དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་ཡང་དག་པར་བརྗོད་པ།

Describing the Benefits of Producing Representations of the Thus-Gone One
F.197.a

Tathāgata­pratibimba­pratiṣṭhānuśaṃsa­saṃvarṇana
F.197.a, volume 72, Degé Kangyur

༄༅༅། །​རྒྱ་གར་སྐད་དུ། ཨཱརྱ་ཏ་ཐཱ་ག་ཏ་པྲ་ཏི་བིམྦ་པྲ་ཏིཥྛ་ཨ་ནུ་ཤཾས་སམྦ་དནྟི་ནཱ་མ་དྷརྨ་པརྱཱ་ཡ། བོད་སྐད་དུ། འཕགས་པ་དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་ཡང་དག་པར་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས་ཐམས་ཅད་མཁྱེན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །​དེའི་ཚེ་དགེ་སློང་རབ་ཏུ་མང་པོ་དག་ཅིག་རིམ་གྲོའི་གནས་སུ་ལྷགས་ཏེ་འདུག་ནས་བར་སྐབས་དེར་གཏམ་འདི་ལྟ་བུ་ཞིག་གླེངས་སོ། །​ཁྱེད་ཅག་ལ་བྲམ་ཟེའམ། ཁྱིམ་བདག་དད་པ་ཅན་ཐོས་པ་ན་ང་། འཛིན་པ། ཐོས་པ་བསགས་པ། དགེ་བ་ཇི་ལྟར་བྱ་ཞེས་ཚོལ་བ། དེ་བཞིན་གཤེགས་པའི་གཟུགས་བརྙན་བགྱིད་པར་སྤྲོ་བ་སྐྱེད་པ་དག་སྣང་ལ་དེ་དག་གལ་ཏེ་བདག་ཅག་གི་དྲུང་དུ་ལྷགས་ནས་བཙུན་པ་དག་དེ་བཞིན་གཤེགས་པའི་གཟུགས་བརྙན་བགྱིད་པའི་གང་ཟག་སྦྱིན་པ་པོ་ལ་ཕན་ཡོན་ཇི་ཙམ་ཞིག་མཆིས་པར་རིག་པར་བགྱི་ཞེས་རྨེད་ན། དེ་བཞིན་གཤེགས་པའི་གཟུགས་བརྙན་བགྱིད་པ་ལ་ཕན་ཡོན་ཇི་ཙམ་ཞིག་ཡོད་པ་བདག་ཅག་གིས་མི་ཤེས་ཏེ། དེའི་ཚེ་དེ་དག་ལ་བདག་ཅག་གིས་ཇི་ལྟར་ཆོས་དང་འཐུན་པར་ལན་གདབ་པར་བྱ། གང་དོན་འདི་དག་ཉིད་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པ། ཐམས་ཅད་གཟིགས་པ། ཐེ་ཚོམ་ཐམས་ཅད་གཅོད་པར་མཛད་པ། སྟོན་པ་དེ་ལ་བདག་ཅག་གིས་ཞུའོ། །​འོན་ཏ་ང་བཅོམ་ལྡན་འདས་དེ་བདག་ཅག་ལ་ལུང་སྟོན་པར་མཛད་དེ། བདག་ཅག་གིས་དེ་བཞིན་བཟུང་ནས་བྲམ་ཟེ་དང་། ཁྱིམ་བདག་དད་པ་ཅན་རྣམས་ལ་རྒྱ་ཆེར་ཕྱེ་སྟེ་ལན་གདབ་པར་བྱའོ་ཞེས་བགྲོས་སོ། །​དེ་ནས་དགེ་སློང་རབ་ཏུ་མང་པོ་དག་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །​ཕྱོགས་གཅིག་ཏུ་འཁོད་ནས་དགེ་སློང་རབ་ཏུ་མང་པོ་དག་གིས་བཅོམ་ལྡན་འདས་ལ་

eKangyur, UT4CZ5369-I1KG9198-0000, page 393 (197a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh320/UT22084-072-020-80#UT22084-072-020-80