་བྱས་ན་ཆུ་ནད་ཐམས་ཅད་སེལ་བར་བྱེད་དོ། །འོ་མ་དང་། པི་པི་ལིང་གི་ཕྱེ་མ་མར་དང་། སྦྲང་དང་འཐུང་བར་བྱས་ན། ཚ་བ་དང་། སྙིང་ནད་དང་། གློ་ལ་སོགས་པ་སེལ་བར་བྱེད་དོ། །ལཛྫ་ལུ་དང་། ཤ་ར་པུང་ཀའི་རྩ་བ་འབྲས་ཁུ་གྲང་མོས་བཏགས་ནས་བྱུག་པར་བྱའོ། །སླེ་ཏྲེས་ཀྱི་རྩ་བ་བཟའ་བར་བྱས་ན། རྩ་ནང་གི་རྨ་འཚོ་བར་བྱེད་དོ། །བཅའ་སྒ་དང་། ཡ་བཀྵ་ར་བཟའ་བར་བྱས་ན་ལྟོགས་པ་སེལ་བར་བྱེད་དོ། །ཛ་ཡན་ཏའི་ས་བོན་དང་། ཕོ་བ་རིས་ཉི་མ་གསུམ་འཐུང་བར་བྱས་ན་སྡིག་པའི་ནད་འབྲུམ་ནག་སེལ་བར་བྱེད་དོ། །འབྲས་བུ་གསུམ་དང་། རམས་དང་། ས་ནག་པོ་དང་། བྷྲྀཾ་ག་རཱ་ཛའི་ཁུ་བ་དང་། ཨ་མྲའི་ས་བོན་དང་། ལྕགས་ཀྱི་ཕྱེ་མ་རང་སྐྱུར་དང་བསྙལ་ནས་བསིང་བར་བྱའོ། །དེ་ནས་གུ་གུལ་གྱིས་སྐྲ་ལ་བདུགས་ནས་དེ་ཡིས་མཉེ་བར་བྱའོ། །དེ་ནས་ཞག་བདུན་བཅིངས་ནས་གཞག་པར་བྱའོ། །སྐྲ་ཁ་བསྒྱུར་བའོ། །རྨ་བྱའི་མཁྲིས་པ་དང་། བྷྲྀཾ་ག་རཱ་ཛའི་ཁུ་བ་དག་པའི་མར་ལ་བཙོས་ནས་སྣར་བླུགས་ན་ཞག་བདུན་གྱིས་སྐྲའི་མདོག་ནག་པོར་འགྱུར་རོ།
དཱུར་བའི་རྩ་བ་འཁར་བའི་ནང་དུ་མཉེས་ནས་མིག་སྨན་བྱས་ན་ཟུག་རྔུ་སེལ་བར་བྱེད་དོ། །བུ་རམ་དང་། མར་ཟ་བར་བྱེད་ན། རླུང་དང་། མཁྲིས་པ་དང་། བད་ཀན་དང་། མཛེ་ལ་སོགས་པ་རྣམ་པར་སེལ་བར་བྱེད་དོ། །འབྲས་བུ་གསུམ་གྱི་ཕྱེ་མ། མར་དང་། སྦྲང་དང་བཟའ་བར་བྱས་ན་ནད་ཐམས་ཅད་སེལ་བར་བྱེད་དོ། །ཨ་རུ་རའི་ཕྱེ་མ་དང་། མར་དང་། སྦྲང་དང་། ཕྱི་དྲོའི་དུས་སུ་ལྡགས་ན། རླུང་དང་། བད་ཀན་སེལ་བར་བྱེད་དོ། །བཱ་ཤ་ཀའི་ཡན་ལག་ལྔ་དང་། ཆུ་དག་དང་། ཚངས་མ་དང་། པི་པི་ལིང་རྣམས་སྐམས་ནས་ཕྱེ་མར་བྱས་ཏེ། རྒྱམ་ཚ་དང་། སྦྲང་དང་། རིལ་བུ་བྱས་ཏེ། དེ་ནས་དགོངས་མོ་ཟོས་ན་བད་ཀན་རྣམས་སེལ་ཞིང་ཤིན་ཏུ་དབྱངས་སྙན་པར་བྱེད་དོ། །ཚངས་མ་དང་། ཆུ་དག་དང་། བཅའ་སྒ་དང་། པི་པི་ལིང་དང་། ཨ་རུ་ར་དང་། བ་ཤ་ཀ་དང་། སེང་ལྡེང་རྣམས་སྦྲང་ལ་རིལ་བུ་བྱས་ནས་བཟའ་བར་བྱས་ན་དེ་ལྟ་བུའི་འབྲས་བུ་ཉིད་དོ། །ལ་ཕུག་དང་། བཅའ་སྒ་དང་། ཨ་རུ་ར་དང་། རྒྱམ་ཚ་དང་ཆ་མཉམ་པོར་བཟའ་བར་བྱས་ན། མ་ཞུ་བ་ཐམས་ཅད་སེལ་བར་བྱེད་དོ། །སླེ་ཏྲེས་ཀྱི་ཁུ་བ་དང་། སྦྲང་འཐུང་བར་བྱས་ན་ཆུ་ནད་ཐམས་ཅད་སེལ་བར་བྱེད་དོ། །འོ་མ་དང་། པི་པི་ལིང་གི་ཕྱེ་མ་མར་དང་། སྦྲང་དང་འཐུང་བར་བྱས་ན། ཚ་བ་དང་། སྙིང་ནད་དང་། གློ་ལ་སོགས་པ་སེལ་བར་བྱེད་དོ། །ལཛྫ་ལུ་དང་། ཤ་ར་པུང་ཀའི་རྩ་བ་འབྲས་ཁུ་གྲང་མོས་བཏགས་ནས་བྱུག་པར་བྱའོ། །སླེ་ཏྲེས་ཀྱི་རྩ་བ་བཟའ་བར་བྱས་ན། རྩ་ནང་གི་རྨ་འཚོ་བར་བྱེད་དོ། །བཅའ་སྒ་དང་། ཡ་བཀྵ་ར་བཟའ་བར་བྱས་ན་ལྟོགས་པ་སེལ་བར་བྱེད་དོ། །ཛ་ཡན་ཏའི་ས་བོན་དང་། ཕོ་བ་རིས་ཉི་མ་གསུམ་འཐུང་བར་བྱས་ན་སྡིག་པའི་ནད་འབྲུམ་ནག་སེལ་བར་བྱེད་དོ། །འབྲས་བུ་གསུམ་དང་། རམས་དང་། ས་ནག་པོ་དང་། བྷྲྀཾ་ག་རཱ་ཛའི་ཁུ་བ་དང་། ཨ་མྲའི་ས་བོན་དང་། ལྕགས་ཀྱི་ཕྱེ་མ་རང་སྐྱུར་དང་བསྙལ་ནས་བསིང་བར་བྱའོ། །དེ་ནས་གུ་གུལ་གྱིས་སྐྲ་ལ་བདུགས་ནས་དེ་ཡིས་མཉེ་བར་བྱའོ། །དེ་ནས་ཞག་བདུན་བཅིངས་ནས་གཞག་པར་བྱའོ། །སྐྲ་ཁ་བསྒྱུར་བའོ། །རྨ་བྱའི་མཁྲིས་པ་དང་། བྷྲྀཾ་ག་རཱ་ཛའི་ཁུ་བ་དག་པའི་མར་ལ་བཙོས་ནས་སྣར་བླུགས་ན་ཞག་བདུན་གྱིས་སྐྲའི་མདོག་ནག་པོར་འགྱུར་རོ།
eKangyur, UT4CZ5369-I1KG9206-0000, page 666 (333b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh431/UT22084-080-015-2637#UT22084-080-015-2637