འཁར་གསིལ་འཆང་བའི་ཀུན་སྤྱོད་པའི་ཆོ་ག

The Rite for the Protocols Associated with Carrying the Ringing Staff
F.274.b

F.274.b, volume 72, Degé Kangyur

བཙུན་པ་ཞིག་གི་དྲུང་དུ་པུས་མོ་བཙུགས་ཏེ་འདི་སྐད་དུ་བྱའོ། །​བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ་དེང་བཙུན་པ་ལས་འཁར་གསིལ་འཆང་བའི་སློབ་དཔོན་དུ་གསོལ་ལོ་ཞེས་ལན་གསུམ་དུ་བཟླས་པར་བྱའོ། །​དེས་ཀྱང་འདི་སྐད་དུ་དགོངས་ཤིག །ཚེ་དང་ལྡན་པ་ཁྱོད་བླ་ན་མེད་པའི་བྱང་ཆུབ་ཏུ་སེམས་བསྐྱེད་ནས་འཁར་གསིལ་ཡང་དག་བླངས་ཏེ་ཆོས་བཞིན་དུ་སྤྱོད་པར་བྱེད་དམ། ལག་པ་ཡོངས་སུ་མི་གཙང་བས་དེ་གཟུང་བར་མི་བྱ། དགེ་འདུན་གྱི་གནས་སུ་འཇུག་པའི་ཚེ་མགོ་དང་མ་རྩེ་དབྱུང་བར་བྱས་ལ་གཞག་པར་མི་བྱ། གལ་ཏེ་ཁྱིམ་པའི་ཁྱིམ་དུ་འཇུག་ན་མ་རྩེ་རྒྱབ་ལོགས་སུ་བསྟན་པར་བྱ། གལ་ཏེ་སྔ་དྲོ་ཁྱིམ་པའི་ཁྱིམ་དུ་བསོད་སྙོམས་ལ་འགྲོ་དགོས་པའི་རྐྱེན་ཚོགས་བྱུང་ན་འཁར་གསིལ་ལན་གསུམ་དུ་དཀྲོལ་བར་བྱའོ། །​ལན་གསུམ་དུ་དཀྲོལ་ཏེ་མ་འོངས་ན་ལན་ལྔའི་བར་དུ་དཀྲོལ་བར་བྱའོ། །​ལན་ལྔའི་བར་དུ་དཀྲོལ་ཏེ་མ་འོངས་ན་ལན་བདུན་གྱི་བར་དུ་དཀྲོལ་བར་བྱའོ། །​ལན་བདུན་གྱི་བར་དུ་དཀྲོལ་ཏེ་མ་འོངས་ན་ཁྱིམ་གཞན་དུ་ལན་བདུན་གྱི་བར་དུ་དཀྲོལ་བར་བྱའོ། །​ཁྱིམ་བདུན་གྱི་བར་དུ་ཕྱིན་ཏེ་ཆོག་པར་གྱུར་ན་ཡང་དེར་ཟས་ཀྱི་བྱ་བ་བྱའོ་ཞེས་ལན་གསུམ་གྱི་བར་དུ་བཟླས་པར་བྱའོ། །​འཁར་གསིལ་བཅང་བའི་ཆོས་ནི་ཉི་ཤུ་རྩ་ལྔ་ཡོད་དེ། ས་ལ་སྦྲུལ་ཡོད་པ་བསྲུང་བའི་ཕྱིར་བཅང་བར་བྱ་བ་དང་། རྒལ་བའི་ཕྱིར་བཅང་བར་བྱ་བ་དང་། བསོད་སྙོམས་སྤྱོད་པའི་ཕྱིར་བཅང་བར་བྱ་བ་དང་། འབྱུང་ཞིང་འཇུག་པ་ན་ཡང་སྐུ་གཟུགས་མཐོང་བའི་ཚེ་སྒྲ་དབྱུང་བར་བྱ་བ་དང་། འཁར་གསིལ་ཐོགས་ནས་དགེ་འདུན་གྱི་ནང་དུ་འཇུག་པར་མི་བྱ་བ་དང་། དྲོ་ཡོལ་ཕན་ཅད་འཁར་གསིལ་ཐོགས་ནས་འགྲོ་བར་མི་བྱ་བ་དང་། ཕྲག་པ་གཉིས་ལ་བཀལ་ཏེ་མགོ་བོ་གཉིས་ལ་དཔྱང་བར་མི་བྱ་བ་དང་། ཕྲག་པར་བསྐུར་བར་མི་བྱ་བ་དང་། ལག་པས་དཀྱོག་པར་མི་བྱ་བ་དང་། འཁར་གསིལ་ཐོགས་ནས་བཤང་གཅིའི་སར་འགྲོ་བར་མི་བྱ་བ་དང་། མཁན་པོ་དང་སློབ་དཔོན་འཁར་གསིལ་ཐོགས་ཏེ་འགྲོ་བའི་རྗེས་བཞིན་དུ་འགྲོ་བར་མི་བྱ་བ་དང་། གང་

eKangyur, UT4CZ5369-I1KG9198-0000, page 548 (274b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh336/UT22084-072-036-69#UT22084-072-036-69