དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.209.b

Saddharma­smṛtyupasthāna
F.209.b, volume 69, Degé Kangyur

དེའི་ཐ་མ་དང་འབྲིང་དང་མཆོག་ཟག་པ་དང་བཅས་པ་དང་ཟག་པ་མེད་པའི་འབྲས་བུ་ལ་ཁྱེད་ཅག་ལྟོས། དེ་ནས་གཞན་ཡང་བརྒྱ་བྱིན་དེས་ལྷ་དེ་དག་ཉིད་ལ་སྦྱིན་པ་དང་ཚུལ་ཁྲིམས་དང་ཡེ་ཤེས་རྣམ་པ་དགུའི་གནས་སྐབས་རབ་ཏུ་སྟོན་པར་བྱེད་དེ། སྦྱིན་པ་ཐ་མ་དང་འབྲིང་དང་མཆོག་གིས་མཐོ་རིས་རྣམས་སུ་འབྲས་བུ་རྣམ་པར་སྨིན་པ་འབྱུང་བར་འགྱུར་རོ། །​དེ་ལ་སེམས་བསྒོམས་ཤིང་། ཞིང་ཡོན་ཏན་དང་ལྡན་ལ་སླུ་བ་མེད་པའི་མཚན་ཉིད་དང་ལྡན་ཡང་དངོས་པོ་ཕུན་སུམ་ཚོགས་པ་མ་ཡིན་ན་འབྲས་བུ་དེ་ཉིད་ཆུང་ལ། འབྲས་བུ་ཡི་དགས་མཐུ་བོ་ཆེར་འགྱུར་ཏེ། དུད་འགྲོ་ཞིག་ན་ཡང་འབྲས་བུ་བདེ་བ་འཐོབ་པར་འགྱུར་རོ། །​ལྷ་དག་ལས་ཀྱི་མེ་ལོང་འདི་ཉིད་ཀྱི་ནང་ན་འབྲས་བུ་གཟུགས་བརྙན་སྣང་བ་སྦྱིན་པ་འབྲིང་འདི་ལ་ལྟོས། ལས་ཀྱི་འབྲས་བུ་སྣ་ཚོགས་བྲིས་པའི་རྩིག་ངོས་ལ་སྦྱིན་པའི་འབྲས་བུ་འབྲིང་ནི། སེམས་མ་བསྒོམས་ཤིང་དངོས་པོ་ཡོན་ཏན་དང་ཡང་མི་ལྡན་ལ། ཞིང་ཡོན་ཏན་དང་ལྡན་པ་ཁོ་ན་ལ་སྦྱིན་པའི་འབྲས་བུ་ནི། ནུབ་ཀྱི་བ་ལང་སྤྱོད་དམ་ཤར་གྱི་ལུས་འཕགས་གླིང་གི་མི་རྣམས་ཀྱི་ནང་ངམ་དུད་འགྲོའམ་གནོད་སྦྱིན་ནམ་ལྷ་མ་ཡིན་རྣམས་ཀྱི་ནང་དུ་འབྲས་བུ་འཐོབ་པར་འགྱུར་ཏེ། འབྲས་བུ་འབྲིང་པོ་ཐོབ་པ་དེ་ཡང་དེ་ལྟར་མེ་ལོང་ལྟ་བུར་ལྷ་དེ་དག་ཉིད་ཀྱི་མངོན་སུམ་དུ་སྣང་ངོ་། །​དེ་ནས་གཞན་ཡང་བརྒྱ་བྱིན་གྱིས་ལས་ཀྱི་མེ་ལོང་དེ་ཉིད་ཀྱི་ནང་ན་གཟུགས་བརྙན་གྱི་ངོ་བོར་གྱུར་པ། འདི་ལྟར་སྦྱིན་པའི་འབྲས་བུ་རྣམ་པ་གསུམ་པོ་འདི་ཡང་རབ་ཏུ་སྟོན་པར་བྱེད་དོ། །​གཞན་ཡང་ལྷ་ཁྱེད་ཅག་ཐ་མ་དང་འབྲིང་དང་མཆོག་ལ་ལྟོས་ཤིག། དེ་ལ་ཐ་མ་ནི་རྣམ་པ་གཞན་གྱིས་མི་འགྱུར་ཏེ། འདི་ལྟར་སེམས་མ་བསྒོམས་ལ་ཞིང་ཕུན་སུམ་ཚོགས་པ་ཡིན་ནོ། །​དེ་ལ་སེམས་མ་བསྒོམས་པ་ཇི་ལྟ་བུ་ཡིན་ཞེ་ན། སྦྱིན་བདག་གང་སྲོག་ཆགས་ལ་ཤིན་ཏུ་ཕན་པ་བྱས་ཤིང་། ཞིང་དང་དངོས་པོ་རྙེད་ཀྱང་སེམས་དང་བ་མ་ཡིན་ཏེ། ལུས་ཀྱིས་མངོན་པར་ལྡང་བ་དང་། ཕྱག་འཚལ་བ་ལ་སོགས་པ་གུས་པར་མི་བྱེད་པ་འདི་ནི་ཞིང་ཡོན་ཏན་དང་ལྡན་ཞིང་། དངོས་པོ་ཡོན་ཏན་དང་ལྡན་པ་ཡིན་

eKangyur, UT4CZ5369-I1KG9195-0000, page 418 (209b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-100917#UT22084-068-021-100917