The Tantra of Caṇḍamahāroṣaṇa
F.324.b
།ཞེས་པ་ནི་ལྷ་མོའི་སྔགས་ཀྱི་ཆོ་གའོ། །གཏོར་མའི་སྔགས་ཀྱིས་གཏོར་མ་དབུལ་བར་བྱའོ། །ནད་དང་བགེགས་ལ་སོགས་པའི་བར་དུ་གཅོད་པ་ཐམས་ཅད་ཞི་བར་འགྱུར་རོ། །གཏོར་མ་ཕུལ་ནས་བྱ་བ་གང་ལ་ཞུགས་ན། དེ་འགྲུབ་པར་འགྱུར་རོ། །མེ་ཏོག་དཀར་པོའི་ཁམ་ཕོར་དང་། འོ་མའི་ཁམ་ཕོར་དང་། དྲི་བཟངས་ཀྱི་ཆུའི་ཁམ་ཕོར་དང་། ཞོ་ཟན་གྱི་ཁམ་ཕོར་ཏེ། ཁམ་ཕོར་བཞི་པོ་འདི་རྣམས་ཤིང་ཐོག་དང་ཉེ་བའི་ཤིང་ཐོག་གིས་རབ་ཏུ་ཞི་བའི་མཚན་མོ། །ཨོྃ་ཙཎྜ་མ་ཧཱ་རོ་ཥ་ཎ་ཨི་མྃ་བ་ལིཾ་གྲྀཧྞ་གྲྀཧྞ་བདག་གི་བྱ་བ་ཆེ་གེ་མོ་སྒྲུབས་ཤིག་ཧཱུྃ་ཕཊ། ཅེས་པ་བརྒྱ་རྩ་བརྒྱད་བསྔགས་ནས་དབེན་པའི་ཕྱོགས་སུ་བསྒྲུབས་པས་དེའི་མངོན་པར་འདོད་པ་འགྲུབ་བོ།། །།དེ་ནས་བཅོམ་ལྡན་འདས་ཀྱི་རྩ་བའི་སྔགས་བརྒྱ་རྩ་བརྒྱད་བརྒྱད་བཟླས་ནས། ཚ་བའི་མར་ནག་གིས་སྦྲུམ་མའི་བྷ་གའི་ནང་དུ་མཉེ་བར་བྱའོ། །འཐུངས་ན་ཡང་རབ་ཏུ་བདེ་བ་སྐྱེ་བར་འགྱུར་རོ། །དེ་བཞིན་དུ་འདིས་རྨ་ལ་བྱུགས་ན་ཡང་བདེ་བར་འགྱུར་རོ། །ཟོས་པས་ཀྱང་ཐམས་ཅད་དུའོ། །དང་པོར་ཕྲེང་བའི་སྔགས་ཀྱིས་གྲོ་ག་ལ་ཆུ་སྐྱེས་འདབ་མ་བཅུ་དྲུག་པའི་དབུས་སུ་བྲི་བར་བྱའོ། །སྲད་བུ་སྔོན་པོས་དཀྲིས་ནས་ལུས་ལ་བཅིངས་ན་ཐམས་ཅད་དུ་བསྲུང་བར་འགྱུར་རོ། །གི་ཝང་ངམ་རྒྱ་སྐྱེགས་ཀྱིས་བྲི་བར་བྱའོ། །འདི་ནི་གཉིས་པའོ། །དེ་བཞིན་དུ་རྒྱུད་གཞན་དུ་གསུངས་པའི་ཆོ་ག་ཡང་འདི་ཉིད་ཀྱི་སྦྱོར་བས་སྦྱར་བར་བྱའོ། །རྣལ་འབྱོར་པས་བསྒོམས་པའི་མཐུ་ཡིས་དེ་བཞིན་དུ་ཐམས་ཅད་འགྲུབ་པར་འགྱུར་རོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། སྔགས་ཀྱི་ཆོ་ག་རིམ་པར་ཕྱེ་བ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་མས་གསོལ་པ། རྣལ་འབྱོར་སྡོམ་པས་གང་གིས་གཞག །སྤྱོད་པའི་ཚུལ་ཡང་ཅི་འདྲ་ཞིག །གང་གིས་དངོས་གྲུབ་ལེགས་པར་འཐོབ། །བྱ་བ་ཁྱབ་བདག་གསུང་བར་མཛོད། །བཅོམ་ལྡན་འདས་ཀྱིས་བཀའ་སྩལ་པ། །སངས་རྒྱས་བསྟན་པ་སུན་འབྱིན་པའི། །ངེས་པར་གདུག་ཅན་གསད་པར་བྱ། །དེ་རྣམས་ཉིད་ཀྱི་ནོར་བླངས་ནས། །སེམས་ཅན་རྣམས་ལ་ཕན་ཕྱིར་སྤྱད།
།ཞེས་པ་ནི་ལྷ་མོའི་སྔགས་ཀྱི་ཆོ་གའོ། །གཏོར་མའི་སྔགས་ཀྱིས་གཏོར་མ་དབུལ་བར་བྱའོ། །ནད་དང་བགེགས་ལ་སོགས་པའི་བར་དུ་གཅོད་པ་ཐམས་ཅད་ཞི་བར་འགྱུར་རོ། །གཏོར་མ་ཕུལ་ནས་བྱ་བ་གང་ལ་ཞུགས་ན། དེ་འགྲུབ་པར་འགྱུར་རོ། །མེ་ཏོག་དཀར་པོའི་ཁམ་ཕོར་དང་། འོ་མའི་ཁམ་ཕོར་དང་། དྲི་བཟངས་ཀྱི་ཆུའི་ཁམ་ཕོར་དང་། ཞོ་ཟན་གྱི་ཁམ་ཕོར་ཏེ། ཁམ་ཕོར་བཞི་པོ་འདི་རྣམས་ཤིང་ཐོག་དང་ཉེ་བའི་ཤིང་ཐོག་གིས་རབ་ཏུ་ཞི་བའི་མཚན་མོ། །ཨོྃ་ཙཎྜ་མ་ཧཱ་རོ་ཥ་ཎ་ཨི་མྃ་བ་ལིཾ་གྲྀཧྞ་གྲྀཧྞ་བདག་གི་བྱ་བ་ཆེ་གེ་མོ་སྒྲུབས་ཤིག་ཧཱུྃ་ཕཊ། ཅེས་པ་བརྒྱ་རྩ་བརྒྱད་བསྔགས་ནས་དབེན་པའི་ཕྱོགས་སུ་བསྒྲུབས་པས་དེའི་མངོན་པར་འདོད་པ་འགྲུབ་བོ།། །།དེ་ནས་བཅོམ་ལྡན་འདས་ཀྱི་རྩ་བའི་སྔགས་བརྒྱ་རྩ་བརྒྱད་བརྒྱད་བཟླས་ནས། ཚ་བའི་མར་ནག་གིས་སྦྲུམ་མའི་བྷ་གའི་ནང་དུ་མཉེ་བར་བྱའོ། །འཐུངས་ན་ཡང་རབ་ཏུ་བདེ་བ་སྐྱེ་བར་འགྱུར་རོ། །དེ་བཞིན་དུ་འདིས་རྨ་ལ་བྱུགས་ན་ཡང་བདེ་བར་འགྱུར་རོ། །ཟོས་པས་ཀྱང་ཐམས་ཅད་དུའོ། །དང་པོར་ཕྲེང་བའི་སྔགས་ཀྱིས་གྲོ་ག་ལ་ཆུ་སྐྱེས་འདབ་མ་བཅུ་དྲུག་པའི་དབུས་སུ་བྲི་བར་བྱའོ། །སྲད་བུ་སྔོན་པོས་དཀྲིས་ནས་ལུས་ལ་བཅིངས་ན་ཐམས་ཅད་དུ་བསྲུང་བར་འགྱུར་རོ། །གི་ཝང་ངམ་རྒྱ་སྐྱེགས་ཀྱིས་བྲི་བར་བྱའོ། །འདི་ནི་གཉིས་པའོ། །དེ་བཞིན་དུ་རྒྱུད་གཞན་དུ་གསུངས་པའི་ཆོ་ག་ཡང་འདི་ཉིད་ཀྱི་སྦྱོར་བས་སྦྱར་བར་བྱའོ། །རྣལ་འབྱོར་པས་བསྒོམས་པའི་མཐུ་ཡིས་དེ་བཞིན་དུ་ཐམས་ཅད་འགྲུབ་པར་འགྱུར་རོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། སྔགས་ཀྱི་ཆོ་ག་རིམ་པར་ཕྱེ་བ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་མས་གསོལ་པ། རྣལ་འབྱོར་སྡོམ་པས་གང་གིས་གཞག །སྤྱོད་པའི་ཚུལ་ཡང་ཅི་འདྲ་ཞིག །གང་གིས་དངོས་གྲུབ་ལེགས་པར་འཐོབ། །བྱ་བ་ཁྱབ་བདག་གསུང་བར་མཛོད། །བཅོམ་ལྡན་འདས་ཀྱིས་བཀའ་སྩལ་པ། །སངས་རྒྱས་བསྟན་པ་སུན་འབྱིན་པའི། །ངེས་པར་གདུག་ཅན་གསད་པར་བྱ། །དེ་རྣམས་ཉིད་ཀྱི་ནོར་བླངས་ནས། །སེམས་ཅན་རྣམས་ལ་ཕན་ཕྱིར་སྤྱད།
eKangyur, UT4CZ5369-I1KG9206-0000, page 648 (324b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh431/UT22084-080-015-2619#UT22084-080-015-2619