The Verses of Nāga King Drum
F.207.b
།འཁོན་གྱིས་འཁོན་ཞིར་ནམས་ཀྱང་མི་འགྱུར་བས། །བཟོད་མེད་རྣམས་ལའང་བཟོད་པར་བྱས་ན་ལེགས། །ཁྲོས་པ་རྣམས་ལ་རྟག་ཏུ་དང་བ་དང་། །གཞན་གྱི་སྐྱོན་རྣམས་རྟག་ཏུ་བཅབ་པར་གྱིས། །གཙོ་བོ་རྣམས་ཀྱི་ཚིག་ནི་འཇིགས་ཕྱིར་དང་། །འཐབ་ཟླའི་ཚིག་དག་འཐབ་གཅུགས་གྱུར་ཕྱིར་བཟོད། །གང་ཞིག་འོག་མའི་ཚིག་དག་བཟོད་བྱེད་པ། །དེ་ནི་བཟོད་པའི་མཆོག་ཅེས་དམ་པས་གསུངས། །གཤེ་དང་གྱ་ཚོམ་སྨྲ་བ་དང་། །ཚིག་ངན་སྨྲ་བར་བྱེད་པ་ལ། །བློ་གྲོས་ཆུང་ངུ་མི་བཟོད་དེ། །པད་མ་ལ་ནི་རྡོ་ཆར་བཞིན། །གཤེ་དང་གྱ་ཚོམ་སྨྲ་བ་དང་། །ཚིག་ངན་སྨྲ་བར་བྱེད་པ་ལ། །མཁས་པ་ཤིན་ཏུ་བཟོད་བྱེད་དེ། །གླང་ཆེན་མེ་ཏོག་ཆར་པ་བཞིན། །ཁྲོ་བ་དང་ནི་བརྫུན་དག་དང་། །ཚིག་ངན་སྨྲ་བར་བྱེད་པ་ལ། །མཁས་པ་ཤེས་རབ་ལྡན་གྱུར་པ། །གང་ཡིན་དེ་ནི་ཐམས་ཅད་བཟོད། །རྡོ་བ་བསྲེགས་ཀྱང་འཇུ་མི་འགྱུར། །ཆར་པ་བབ་ཀྱང་འཇིག་པ་མེད། །དེ་བཞིན་བདེ་དང་སྡུག་བསྔལ་གྱིས། །མཁས་པ་ཉམས་པར་འགྱུར་བ་མེད། །གང་ཞིག་བདེན་པས་གཤེ་བྱེད་པ། །དེ་ལ་མཁས་པས་བཟོད་པར་བྱེད། །བདེན་པ་མ་ཡིན་པ་ཡང་བཟོད། །དེ་ལས་གཞན་པ་བསྟན་དུ་མེད། །འདི་ལྟར་སྐྱེས་བུ་མཁས་པ་ནོར་གྱི་ཕྱིར། །སྡུག་བསྔལ་བཟོད་བྱ་བཟོད་པར་འགྱུར་བར་བར་བྱ། །གལ་ཏེ་མི་བཟོད་མྱ་ངན་རྣམ་སྤངས་ཏེ། །གཞན་དུ་སོང་ན་སྟོང་ཕྲག་རྙེད་དང་འདྲ། །ཡལ་ག་སྙེགས་ལ་འཇུ་བར་མི་བྱ་ཞིང་། །ཆགས་བྲལ་སེམས་ལ་ཆགས་པར་མི་བྱ་སྟེ། །བཟང་ཞིང་སྡུག་པས་ས་སྟེང་གང་བས་ན། །འཇིག་རྟེན་ཡངས་པ་གཞན་དུ་འགྲོར་ཟད་མོད། །གང་ན་བརྙས་བྱེད་བཀུར་སྟི་མི་བྱེད་དང་། །སྨོད་པར་བྱེད་ཅིང་སྟོད་པར་མི་བྱེད་ན། །མཁས་དང་བླུན་འགྲོགས་ཆེད་ཀ་མི་ཆེ་བས། །རང་རྒྱལ་བཞིན་དུ་མ་སྨྲ་དེ་འགྲོ་རིགས། །གང་ན་སྐྱེས་བུ་འཐབ་ལ་དགའ་གྱུར་ནས། །གཡོ་སྒྱུའི་བསམ་ལྡན་རྟག་ཏུ་གླགས་ཀྱང་བྱེད། །ཀྱལ་པ་དབྱེན་བརྫུན་ཚིག་རྩུབ་སྨྲ་བྱེད་པ། །དེ་ཚེ་མཁས་པ་མྱུར་དུ་ཡུལ་གཞན་སོང་།
།འཁོན་གྱིས་འཁོན་ཞིར་ནམས་ཀྱང་མི་འགྱུར་བས། །བཟོད་མེད་རྣམས་ལའང་བཟོད་པར་བྱས་ན་ལེགས། །ཁྲོས་པ་རྣམས་ལ་རྟག་ཏུ་དང་བ་དང་། །གཞན་གྱི་སྐྱོན་རྣམས་རྟག་ཏུ་བཅབ་པར་གྱིས། །གཙོ་བོ་རྣམས་ཀྱི་ཚིག་ནི་འཇིགས་ཕྱིར་དང་། །འཐབ་ཟླའི་ཚིག་དག་འཐབ་གཅུགས་གྱུར་ཕྱིར་བཟོད། །གང་ཞིག་འོག་མའི་ཚིག་དག་བཟོད་བྱེད་པ། །དེ་ནི་བཟོད་པའི་མཆོག་ཅེས་དམ་པས་གསུངས། །གཤེ་དང་གྱ་ཚོམ་སྨྲ་བ་དང་། །ཚིག་ངན་སྨྲ་བར་བྱེད་པ་ལ། །བློ་གྲོས་ཆུང་ངུ་མི་བཟོད་དེ། །པད་མ་ལ་ནི་རྡོ་ཆར་བཞིན། །གཤེ་དང་གྱ་ཚོམ་སྨྲ་བ་དང་། །ཚིག་ངན་སྨྲ་བར་བྱེད་པ་ལ། །མཁས་པ་ཤིན་ཏུ་བཟོད་བྱེད་དེ། །གླང་ཆེན་མེ་ཏོག་ཆར་པ་བཞིན། །ཁྲོ་བ་དང་ནི་བརྫུན་དག་དང་། །ཚིག་ངན་སྨྲ་བར་བྱེད་པ་ལ། །མཁས་པ་ཤེས་རབ་ལྡན་གྱུར་པ། །གང་ཡིན་དེ་ནི་ཐམས་ཅད་བཟོད། །རྡོ་བ་བསྲེགས་ཀྱང་འཇུ་མི་འགྱུར། །ཆར་པ་བབ་ཀྱང་འཇིག་པ་མེད། །དེ་བཞིན་བདེ་དང་སྡུག་བསྔལ་གྱིས། །མཁས་པ་ཉམས་པར་འགྱུར་བ་མེད། །གང་ཞིག་བདེན་པས་གཤེ་བྱེད་པ། །དེ་ལ་མཁས་པས་བཟོད་པར་བྱེད། །བདེན་པ་མ་ཡིན་པ་ཡང་བཟོད། །དེ་ལས་གཞན་པ་བསྟན་དུ་མེད། །འདི་ལྟར་སྐྱེས་བུ་མཁས་པ་ནོར་གྱི་ཕྱིར། །སྡུག་བསྔལ་བཟོད་བྱ་བཟོད་པར་འགྱུར་བར་བར་བྱ། །གལ་ཏེ་མི་བཟོད་མྱ་ངན་རྣམ་སྤངས་ཏེ། །གཞན་དུ་སོང་ན་སྟོང་ཕྲག་རྙེད་དང་འདྲ། །ཡལ་ག་སྙེགས་ལ་འཇུ་བར་མི་བྱ་ཞིང་། །ཆགས་བྲལ་སེམས་ལ་ཆགས་པར་མི་བྱ་སྟེ། །བཟང་ཞིང་སྡུག་པས་ས་སྟེང་གང་བས་ན། །འཇིག་རྟེན་ཡངས་པ་གཞན་དུ་འགྲོར་ཟད་མོད། །གང་ན་བརྙས་བྱེད་བཀུར་སྟི་མི་བྱེད་དང་། །སྨོད་པར་བྱེད་ཅིང་སྟོད་པར་མི་བྱེད་ན། །མཁས་དང་བླུན་འགྲོགས་ཆེད་ཀ་མི་ཆེ་བས། །རང་རྒྱལ་བཞིན་དུ་མ་སྨྲ་དེ་འགྲོ་རིགས། །གང་ན་སྐྱེས་བུ་འཐབ་ལ་དགའ་གྱུར་ནས། །གཡོ་སྒྱུའི་བསམ་ལྡན་རྟག་ཏུ་གླགས་ཀྱང་བྱེད། །ཀྱལ་པ་དབྱེན་བརྫུན་ཚིག་རྩུབ་སྨྲ་བྱེད་པ། །དེ་ཚེ་མཁས་པ་མྱུར་དུ་ཡུལ་གཞན་སོང་།
eKangyur, UT4CZ5369-I1KG9198-0000, page 414 (207b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh325/UT22084-072-025-139#UT22084-072-025-139