དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.225.b

Saddharma­smṛtyupasthāna
F.225.b, volume 69, Degé Kangyur

པའི་བྲམ་ཟེ་གཞན་དག་གིས་ལྷ་དེ་རྣམས་མཐོང་ནས་གཟུགས་སམ་སྤྱོད་པ་ནི་ཤེས་ལ། དེ་དག་གིས་དེ་རྣམས་ཟས་ཟ་བ་མ་མཐོང་། སྦྱིན་པ་བྱེད་པ་མ་མཐོང་བ་དང་འདི་སྙམ་དུ་སེམས་ཏེ། འདི་ལྟར་ལྷ་འདི་རྣམས་ཟས་མི་ཟ། སྐོམ་མི་འཐུང་བ་ལས་ན། གོར་མ་ཆག་པར་བདག་ཅག་གིས་ཀྱང་ཟས་མ་ཟོས་ཀྱང་དེ་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་སྙམ་ནས་དེ་དག་ལས་ཀྱི་འབྲས་བུ་ལ་སྐུར་པ་འདེབས་ཤིང་། འདི་ལྟར་ཟས་མ་ཟོས་པའམ་ཟས་ཞིམ་པོ་མ་ཟོས་པས་མཐོ་རིས་འཐོབ་པར་འགྱུར་རོ་ཞེས་བསྟན་བཅོས་ངན་པ་དག་ཀྱང་བྱེད་ལ། དེ་གཞན་དག་ཀྱང་གཏན་ཚིགས་དང་དཔེ་ངན་པ་སྟོན་པའི་ཚིག་རྣམས་ཀྱིས་དེ་ཉིད་འཛིན་དུ་འཇུག་པར་བྱེད་དེ། དེ་ལྟར་བདག་དང་གཞན་ལོག་པར་ལྟ་བ། ལས་ཀྱི་འབྲས་བུ་ལ་སྐུར་པ་འདེབས་པ་ནི། ལུས་དང་བྲལ་ནས་ངན་འགྲོ་ལོག་པར་ལྟུང་བ། སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ། །​དེ་ལྟར་དེ་ཁོ་ན་ཉིད་མ་མཐོང་བ་ནི་ངན་འགྲོ་ཐམས་ཅད་ཀྱི་སྒོར་གྱུར་པ་ཡིན་ནོ། །​ལྷ་དེ་རྣམས་ཀྱི་སྐད་ཅིག་ཙམ་མམ་ཐང་ཅིག་ཙམ་མམ་དེ་ཙམ་གང་ཡིན་པ་དེ་ལ་མི་རྣམས་ཀྱི་ལོར་བགྲངས་ན་ཡུན་རིང་སྟེ། དེ་ལ་བྲམ་ཟེ་དེ་དག་འདི་ལྟར་ལྷ་འདི་དག་ནི་རྟག་པ་བརྟན་པ་ཐེར་ཟུག་པ་མི་འགྱུར་བའི་ཆོས་ཅན་ཡིན་ལ། དེ་དག་འཇིག་རྟེན་སྐྱེད་པར་ཡང་བྱེད་ལ་འཇིག་པར་བྱེད་པ་ཡིན་ནོ་ཞེས་དེ་ལྟར་བསྟན་བཅོས་བྱེད་ཅིང་གཞན་དག་ཀྱང་དེ་ཉིད་ལ་འཛིན་དུ་འཇུག་པར་བྱེད་པ། རྒྱུ་དང་འབྲས་བུ་ལ་སྐུར་པ་འདེབས་པ་དེ་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ། །​དེ་ལྟར་སེམས་ཀྱི་དགྲས་ཡོངས་སུ་བསླུས་པའི་སེམས་ཅན་རྣམས་རྣམ་པ་དུ་མར་དེ་ཁོ་ན་ཉིད་ལ་མི་ལྟ་བ། དེ་ཁོ་ན་ཉིད་མ་མཐོང་བ་ནི་ལྟ་བར་གྱུར་པའི་བསྟན་བཅོས་དག་བྱེད་དོ། །​དེ་ནས་དེ་ལྟར་དེ་ཁོ་ན་ཉིད་མ་ཡིན་པས་སེམས་ཡོངས་སུ་བསླུས་པའི་སེམས་ཅན་རྣམས། དགེ་སློང་དེས་མངོན་པར་མཐོང་ནས་ཚིགས་སུ་

eKangyur, UT4CZ5369-I1KG9195-0000, page 450 (225b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-100949#UT22084-068-021-100949