The Tantra of Caṇḍamahāroṣaṇa
F.330.b
།ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། རྟེན་ཅིང་འབྲེལ་བར་འབྱུང་བ་རིམ་པར་ཕྱེ་བ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་མས་གསོལ་པ། མགོན་པོ་འདིར་ནི་ཁུ་ཁྲག་སྦྱོར། །ལིང་ག་བྷ་ག་ནུ་མ་རྣམས། །རབ་ཏུ་འཕེལ་བར་བྱེད་ནུས་དང་། །ནད་དང་རྒས་པ་འཇོམས་པ་དང་། །བུད་མེད་ཡིད་ནི་དབང་གྱུར་དང་། །མོ་ཤམ་ཉིད་དུ་བྱ་བ་དང་། །ཁུ་བ་བཅིང་དང་ཁྲག་འབབ་པའི། །སྦྱོར་བ་ཡང་ནི་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལེགས་སོ་ལེགས་པར་བྱས། །ཁྱོད་ཀྱིས་ང་ལ་གསོལ་བཏབ་གང་། །རྣམ་པ་སྣ་ཚོགས་བདེ་བཤད་བྱ། །འཇིག་རྟེན་དངོས་གྲུབ་དོན་ཕྱིར་ཉོན། །དང་པོར་ལུས་ནི་སྦྱང་བྱས་ནས། །ཕྱི་ནས་ལས་ནི་ཡང་དག་བརྩམ། །དཔེར་ན་གོས་ནི་དཀར་བྱས་ལ། །ཚོན་གྱིས་ཁ་དོག་མཆོག་འབར་ལྟར། །འབྲས་བུ་གསུམ་གྱི་ཐང་བཟུང་ནས། །ཡ་བཀྵ་ར་པ་ལཱ་ས་ཀྵྃ། །བཟའ་བྱ་བུ་རམ་དང་བཅས་བཏུང་། །སྲིན་བུ་མ་ཞུ་རབ་སྦྱངས་ནས། །ཀེ་ཏ་ཀྱ་ཁུ་མར་ཁུ་དང་། །ཧི་ལ་མོ་ཙི་སེནྡྷ་བ། །བཏུང་བྱ་བྱུགས་ནས་ཉི་མས་བདུག །ཤིག་དང་སྲིན་བྲལ་ལུས་སུ་འགྱུར། །ཀེ་ཏ་ཀྱ་ཁུ་ཏཱི་ལ་མར་དང་། །ལན་ཚྭ་དང་བཅས་བཏུང་བྱས་ནས། །ཉི་མ་ལ་འཆག་སྦྱོར་བ་ཡིས། །ཡན་ཚྭ་རྣམས་ནི་ཉམས་པར་འགྱུར། །ཧི་ལ་མོ་ཙིའི་ཁུ་ཅུང་ཟད། །སེནྡྷ་བ་དང་ཡང་དག་ལྡན། །གྲིབ་མ་ལ་ནི་གནས་བཅས་ནས། །མཁྲིས་པ་རྣམས་ནི་སེལ་བར་བྱེད། །ཀེ་ཏ་ཀྱ་ཁུ་ཏི་ལ་དང་། །ཀུ་ཅ་མཱ་ལ་བའི་འོ་མ། །བཏུང་བའི་སྦྱོར་བ་འདི་ཉིད་ནི། །ཚིལ་ནི་སྦྱོར་བར་ཐེ་ཚོམ་མེད། །ཕ་ཐ་སེ་མྱུག་ཁུ་བ་དང་། །ལན་ཚྭར་བཅས་པ་བཏུང་བྱས་ན། །སྲིན་བུ་ཕྲ་མོ་འཇོམས་པར་བྱེད། །འུ་སུས་བད་ཀན་སྦྲང་སྣས་འཐུང་། །རེ་རེའང་ཉི་མ་གཉིས་སུ་བྱ། །ཉེས་པ་སྦྱངས་ནས་ཕྱི་ནས་བརྩམ། །དེ་ཡིས་དེ་ཉིད་འབྲས་བུ་སྟེར། །དགའ་མ་གཞན་དུ་དེ་འབྲས་མེད། །མོན་ཙ་ར་ཤུན་ཕྱེ་མ་ཡི། །ཐུག་པ་ཚ་མོ་བཏུང་བར་བྱ། །ལན་བདུན་དུ་ནི་སྔགས་བྱས་ནས། །སྔ་མོའམ་ནི་ཟས་དུས་སུ། །ཉིན་རེ་ཇི་བཞིན་ཇི་སྲིད་འཚོར།
།ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། རྟེན་ཅིང་འབྲེལ་བར་འབྱུང་བ་རིམ་པར་ཕྱེ་བ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་མས་གསོལ་པ། མགོན་པོ་འདིར་ནི་ཁུ་ཁྲག་སྦྱོར། །ལིང་ག་བྷ་ག་ནུ་མ་རྣམས། །རབ་ཏུ་འཕེལ་བར་བྱེད་ནུས་དང་། །ནད་དང་རྒས་པ་འཇོམས་པ་དང་། །བུད་མེད་ཡིད་ནི་དབང་གྱུར་དང་། །མོ་ཤམ་ཉིད་དུ་བྱ་བ་དང་། །ཁུ་བ་བཅིང་དང་ཁྲག་འབབ་པའི། །སྦྱོར་བ་ཡང་ནི་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལེགས་སོ་ལེགས་པར་བྱས། །ཁྱོད་ཀྱིས་ང་ལ་གསོལ་བཏབ་གང་། །རྣམ་པ་སྣ་ཚོགས་བདེ་བཤད་བྱ། །འཇིག་རྟེན་དངོས་གྲུབ་དོན་ཕྱིར་ཉོན། །དང་པོར་ལུས་ནི་སྦྱང་བྱས་ནས། །ཕྱི་ནས་ལས་ནི་ཡང་དག་བརྩམ། །དཔེར་ན་གོས་ནི་དཀར་བྱས་ལ། །ཚོན་གྱིས་ཁ་དོག་མཆོག་འབར་ལྟར། །འབྲས་བུ་གསུམ་གྱི་ཐང་བཟུང་ནས། །ཡ་བཀྵ་ར་པ་ལཱ་ས་ཀྵྃ། །བཟའ་བྱ་བུ་རམ་དང་བཅས་བཏུང་། །སྲིན་བུ་མ་ཞུ་རབ་སྦྱངས་ནས། །ཀེ་ཏ་ཀྱ་ཁུ་མར་ཁུ་དང་། །ཧི་ལ་མོ་ཙི་སེནྡྷ་བ། །བཏུང་བྱ་བྱུགས་ནས་ཉི་མས་བདུག །ཤིག་དང་སྲིན་བྲལ་ལུས་སུ་འགྱུར། །ཀེ་ཏ་ཀྱ་ཁུ་ཏཱི་ལ་མར་དང་། །ལན་ཚྭ་དང་བཅས་བཏུང་བྱས་ནས། །ཉི་མ་ལ་འཆག་སྦྱོར་བ་ཡིས། །ཡན་ཚྭ་རྣམས་ནི་ཉམས་པར་འགྱུར། །ཧི་ལ་མོ་ཙིའི་ཁུ་ཅུང་ཟད། །སེནྡྷ་བ་དང་ཡང་དག་ལྡན། །གྲིབ་མ་ལ་ནི་གནས་བཅས་ནས། །མཁྲིས་པ་རྣམས་ནི་སེལ་བར་བྱེད། །ཀེ་ཏ་ཀྱ་ཁུ་ཏི་ལ་དང་། །ཀུ་ཅ་མཱ་ལ་བའི་འོ་མ། །བཏུང་བའི་སྦྱོར་བ་འདི་ཉིད་ནི། །ཚིལ་ནི་སྦྱོར་བར་ཐེ་ཚོམ་མེད། །ཕ་ཐ་སེ་མྱུག་ཁུ་བ་དང་། །ལན་ཚྭར་བཅས་པ་བཏུང་བྱས་ན། །སྲིན་བུ་ཕྲ་མོ་འཇོམས་པར་བྱེད། །འུ་སུས་བད་ཀན་སྦྲང་སྣས་འཐུང་། །རེ་རེའང་ཉི་མ་གཉིས་སུ་བྱ། །ཉེས་པ་སྦྱངས་ནས་ཕྱི་ནས་བརྩམ། །དེ་ཡིས་དེ་ཉིད་འབྲས་བུ་སྟེར། །དགའ་མ་གཞན་དུ་དེ་འབྲས་མེད། །མོན་ཙ་ར་ཤུན་ཕྱེ་མ་ཡི། །ཐུག་པ་ཚ་མོ་བཏུང་བར་བྱ། །ལན་བདུན་དུ་ནི་སྔགས་བྱས་ནས། །སྔ་མོའམ་ནི་ཟས་དུས་སུ། །ཉིན་རེ་ཇི་བཞིན་ཇི་སྲིད་འཚོར།
eKangyur, UT4CZ5369-I1KG9206-0000, page 660 (330b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh431/UT22084-080-015-2631#UT22084-080-015-2631