The Glorious King of Tantras That Resolves All Secrets
F.187.a
།གསང་བའི་ཡང་གསང་བ་གསང་བ་རྡོ་རྗེའི་རྒྱུད་ཀྱི་རྒྱལ་པོ་འཁོར་ལོ་སྡོམ་པའི་རྟོག་པ་རྒྱུ་དང་འབྲས་བུའི་དེ་ཁོ་ན་བསྟན་པའི་ལེའུ་སྟེ་བཞི་པའོ།། །།གསང་བ་རྡོ་རྗེའི་རྒྱུད་ཀྱི་རྒྱལ་པོ་ཞེས་བྱ་བ་རྫོགས་སོ།། །།པཎྜི་ར་རཏྣ་བཛྲ་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཏེ་གཏན་ལ་ཕབ་པ།། །།༄༅༅། །རྒྱ་གར་སྐད་དུ། ཤྲཱི་གུ་ཧྱ་སརྦ་ཙྪིནྡ་ཏནྟྲ་རཱ་ཛ། བོད་སྐད་དུ། དཔལ་གསང་བ་ཐམས་ཅད་གཅོད་པའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་བཞུགས་སོ། །དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོ་ལ་སོགས་པའི་འཁོར་རྣམས་ཀྱིས་གཡོན་གྱི་ཕྱོགས་ནས་སྐོར་བ་ལན་གསུམ་བྱས་ནས་ཕྱི་ནང་གསང་བའི་མཆོད་པས་མཆོད་ནས་འདི་སྐད་ཅེས་གསོལ་ཏོ། །ཀྱེ་ཧོ་བཅོམ་ལྡན་རྡོ་རྗེ་འཛིན། །གསང་བ་ཞེས་པ་ཇི་ལྟར་ལགས། །དེ་ཡི་གཅོད་པ་ཇི་ལྟར་ལགས། །རྒྱུད་ཀྱི་དོན་ནི་ཇི་ལྟར་ལགས། །དེ་ཡི་རྒྱལ་པོའང་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །གསང་བ་ཞེས་པ་རྣམ་པ་བཞི། །དང་པོ་བུམ་དབང་དང་འབྲེལ་བའི། །བསྐྱེད་པའི་རིམ་པའི་རྣལ་འབྱོར་ཏེ། །རྟེན་དང་བརྟེན་པར་བསྒོམ་པ་ནི། །སྣོད་བཅུད་གཟུང་འཛིན་རྣམ་རྟོག་རྣམས། །སྤང་ཕྱིར་ང་ཡིས་གསུངས་པ་ཡིན། །དེ་ཡི་ཁྱད་པར་དགོངས་པའི་དོན། །དང་པོ་སྟོང་ཉིད་ལ་སོགས་པ། །རྒྱུད་གཞན་དུ་ནི་ང་ཡིས་གསུངས། །རྟེན་དང་བརྟེན་པའི་བྱེ་བྲག་ལ། །དང་པོ་རྟེན་གྱི་དགོངས་པ་ཡང་། །ཐུགས་ཀའི་ཡི་གེ་ཧཱུྃ་ལས་ནི། །མར་མེ་གཅིག་ལས་གཉིས་ཀྱི་ཚུལ། །ཁ་དོག་ནག་པོའི་ཨེ་འཕྲོས་པས། །གྲུ་གསུམ་རྒྱ་ཆེ་གཏིང་རིང་བསམ། །གྲུ་གསུམ་སྐུ་གསུང་ཐུགས་ཡིན་ཏེ། །དུག་གསུམ་འཇོམས་པ་དགོངས་པའི་དོན། །ལོགས་ནི་རྣམ་ཐར་གསུམ་ཡིན་ཏེ། །ལུས་ངག་ཡིད་གསུམ་ལས་བྱུང་བའི། །མི་དགེ་བཅུ་འཇོམས་དགོངས་པའི་དོན། །ཆོས་ཀྱི་སྐུ་ནི་དྲི་མེད་ཀྱིས། །རང་བཞིན་གྱིས་ནི་ཀུན་ལ་ཁྱབ།
།གསང་བའི་ཡང་གསང་བ་གསང་བ་རྡོ་རྗེའི་རྒྱུད་ཀྱི་རྒྱལ་པོ་འཁོར་ལོ་སྡོམ་པའི་རྟོག་པ་རྒྱུ་དང་འབྲས་བུའི་དེ་ཁོ་ན་བསྟན་པའི་ལེའུ་སྟེ་བཞི་པའོ།། །།གསང་བ་རྡོ་རྗེའི་རྒྱུད་ཀྱི་རྒྱལ་པོ་ཞེས་བྱ་བ་རྫོགས་སོ།། །།པཎྜི་ར་རཏྣ་བཛྲ་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཏེ་གཏན་ལ་ཕབ་པ།། །།༄༅༅། །རྒྱ་གར་སྐད་དུ། ཤྲཱི་གུ་ཧྱ་སརྦ་ཙྪིནྡ་ཏནྟྲ་རཱ་ཛ། བོད་སྐད་དུ། དཔལ་གསང་བ་ཐམས་ཅད་གཅོད་པའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་བཞུགས་སོ། །དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོ་ལ་སོགས་པའི་འཁོར་རྣམས་ཀྱིས་གཡོན་གྱི་ཕྱོགས་ནས་སྐོར་བ་ལན་གསུམ་བྱས་ནས་ཕྱི་ནང་གསང་བའི་མཆོད་པས་མཆོད་ནས་འདི་སྐད་ཅེས་གསོལ་ཏོ། །ཀྱེ་ཧོ་བཅོམ་ལྡན་རྡོ་རྗེ་འཛིན། །གསང་བ་ཞེས་པ་ཇི་ལྟར་ལགས། །དེ་ཡི་གཅོད་པ་ཇི་ལྟར་ལགས། །རྒྱུད་ཀྱི་དོན་ནི་ཇི་ལྟར་ལགས། །དེ་ཡི་རྒྱལ་པོའང་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །གསང་བ་ཞེས་པ་རྣམ་པ་བཞི། །དང་པོ་བུམ་དབང་དང་འབྲེལ་བའི། །བསྐྱེད་པའི་རིམ་པའི་རྣལ་འབྱོར་ཏེ། །རྟེན་དང་བརྟེན་པར་བསྒོམ་པ་ནི། །སྣོད་བཅུད་གཟུང་འཛིན་རྣམ་རྟོག་རྣམས། །སྤང་ཕྱིར་ང་ཡིས་གསུངས་པ་ཡིན། །དེ་ཡི་ཁྱད་པར་དགོངས་པའི་དོན། །དང་པོ་སྟོང་ཉིད་ལ་སོགས་པ། །རྒྱུད་གཞན་དུ་ནི་ང་ཡིས་གསུངས། །རྟེན་དང་བརྟེན་པའི་བྱེ་བྲག་ལ། །དང་པོ་རྟེན་གྱི་དགོངས་པ་ཡང་། །ཐུགས་ཀའི་ཡི་གེ་ཧཱུྃ་ལས་ནི། །མར་མེ་གཅིག་ལས་གཉིས་ཀྱི་ཚུལ། །ཁ་དོག་ནག་པོའི་ཨེ་འཕྲོས་པས། །གྲུ་གསུམ་རྒྱ་ཆེ་གཏིང་རིང་བསམ། །གྲུ་གསུམ་སྐུ་གསུང་ཐུགས་ཡིན་ཏེ། །དུག་གསུམ་འཇོམས་པ་དགོངས་པའི་དོན། །ལོགས་ནི་རྣམ་ཐར་གསུམ་ཡིན་ཏེ། །ལུས་ངག་ཡིད་གསུམ་ལས་བྱུང་བའི། །མི་དགེ་བཅུ་འཇོམས་དགོངས་པའི་དོན། །ཆོས་ཀྱི་སྐུ་ནི་དྲི་མེད་ཀྱིས། །རང་བཞིན་གྱིས་ནི་ཀུན་ལ་ཁྱབ།
eKangyur, UT4CZ5369-I1KG9205-0000, page 373 (187a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh384/UT22084-079-011-366#UT22084-079-011-366