The Tantra of Caṇḍamahāroṣaṇa
F.315.b
།འདིར་ནི་རྣམ་རྟོག་མི་བྱའོ། །སྦྱོར་རིག་བྱ་དང་བྱ་མིན་དང་། །བགྲོད་མིན་བགྲོད་པའང་དེ་བཞིན་ནོ། །བསོད་ནམས་མེད་ཅིང་སྡིག་པའང་མེད། །མཐོ་རིས་ཐར་པར་བརྟག་མི་བྱ། །ལྷན་ཅིག་སྐྱེས་པ་གཅིག་པུའི་གཟུགས། །རྣལ་འབྱོར་པ་ཡིས་མཉམ་གཞག་བྱ། །དེ་ཉིད་སྦྱོར་ལྡན་རྣལ་འབྱོར་པ། །གང་ཚེ་སྒོམ་པ་མཆོག་གྱུར་པ། །ཁྲོ་བོ་གཏུམ་པོ་གཅིག་སྦྱོར་བས། །དེ་ཡི་ང་རྒྱལ་འཛིན་པ་པོ། །གལ་ཏེ་བྲམ་ཟེ་བརྒྱ་བསད་ཀྱང་། །སྡིག་པ་རྣམས་ཀྱིས་གོས་མི་འགྱུར། །དེ་ཕྱིར་མགོན་པོ་ཆོ་ག་ཡིས། །ཁྲོ་བོ་གཏུམ་པོ་དེ་ཉིད་བསྒོམ། །སྐྱེ་བོ་གང་ཞིག་དྲག་པོ་ཡི། །ལས་ཀྱིས་དམྱལ་བར་འགྲོ་བྱེད་ཀྱང་། །དེ་ལ་སྡིག་པས་མི་གོས་ཤིང་། །མཐོ་རིས་འགྲོ་བར་ཐེ་ཚོམ་མེད། །ཡིད་ནི་སྔོན་དུ་འགྲོ་བ་འདི། །དགེ་དང་སྡིག་པ་ཀུན་ལ་འདོད། །ཡིད་དང་རྣམ་རྟོག་རྣམ་པ་ལ། །གནས་ལ་སོགས་པའི་དབྱེ་བར་བསྟན། །ཇི་ལྟར་སྔགས་དང་བྲལ་བ་ཡི། །དུག་ཟོས་པས་ནི་ཚེ་ཟད་འགྱུར། །སྔགས་དང་དེ་ཉིད་ཤེས་པ་ཡིས། །བདེ་བ་དང་ནི་ཚེ་འཕེལ་བྱེད། །དེ་ནས་སྐད་ཅིག་དེ་ལ་ལྷ་མོ་མཆོག་གི་ཤེས་རབ་ཀྱི་ཕ་རོལ་ཏུ་ཕྱིན་མས་གྲི་གུག་དང་། ཐོད་པའི་ཕྱག་གིས་ཁྲོ་བོ་གཏུམ་པོའི་ཕྱག་རྒྱས། རྡོ་རྗེ་གཏུམ་མོ་ཁྲོ་ཆེན་མས། །དེ་ཉིད་མཆོག་ལ་གཟིགས་ནས་གསུངས། །བདག་གི་གཟུགས་ནི་བསྒོམ་བྱས་ནས། །ང་རྒྱལ་མཆོག་འདི་བྱས་གྱུར་ན། །གལ་ཏེ་ཚངས་འཇོམས་དེ་ཡང་ནི། །སྡིག་པ་ཡིས་ནི་གོས་མི་འགྱུར། །ཁྲོ་ཆེན་སེམས་ཉིད་གཅིག་པུ་ཡིས། །བདག་གི་གཟུགས་ནི་སྒོམ་བྱེད་ན། །ཉ་དང་བྱ་ནི་བསད་བྱས་ཀྱང་། །བརྩེ་མེད་གཡོ་དང་ཁྲོ་བ་དང་། །གསོད་པའི་དོན་ཕྱིར་སེམས་དཔའ་ཅན། །རྣལ་འབྱོར་སྡིག་པས་གོས་མི་འགྱུར། །དེ་རྣམས་ཀུན་ལ་ཕལ་ཆེར་ནི། །མཐུ་ཆེ་བར་ནི་རབ་ཏུ་བསྟན། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་ཁྲོ་བོ་གཏུམ་པོ་ཆེན་པོའི་རྒྱུད་ལས། ལུས་ཀྱི་བདེ་བའི་རིམ་པར་ཕྱེ་བ་སྟེ་བདུན་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། བཅོམ་ལྡན་འདས་མ་ལ་དཀྱིལ་འཁོར་ལྔ་ཡིས་ཕྱག་བཙལ་ནས་གསོལ་པ། དགའ་མ་ཁྱོད་གཟུགས་རྣལ་འབྱོར་པས།
།འདིར་ནི་རྣམ་རྟོག་མི་བྱའོ། །སྦྱོར་རིག་བྱ་དང་བྱ་མིན་དང་། །བགྲོད་མིན་བགྲོད་པའང་དེ་བཞིན་ནོ། །བསོད་ནམས་མེད་ཅིང་སྡིག་པའང་མེད། །མཐོ་རིས་ཐར་པར་བརྟག་མི་བྱ། །ལྷན་ཅིག་སྐྱེས་པ་གཅིག་པུའི་གཟུགས། །རྣལ་འབྱོར་པ་ཡིས་མཉམ་གཞག་བྱ། །དེ་ཉིད་སྦྱོར་ལྡན་རྣལ་འབྱོར་པ། །གང་ཚེ་སྒོམ་པ་མཆོག་གྱུར་པ། །ཁྲོ་བོ་གཏུམ་པོ་གཅིག་སྦྱོར་བས། །དེ་ཡི་ང་རྒྱལ་འཛིན་པ་པོ། །གལ་ཏེ་བྲམ་ཟེ་བརྒྱ་བསད་ཀྱང་། །སྡིག་པ་རྣམས་ཀྱིས་གོས་མི་འགྱུར། །དེ་ཕྱིར་མགོན་པོ་ཆོ་ག་ཡིས། །ཁྲོ་བོ་གཏུམ་པོ་དེ་ཉིད་བསྒོམ། །སྐྱེ་བོ་གང་ཞིག་དྲག་པོ་ཡི། །ལས་ཀྱིས་དམྱལ་བར་འགྲོ་བྱེད་ཀྱང་། །དེ་ལ་སྡིག་པས་མི་གོས་ཤིང་། །མཐོ་རིས་འགྲོ་བར་ཐེ་ཚོམ་མེད། །ཡིད་ནི་སྔོན་དུ་འགྲོ་བ་འདི། །དགེ་དང་སྡིག་པ་ཀུན་ལ་འདོད། །ཡིད་དང་རྣམ་རྟོག་རྣམ་པ་ལ། །གནས་ལ་སོགས་པའི་དབྱེ་བར་བསྟན། །ཇི་ལྟར་སྔགས་དང་བྲལ་བ་ཡི། །དུག་ཟོས་པས་ནི་ཚེ་ཟད་འགྱུར། །སྔགས་དང་དེ་ཉིད་ཤེས་པ་ཡིས། །བདེ་བ་དང་ནི་ཚེ་འཕེལ་བྱེད། །དེ་ནས་སྐད་ཅིག་དེ་ལ་ལྷ་མོ་མཆོག་གི་ཤེས་རབ་ཀྱི་ཕ་རོལ་ཏུ་ཕྱིན་མས་གྲི་གུག་དང་། ཐོད་པའི་ཕྱག་གིས་ཁྲོ་བོ་གཏུམ་པོའི་ཕྱག་རྒྱས། རྡོ་རྗེ་གཏུམ་མོ་ཁྲོ་ཆེན་མས། །དེ་ཉིད་མཆོག་ལ་གཟིགས་ནས་གསུངས། །བདག་གི་གཟུགས་ནི་བསྒོམ་བྱས་ནས། །ང་རྒྱལ་མཆོག་འདི་བྱས་གྱུར་ན། །གལ་ཏེ་ཚངས་འཇོམས་དེ་ཡང་ནི། །སྡིག་པ་ཡིས་ནི་གོས་མི་འགྱུར། །ཁྲོ་ཆེན་སེམས་ཉིད་གཅིག་པུ་ཡིས། །བདག་གི་གཟུགས་ནི་སྒོམ་བྱེད་ན། །ཉ་དང་བྱ་ནི་བསད་བྱས་ཀྱང་། །བརྩེ་མེད་གཡོ་དང་ཁྲོ་བ་དང་། །གསོད་པའི་དོན་ཕྱིར་སེམས་དཔའ་ཅན། །རྣལ་འབྱོར་སྡིག་པས་གོས་མི་འགྱུར། །དེ་རྣམས་ཀུན་ལ་ཕལ་ཆེར་ནི། །མཐུ་ཆེ་བར་ནི་རབ་ཏུ་བསྟན། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་ཁྲོ་བོ་གཏུམ་པོ་ཆེན་པོའི་རྒྱུད་ལས། ལུས་ཀྱི་བདེ་བའི་རིམ་པར་ཕྱེ་བ་སྟེ་བདུན་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། བཅོམ་ལྡན་འདས་མ་ལ་དཀྱིལ་འཁོར་ལྔ་ཡིས་ཕྱག་བཙལ་ནས་གསོལ་པ། དགའ་མ་ཁྱོད་གཟུགས་རྣལ་འབྱོར་པས།
eKangyur, UT4CZ5369-I1KG9206-0000, page 630 (315b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh431/UT22084-080-015-2601#UT22084-080-015-2601